Gobierno: Nada a cambia y frontera cu Venezuela ta sigui cera!

Posted on 11/29/2024 5:14 pm AST | Updated on 11/29/2024 6:05 pm AST

ORANJESTAD – E noticia cu a sali den varios medio Venezolano awe diabierna cu Aruba awor si lo ta cerca di habri frontera cu Venezuela, no ta necesariamente corecto. Asina prome minister Evelyn Wever Croes a bisa Noticiacla diabierna atardi. “Mi no sa si mi tin cu yama esaki un fake news of no, pero Aruba masha tempo ta preparando. Nada no a cambia”, e mandatario a sigui bisa. E raportahe di medionan Venezolano ta usando un declaracion cu e mandatario a haci na un emisora na Aruba, riba e tema. Ta mas sigur cu e declaracion ey a wordo ‘mal interpreta’. Noticiacla a opta pa usa un di e medionan (di 10, cu a sali).

E DECLARACION

Tabata recientemente cu e prome minister a haci un declaracion na e emisora Kalle 91.5FM na Aruba unda cu e la bisa e.o” Awor ta bay cuminsa cu e negociacion cu autoridad Venezolano. “Aduana, imigracion y aviacion civil di Venezuela y Aruba tin contacto caba,”. Esaki ta algo cu por wordo realisa hopi pronto”, ya cu “nos ta den e fase final, nunca antes nos tabata asina cerca manera nos ta awor.”. No por a difundi, si e ultimo frase aki a wordo bisa door di prome minister tambe of e vice presidente di Camara di Comercio di Coro de Vela, Juan Gotopo. Gotopo ta esun cu a cita prome minister inicialmente. A base di e declaracion aki, tur medio di Venezuela a reacciona y a reproduci esaki diabierna na Venezuela.

REACCION PROME MINISTER

“Nos no ta full cla ainda” Wever-Croes a sigui bisa. Segun e prome mandatario, tin un otro problema cu a surgi, cu ta cu e eleccion di presidente Nicolas Maduro como presidente, no ta wordo reconoci. “Esey mester wordo aclarea prome y e ora nos por continua si nos ta cla na Aruba” e mandatario a sigui bisa. E mandatario a confirma cu e frontera cu Venezuela ta keda cera te por lo menos 24 di December proximo, y no por bisa ainda kico ta pasa despues di e fecha ey. Ta conoci cu prome cu e fecha ey, lo bira conoci si ta prolonga esaki y ta practicamente sigur cu esey lo sosode, mirando cu ainda no tin claridad riba e legitimidad di presidente Maduro, y como tal no por sigui cu e proceso te ora cu esey haya claridad

Evelyn Wever- Croes a sali votegetter di eleccion parlamentario 2024
ORANJESTAD – E politico lider di partido MEP Evelyn Wever Croes a sali votegetter di e eleccion parlamentario 2024. Despues cu diasabra marduga e resultado a keda conoci pa loke ta e partidonan, dialuna atardi despues di 6’or, Conseho Electoral a publica e lista tan anticipa di e votonan indidivual. Wever-Croes a logra 6474 voto, sigui pa Mike Eman cu 5277 voto. Wendrick Cicilia a logra 4894 voto mientras cu Gerlien Croes a logra 4492 y Otmar Oduber ta finalisa e lista cu 2419 voto.
Mas Politica
Lesa Mas
Lider di RED Ricardo Croes y ex minister Rudy Lampe a anuncia nan retiro di politica
ORANJESTAD – Tanto lider di partido RED Ricardo Croes y ex minister Rudy Lampe dialuna a anuncia nan retiro di politica. Den un conferencia di prensa, nan a splica cu e resultado unda cu nan a logra apenas 635 voto, pueblo no tin interes den loke cu nan a presenta. Ademas, segun Lampe, na Aruba ta dificil pa bringa contra corupcion, y e la capta e mensahe ey porfin diabierna, segun su mesun declaracion. Ta dos persona a bise esey hopi aña pasa pero e no por a compronde esey, te cu diabierna ultimo.
Mas Politica
Lesa Mas
Partido AVP a tene su parada di victoria electoral diadomingo
ORANJESTAD – Partido AVP a tene nan parada di victoria diadomingo, como partido cu a gana e eleccion parlamentario diabierna ultimo. Nan a cuminsa for di 9’or y pasa tur districto di e isla y finalisa pa 6’or na San Nicolas na Carnival Village. Tur candidato a participa y a topa otro na varios caminda y forma asina e parada largo. Hopi hende banda di caminda a duna sosten na e partido berde y celebra e victoria cu nan tambe. Ta un tradicion cu e partido cu gana e eleccion, ta haya e derecho pa tene nan parada e siguiente diadomingo despues di e eleccion. Potretnan cortesia AVP.
Mas Politica
Lesa Mas
Sistema di restzetel na Aruba ta bon pa partidonan AVP y MEP
ORANJESTAD – E eleccionnan na Aruba no ta trata solamente di cuanto voto un partido ta haya, pero tambe di con ta reparti e resto di asientonan. E sistema aki, cu ta basá riba e metodo di D’Hondt, ta lanta mas i mas pregunta tocante e realidad husto di e representashon final. Asina periodista Dick Drayer ta analisa e resultado di eleccion di diabierna ultimo. Segun Drayer, mientras cu partidonan grandi manera AVP y MEP ta beneficia di e metodo aki, partidonan mas chikito hopi biaha ta keda man bashi, hasta si nan tin sosten popular amplio. Esaki ta regarda un total di 16.957 voto cu mester a wordo redistribui. Si kita e votonan residual di e cuater partidonan eligi, 10.262 votador a perde nan voto contra un di e cuater partidonan eligi den parlamento.
Mas Politica
Lesa Mas
Gobernador di Aruba ta inicia cu ronda di consulta awe mainta
ORANJESTAD - En conexion cu e eleccionnan pa miembronan di Parlamento di Aruba riba 6 december 2024, Gobernador di Aruba, Su Excelencia Alfonso Boekhoudt, a ricibi e presidente di hoofdstembureau, señor Rosslin Marchena y e vice-presidente señora Grasita Griffith, pa un audiencia na Gabinete di Gobernador diasabra mainta 7 di december. Gobernador, señor Marchena y señora Griffith a papia tocante e proceso di e eleccion. Tambe a informa Gobernador Boekhoudt tocante e resultado preliminar di e eleccionnan.
Mas Politica
Lesa Mas
Miguel Mansur di ACCION21: Pueblo a vota pa cambio y Aruba a gana
ORANJEStAD – “No ta e resultadonan cu nos a spera pero mi ta contento cu pueblo a vota pa cambio, Aruba a gana”, tabata e prome reaccion di parlamentario y lider di partido ACCION21, Miguel Mansur. Su partido a perde su unico asiento y no ta bolbe Parlamento otro aña. E la haya 2204 voto e biaha aki, cu ta 408 faltando pa sigura e asiento.
Mas Politica
Lesa Mas