- Aruba ta conta riba crecemento modera den añanan cu ta bini
- Surnam mas cerca di mundial WK 2026 despues di un amplio victoria riba El Salvador
- Hulanda por perde Dumfries contra Polonia, Koeman: ‘Awe nochi lo mi tuma desicion’
- Corsou a ‘crush’ Bermuda 7-0 y ta un wega leu di bay Mundial Futbol 2026
- E portavion mas grandi di mundo cu 4 mil militar, ta cla pa actua den Caribe!
Hulanda no ta mete awor cu Merca a corta financiamento pa NGO pa islanan CAS
DEN HAAG – Gobierno Hulandes ta bisa di lo no interveni pa compensa e perdida di sosten financiero di Merca cu ta afectando NGO’s y iniciativanan di sociedad civil na Aruba, Curaçao, y Sint Maarten. Esaki a keda confirma door di Secretario di Estado Hulandes pa Relashonnan di Reino, Zsolt Szabó, como contesta riba preguntanan por eskrito di Parlamentario Hulandes Raoul White (GroenLinks-PvdA).
Segun Szabó, ta principalmente responsabilidad di e gobiernonan local di e paisnan autonomo di Caribe pa atende e impacto di financiamento reduci di Merca—particularmente esun di e Agencia di Merca pa Desaroyo Internashonal (USAID). E fondonan aki anteriormente tabata sostene un rango di programanan di asistencia social, di salud y huridico, incluyendo servicio pa migrantenan indocumenta, poblacionnan vulnerabel y esnan cu ta busca proteccion.
Szabó a reconoce cu e cortamento di presupuesto di USAID ta afectando NGOnan internacional activo den e region, pero el a enfatisa cu Reino Hulandes no ta responsabel pa reemplasa e recursonan perdi aki. “E relacion constitucional special no ta nifica cu Reino mester compensa pa e descontinuacion di financiamento externo,” e la declara. “Esaki ta keda un responsabilidad primordial di e paisnan den Caribe.” Por lesa e carta completo original AKI.
Hulanda por perde Dumfries contra Polonia, Koeman: ‘Awe nochi lo mi tuma desicion’
AMSTERDAM – E hungador hulandes di futbol cu raiznan na Aruba, Denzel Dumfries por no hunga viernes nochi den e partido importante di clasificadornan pa WK di Hulanda contra Polonia. Bondscoach Ronald Koeman lo bishita e doctor mas lat awe nochi y lo tuma e desicion tocante e rightback.
Awe Tweede Kamer ta debati riba resultadonan electoral hulandes y e formacion
DEN HAAG - Aworaki Camara di Tweede ta debati tocante e resultadonan di eleccion y e conseho di verkenner di D66, Wouter Koolmees. E la papia cu tur fraccionnan y a pone riba mapa kico ta e posibilidadnan y imposibilidadnan pa forma un gobierno estable. Su conseho ta cu lider di D66, Jetten, y lider di CDA, Bontenbal, lo scribi un "agenda positivo" hunto tocante con e mayor problema di pais por wordo soluciona.
Fin di luna Tweede Kamer ta dicidi si ta sigui trata HOFA of ta declare controversial
DEN HAAG – Fin di luna commission di Tweede Kamer ta dicidi si ta sigui trata HOFA of ta declare controversial. E comision nobo di Tweede Kamer pa Relacionnan di Reino lo reuni pa prome biaha riba 26 di november. Pa awor, Songul Mutluer (GroenLinks-PvdA) ta e persona cu ta dirige e comision. Recientemente e secretario di estado hulandes pa asuntonan di Reino Eddie van Marum, a confirma esaki tambe pa noticia cla, esta si ta sigui negosha riba HOFA of ta pone ‘on hold’ te ora cu e gobierno nobo sinta. Esaki lo ta den prome mitar di 2026.
Hulanda awor cu conseho mas estricto pa Reino contra biahamento pa Venezuela
DEN HAAG – Ministerio di Asuntonan di Hulanda ta conseha habitantenan di Reino di Hulanda pa no biaha pa Venezuela. E advertencia a wordo pone mas stricto diamars pa motibo di e situacion cu ta keda tenso y impredecibel den e pais vesino y den e laman Caribe cerca di costa Venezolano.
Koolmees: D66 y CDA hunto lo investiga punto posibilidad di coalicionnan
DEN HAAG - D66 y CDA mester sigui investiga cua puntonan coalicionnan ta posible pa por conta riba mayoria den Tweede Kamer y den Eerste Kamer. Esaki ta e conseho di verkenner Wouter Koolmees (D66).
Si seleccion di Hulanda gana Polonia diabierna, e ta clasifica pa mundial
AMSTERDAM - E periodo internacional aki por keda desisivo pa Oranje: clasificacion pa e Campeonato Mundial di 2026 den Merca, Canada y Mexico. Un victoria diabierna contra Polonia den Warschau ta basta pa un ticket pa Copa Mundial.
Follow NoticiaCla
