- Noticia di Noticiacla confirma: 30 di maart, ta ultimo buelo di Britsh Airways
- Trump: Invoerrechten adicional pa paisnan cu ta cumpra petroleo for di Venezuela
- ATA kier yuda mitiga sobreturismo pa Aruba
- ATA: Aruba a ricibi menos turista ‘stayover’ na Februari 2025 compara cu 2024
- Pa e fin di siman aki, awor si, Aruba por tin su gobierno nobo
Dirks: Cu Aruba ta cla pa importa carni di Colombia, ta puro storia
ORANJESTAD – Contrario na loke gobierno ta bisando cu Aruba ta cla pa cuminsa importa carni for di Colombia, esaki no ta cuadra cu berdad. Asina CEO di COMPRA Aruba NV, Hubert Dirks a bisa den e programa Noticiacla LIVE diamars anochi. E tin mas di 15 aña ta bisa gobierno pa haci tal, pero nada ainda. Y e hecho cu a bisa recientemente cu ta cla pa cuminsa, no ta berdad. Pa wak e segmento, click AKI.
Noticia di Noticiacla confirma: 30 di maart, ta ultimo buelo di Britsh Airways
ORANJESTAD – Dialuna aeropuerto di Aruba a confirma e primicia di Noticiacla cu British Airways enberdad ta stop di bula pa Aruba. “ British Airways a tuma e decision dificil pa descontinua su servicionan pa Aruba y como tal, e ultimo vuelo lo ta diadomingo 30 di maart 2025” aeropuerto a informa. Tabata dia 8 di januari 2025 cu Noticiacla a bin cu e primicia 'lamentable', cu despues tambe a wordo confirma pa oficina di turismo, y awe pa aeropuerto, indicando e fecha di despedida. E trabou largo di 10 aña pa convence e aeroliña pa despues celebra e logro aki, no a dura hopi.
ATA kier yuda mitiga sobreturismo pa Aruba
ORANJESTAD - Aruba Tourism Authority (A.T.A.) a informa dialuna cu e ta implementa un cambio strategico pa yega na un modelo di maneho di destinacion segun balans y sostenibilidad cu ta balora tanto e bienestar di nos residente como e experencia di e huesped.
ATA: Aruba a ricibi menos turista ‘stayover’ na Februari 2025 compara cu 2024
ORANJESTAD – Dialuna Aruba Tourism Authority a raporta cu den februari 2025, Aruba a ricibi un total di 115,560 huesped “stayover”, esaki ta un disminucion di 5.4%, si compara cu februari 2024, unda a ricibi 122,149 huesped “stayover”.
Aeropuerto di Aruba a registra mas di 280 mil pasahero na januari 2025
ORANJESTAD – Aeropuerto a duna inicio na 2025 cu un crecemento constante den trafico y operacionnan di pasahero, reflehando un comienso fuerte di aña. Asina e portal di aeropuerto di Aruba ta raporta diabierna.
Banco Central a reduci e reserva obligatorio pa banconan comercial
ORANJESTAD - Entrante 1 di februari 2025, Banco Central di Aruba (CBA) a reduci e tasa di reserva obligatorio di 14,5% pa 13,5%. E decision monetario aki ta baha e balansanan minimo cu banconan comercial local mester tene na CBA, aumentando asina e fondonan disponibel pa prestamo y pa inversion.
Aeropuerto mes, sin ayudo di RSG, ta buscando un CEO nobo
ORANJESTAD – Aeropuerto di Aruba a cuminsa oficialmente cu su buskeda pa un CEO nobo, despues cu for di aña pasa juli, e ta oficialmente sin CEO na cabez despues cu e ultimo CEO, Joost Meijs a opta pa bandona Aruba prome cu su tempo. For di e tempo ey, tres arubiano, Jurgen Benschop, Barbara Brown y Aisha Anthony ta na cabez como un management team. Pero segun minister demisionario di turismo, responsabel pa aeropuerto Dangui Oduber a confirma pa noticiacla cu e buskeda a cuminsa, mirando cu mester haci algo. Loke ta hala atencion ta cu ta Aruba mes a cuminsa cu e buskeda, y no Royal Schiphol Group, cu ta esun cu segun contract, mester a presenta un CEO nobo. No ta conoci pakico no a busca un CEO mesora despues cu Meijs a bandona Aruba.
Follow NoticiaCla
