Na Corsou, a duna Condecoracion Real na 12 ciudadano

WILLEMSTAD – E inscripcion pa Festival di Tumba 2026 na Corsou,  ta mustra un mezcla fuerte di nombernan estableci y talento nobo. Na total, 54 artista y banda a inscribi pa participa y competi pa e titulo deseado di Rey of Reina di Tumba, e cancion oficial di carnaval di e aña. Manera custumber cu e inscripcionnan, tin presencia di hopi participante cu ta bolbe participa regularmente y cu ya tin un trayecto comproba den e scena di tumba di Corsou. Entre nan ta Ismael “Ike” Jesurun, un di e mas exitoso compositor den historia di e festival, cu den añanan pasa a termina repetidamente den e top diez y a gana varios premio. Tambe otro compositor y arreglista cu experencia, cu anteriormente a logra exito na edicionnan pasa, ta figura di nobo riba e lista di inscripcion, loke ta indica cu talento estableci kier bolbe lucha pa e cancion di carnaval di 2026.

WILLEMSTAD – E anuncio reciente di presidente mericano Donald Trump pa pone mas impuesto riba producto di importacion di ocho paisnan europeo, cu Hulanda tambe inclui, ta crea un situacion serio den comercio mundial. Segun analista geo-politico Idelgar Sosa, e extra impuesto di 10% como medida di presion pa e conflicto pa anexa Groenland lo mas lihe posible, pa e bira un territorio di Estados Unidos (USA) pa garantiza un defensa di territorio mericano mas mihor, no ta afecta solamente Union Europeo den su totalidat, sino lo tin consecuencia directo pa consumidor nan na Corsou.

WILLEMSTAD – Den reunion di Conseho di Minister, a nombra señora Neysa Isenia RA como e Direktora General (CEO) nobo di Integrated Utility Holding N.V. Señora Isenia ta un accountant di profesion.

WILLEMSTAD.- E èks Presidente di Banko Sentral, dr. Emsley Tromp, ta lamentá ku hopi hende den komunidat tin e komo un ladron grandi, un “grote boef” manera e mes a deklará, un korupto, siendo ku pa hopi tempu el a sakrifiká i duna tur loke e tabata por na bienestar di pais. Aktualmente bida ta difísil pe ya ku aparte di e karga sikológiko, físikamente e no ta konosiendo su mihó tempu. Tromp ta ser akusá ku den e temporada di mei 2009 pa yanüari 2017 el a hasi su mes kulpabel di falsifikashon di dokumento. El a bai den apelashon ku su kaso despues ku korte di promé instansia a sentensi’é na 6 luna kompletamente kondishonal.

WILLEMSTAD - Un tankero cu petroleo for di Venezuela a yega na Corsou a mara na haf. E carga ta wordo warda temporariamente den tanknan tamaño grandi, bao di instruccion di gobierno Mericano. Dos di companianan mas grandi den comercio di petroleo y materia primario — Trafigura Group y Vitol Group — ta ocupa cu transporta petroleo for di Venezuela pa Caribe. For di ei, e petroleo por wordo bendi mas adbiertamente.

WILLEMSTAD - Promé Minister, señor Gilmar Pisas, a anunsiá cu awe diahuebs, 15 di yanüari 2026, su ekselensia Gobernador, señor Mauritsz de Kort, ta huramentá un minister nobo pa e Ministerio di Salubridat, Medio Ambiente i Naturalesa (GMN). E minister nobo aki ta señor Tyron Boekhoudt. E huramentu lo tuma lugá 3:30’or di atardi na Palasio di Gobernador.