- Corte Superior a pospone caso Sayuri pa haya mas informacion
- Aruba Bank Walk & Run 2025 a ranca sali cu participacion masal
- Delegacion di Parlamento di Aruba a reuni cu Home Land Security na Merca
- Frontier Airlines ta lansa buelonan nonstop entre Atlanta y Aruba
- Op=Op Voordeelshop Aruba a partner un biaha mas cu Aruba DOET
Illis: OM no por a proba culpabilidad di estafa di Oduber di ‘ambtenaarnan spirito’ den caso Flamingo
ORANJESTAD – Ministerio Publico no por a prueba cu ex minister Otmar Oduber tabata culpable di e.o. estafa den loke ta e asunto di e asina yama ambtenaarnan spirito. Esaki tabata parti di e defensa diabierna di e dos abogadonan Illis y Carlo, den e caso penal Flamingo. E parti aki ta trata e caso di e ambtenaarnan spirito, L Phillips, R Thiel y H Geerman. Segun abogadonan, OM (Ministerio Publico) tabata ‘selecta cuidadosamente’ ken pa persigui (cherry-picking). “No por saca otro conclusion cu Oduber a haci nada incorecto cu aceptacion di e tres ‘spookambtenaar” manera cu nan a wordo yama, e abogadonan a bisa, usando entre otro testimonio di director di DHR (Direccion di Recurso Humano di gobierno) sra O. Lares cu, segun e abogadonan, a descarta cualkier iregularidad cu e empleo di e tres personanan aki.
SPLICACION DI PROCESO
Segun e abogadonan, ta bisto cu Ministerio Publico no a compronde e aspecto di nombracion politico den oficina di e minister. Algo cu ta diferente ora cu bo nombra un ambtenaar. “Un minister ta tuma un hende di confiansa. Si bo ta di acuerdo of no, no ta relevante, pa balota e legalidad. E funcionan aki ta wordo cambia constantemente” e abogado a sigui bisa. Unico regla cu mester tin, ta cu e funcion mester wordo aproba pa Conseho di Minister, y mester tin un presupuesto aproba pa por paga e trahadonan en cuestion. Nada mas. Y segun e abogadonan, tur tres persona, a cumpli cu e proceso aki. E trahadonan aki no tin beneficio secundario, y nan ta raporta directamente na e minister. E contractonan no ta conforme LMA (Ley normal di ambtenaar) y por wordo disolve hopi facil. Tur ta puntonan cu a splica huez, pa e compronde e esensia di e trabou di e tres personanan en cuestion y con diferente e ta ora cu ta emplea un ambtenaar vs un persona den oficina di minister.
SKIP E PROCESO DI SOLICITUD
Unda cu OM ta haya cu esaki ta un problema segun e abogadonan, ta cu e forma cu e tres personanan aki a wordo tuma na trabou, nan tipo di trabou y e control pa nan prestacion. Y mirando cu e trahadonan a cumpli cu tur cos menciona, mester rechasa e ponencia di OM pa cu e personanan aki y e cargo contra e minister pa a estafa pais Aruba door di emplea nan incorectamente. Ademas OM no por a demonstra cu e trahadonan tabata ‘incapaz’ pa haci nan trabou.
A TRAHA OF NOTambe e abogadonan a haci e pregunta central, si e trahadonan a traha realmente e trabou pa cual nan a wordo emplea. Aki a cuestiona e testimonio cu OM a usa, cu ta solamente di parti di ex minister Tromp, esta un declaracion cu no por a wordo substancia. Segun e defensa, OM no a haci su investigacion corecto pa prueba loke nan ta acusa e tres personanan y e minister di a haci. E abogadonan a usa como prueba, varios articulo di corant, emails y hasta den corte a pasa un video di un conferencia di prensa unda cu prome minister Wever-Croes ta confirma cu e tabatin un di e personanan aki,. H Geerman como un di su trahadonan.
KORTE LIJN
Abogadonan a trata finalmente e parti cu nan ta yama ‘korte lijn’, cu ta basicamente splica e relacion cu un ciudadano por tin cu un minister na Aruba, compara cu Hulanda. E sistema y e cultura na Aruba ta di tal forma cu facilmente un ciudadano tin aceso na un minister, y esey ‘no ta algo ilegal’. Na final a pidi huez pues pa absolve nan cliente di e cargonan y tambe pa declara OM no admissible. “E no a haya placa, tereno, material a cambio di fabor. Nada nada”. Y si e mester haya un castigo, pa esaki ta tempo ya sirbi. Dialuna OM por reacciona riba e defensa di e abogadonan.
Corte Superior a pospone caso Sayuri pa haya mas informacion
ORANJESTAD – Dialuna Corte Superior di Husticia a trata e caso penal conoci como caso Sayuri, contra e sospechoso I.M.P. di 21 aña di edad. P. a wordo condena riba 10 di juli 2023 pa un castigo di prison di 4 aña di detencion hubenil y imposicion di medida PIJ pa asesinato di Sayuri Petronia riba 4 di juni 2021. E victima tabatin 19 aña di edad na momento di su fayecimento. Ministerio Publico a presenta casacion contra e decision di Corte Superior di Husticia riba 19 di juli 2023.
Caso penal Tulipan contra ex minister Besaril ta cuminsa mayan mainta
ORANJESTAD – Diamars (mayan) mainta ex minister plenipotenciario Guilfred Besaril mester presenta dilanti berde pa e caso penal ‘Tulipan’. Notable ta cu Corte a opta pa trata e caso di expropiacion di Besaril tambe durante e caso aki. Fuera di Besaril, e ex director interino di Arubahuis, Glen Ling tambe mester presenta. Algun siman atras, manera cu Noticiacla a raporta na tal occasion, Corte a trata e caso den forma di regie zitting, pa atende si tabatin mas asunto pendiente.
Caso di Mike de Meza contra DIMP ta fin di mei awor!
ORANJESTAD – E caso cu parlamentario Mike de Meza a entama contra Departamento di Impuesto, ta tuma lugar fin di luna, pa ta exacto 28 di mei 2025 pa 11:30am. Abogado mr Desiree Croes a confirma e fecha aki pa Noticiacla dialuna atardi. E intencion ta pa huez tuma un decision den e caso aki unda cu de Meza ta insisti cu e tin razon y cu ta DIMP ta strob’e di bira minister mientras cu di otro banda, DIMP ta para ariba cu nan tin razon y cu segun nan informacion, no por otorga de Meza e loke cu e ta pidi pe, esta un gedrags verklaring positivo fiscal. Manera cu Noticiacla a anticipa y informa anteriormente, parlamentario y candidato pa minister Mike de Meza ta bay bringa departamento di impuesto (DIMP) dilanti mesa berde. Diahuebs atardi noticiaacla a haya confirmacion cu diabierna mainta, e abogado ta entrega e apelacion (bezwaar) y voorlopige voorziening na nomber di su cliente. “Ta laga e decision den man di huez” e abogado ta sigui bisa.
Croes: Diabierna mainta Mike de Meza ta entrega caso contra DIMP
ORANJESTAD – Manera cu Noticiacla a anticipa y informa anteriormente, parlamentario y candidato pa minister Mike de Meza ta bay bringa departamento di impuesto (DIMP) dilanti mesa berde. Diahuebs atardi noticiaacla a haya confirmacion cu diabierna mainta, e abogado ta entrega e apelacion (bezwaar) y voorlopige voorziening na nomber di su cliente. “Ta laga e decision den man di huez” e abogado ta sigui bisa.
Corte a pone fecha: Caso penal Tulipan di ex minister Besaril ta aki dos siman
ORANJESTAD – Aki dos siman, ex minister plenipotenciario Guilfred Besaril mester presenta dilanti berde pa e caso penal ‘Tulipan’. Awe mainta Corte a informa cu despues di varios confusion di fecha, a reserva diamars mainta, 20 di mei 2025 pa 8’or y mei di mainta, pa trata e caso. Notable ta cu Corte a opta pa trata e caso di expropiacion di Besaril tambe durante e caso aki. Fuera di Besaril, e ex director interino di Arubahuis, Glen Ling tambe mester presenta. Algun siman atras, manera cu Noticiacla a raporta na tal occasion, Corte a trata e caso den forma di regie zitting, pa atende si tabatin mas asunto pendiente. Den un reaccion exclusivo pa Noticiacla biaha pasa, Besaril a
Corte: Disputanan di belasting a aumenta na Aruba y Corsou den 2024
ORANJESTAD / WILLEMSTAD – Corte Comun di Husticia a registra un aumento fuerte den casonan den corte relashona cu impuesto na 2024, particularmente na Aruba y Corsou. Esaki ta wordo revela den e rapport anual di Corte pa e aña, cu ta señala cu e aumento di casonan a aumenta e atraso di casonan signifikantemente, ya cu hopi no a wordo resolvi denter di e mesun aña. Aruba a mira su backlog redobla, di casi 300 pa casi 600 caso di belasting pendiente pa fin di 2024. Na Curaçao, e cantidad di casonan di belasting conclui a triplifica, subiendo di djis mas cu 400 na 2023 pa mas ku 1.200 na 2024. Mientrastanto, e cantidad di casonan nobo tambe a crese di djis mas cu 300 pa mas cu 600 den e mesun periodo.
Follow NoticiaCla
