- Noticia di Noticiacla confirma: 30 di maart, ta ultimo buelo di Britsh Airways
- Trump: Invoerrechten adicional pa paisnan cu ta cumpra petroleo for di Venezuela
- ATA kier yuda mitiga sobreturismo pa Aruba
- ATA: Aruba a ricibi menos turista ‘stayover’ na Februari 2025 compara cu 2024
- Pa e fin di siman aki, awor si, Aruba por tin su gobierno nobo
Despues di apenas un aña, Edson Hato ta retira como representante di Vertegenwoordiging van Nederland
WILLEMSTAD – Despues di apenas un aña, sr. E. (Edson) Hato, MBA, a duna di konosé ku e lo sigui ku su karera otro kaminda. Entrante 1 di desèmber 2024, e lo stòp di representá Hulanda na Aruba, Kòrsou i Sint Maarten.
Sr. Hato: “Mi a cumpli cu hopi pasion cu e papel di representante di Hulanda na Aruba, Curaçao y Sint Maarten. Un periodo educativo y intensivo, durante cual mi a traha pa un cooperacion fructifero entre e cuater paisnan den Reino. Aunke mi ta di akuerdo ku e meta final di e koperashon aki - un bon relashon entre e paisnan, mi tin un punto di bista diferente riba kon nos por logra e meta ei. Ta p’esei mi a disidí, despues di konsulta kuidadoso, di duna mi asignashon bèk. Den futuro serkano lo mi enfoká riba mas pasonan den mi karera. Mi ta gradisí tur hende pa nan koperashon den e periodo ku a pasa.”
Sr. Lapperre, Director-General di Relacionnan den Reino: “Mi kier a gradici na prome luga Sr. Hato pa su esfuersonan. El a compromete su mes di curason y alma na e Reino. Naturalmente mi ta respetá su desishon, gradisié pa e kolaborashon plasentero i ta dese’é tur kos bon ku e siguiente paso den su karera.”
For di 1 di sèptèmber 2023, Sr. Hato tabata e Representante di Hulanda na Aruba, Kòrsou i Sint Maarten, ku sede na Willemstad. NOTA: Texto ta scirbi den Papiamento fonetico di Corsou.
Na Corsou consultanan a cuminsa pa forma gabinete nobo
WILLEMSTAD. - For di djasabra despues di elekshon 2025, gobernadó sra Lucille George Wout a haña e resultado preliminar for di man di presidente i sekretaria di konseho elektoral, sra Joe i sra Losiabaar.
Na Corsou, e # 2 di MFK a haya 6 mil voto mas cu e propio lider
WILLEMSTAD - E resultadonan personal di elekshon di parlamentu 2025 a drenta i kasi por bisa ku no ta un sorpresa. Den tur skina tabatin indikashonnan ku Javier Silvania lo a kue mas voto ku e lider polítiko di Movementu Futuro Kòrsou, sr Gilmar Pisas. I e resultadonan ta;
MFK ta gana eleccion na Corsou den forma abrumador surpasando 40 mil voto!
WILLEMSTAD – Faltando 7 urna electoral, y cu 39306 voto, yegando 40 mil, partido Movimento Futuro Korsou (MFK) a gana eleccion di un forma abrumador (landslide) diasabra marduga. Un logro sigur grandi, hayando casi 2 biaha mas hopi voto cu e ultimo eleccion. E otro partidonan cu a haya suficiente asiento ta partido PNP 11519, sigui pa PAR, cu 7069 voto y MAN/PIN cu 5961 faltando 6 urna. Esaki ta nifica cu MFK a sigura mas cu 10 asiento limpi, sin conta e rest zetels. Partidonan cu ta keda afo, ta MK, MKP, KEM y TPK cu no ta logra asiento. Dos di nan, TPK y KEM tabatin asiento den e ultimo Parlamento y awor ta bandona Parlamento.
Pisas: MFK a campaña pa gana y ta bay goberna su so!
WILLEMSTAD – “Nos a traha pa nos goberna nos so. Esey nos a bisa cu nos kier!” tabata palabra di lider di partido Movimento Futuro Korsou (MFK) Gilmar ‘Pik’ Pisas diasabra marduga despues di a tuma nota di e resultado abrumador pa su partido. Na momento di e declaracion, e partido tabata colga riba 11 asiento limpi, faltando apenas 7 urna y yegando 40 mil voto. E partido a campaña pa nan traha nan so y nan a logra. Segun Pisas, nan a traha bon, y a haci cosnan cu e pueblo tabata kier. Ultimo eleccion e partido a logra den careda di 23 mil voto, pues a double e cantidad practicamente di e ultimo eleccion. Potret cortesia Telecuracao.
Na Corsou pa eleccion, te 12 or di awe mèrdia 25.133 persona a entrega nan voto
WILLEMSTAD.- Konseho Supremo Elektoral awe mèrdia 12 or a duna informashon tokante e dia di elekshon. Segun KSE te 12 or di mèrdia un kantidat di 25.133 hende a entrega nan voto. 111.781 siudadano por vota.
Corsou ta vota awe den eleccion parlamentario
WILLEMSTAD – Mas di 110.000 votador eligibel na Curaçao por deposita nan voto awe pa un parlamento nobo di 21 asiento. Nan por scohe entre 8 partido politico cu ta participa e biaha aki.
Follow NoticiaCla
