Encuesta politico # 3 di Noticiacla pa Eleccion 2024

ORANJESTAD – Awe tardi, a tuma luga na Cas Ceremonial di Gobernador, e ceremonia di huramentacion di e minister di Labor, Energia y Integracion cu basa riba e acuerdo di e gobernacion ta encarga cu e cartera di Infrastructura, Energia y Telecomunicacion, Sr. Gervais R. Herdé.  Minister Herdé a huramenta dilanti di Gobernador di Aruba, Su Excelencia Alfonso Boekhoudt. E ta bira e di 7 minister, esun cu tabata falta, y cu ta tene e funcion aki ‘temporalmente’, segun prome minister Mike Eman,  te ora cu Mike de Meza keda cla cu su ‘asuntonan’.

ORANJESTAD – E buskeda pa un minister plenipotenciario ‘nobo’ pa Aruba na Hulanda, ta cuminsa awor, segun prome minister Mike Eman diaranson despues di huramentacion di drs Rene Herde como e di 7 minister di gabinete AVP-FUTURO. Segun sr Eman, no ta mucho logico cu mescos cu e caso di sr Herde, e minister plenipotenciario ‘nobo’ tambe ta bira uno ‘temporal’. Esaki ta nifica cu e posibilidad pa Herde asumi e tarea original palabra, cu ta minister plenipotenciario na Hulanda, ta bira nulo. E lo fungi como e di 7 minister, te ora cu e no ta necesario mas. 

ORANJESTAD – Mike Eman a propone Rene Herde como minister di energia cerca Gobernador. Esaki oficialmente a tuma lugar ayera caba, pero manera cu noticiacla a raporta anteriormente, Eman a haye den problema internamente cu partido, ya cu un grupo no a gusta e decision. A tene yen di reunion, y awe mainta cos a regla atrobe. Pues aworaki partido tambe ta ok cu e nombracion, y e proceso pa nombra Herde como minister, ta continua. Y awe merdia ta huramenta sr Herde na Cas Ceremonial.

ORANJESTAD - Den su relato anual di 2024, e Organisacion di Trabou Temporal (TWO Hulanda) ta wak bek cu e tema Forsa di Colaboracion. TWO Hulanda ta trahando hunto cu Aruba, Corsou y Sint Maarten pa mas di cuater aña caba riba ehecucion di e Paketenan di Pais. Tras di cortina, ambtenaarnan y expertonan di e tres paisnan, den colaboracion cu TWO y otro departamentonan Hulandes, a bin ta traha duro riba e reformanan durante e ultimo cuater añanan.

ORANJESTAD – Tabatin problema basta serio den seno di e partido berde AVP, cu a practicamente bolter tur cos den e partido diamars atardi cu a pone cu ainda no por a anuncia un minister nobo pa AVP. Noticiacla a compronde cu despues cu Mike Eman a bishita gobernador Boekhoudt durante un audiencia semanal diamars merdia, e la bolbe seno di partido, y lo a participa cu e la propone Rene Herde como minister cu tin cu reemplasa Mike de Meza, temporalmente, manera cu a acorda. Sinembargo, pa sorpresa di Eman, esey lo no a cay den bon tera den e partido, pa cual dificilmente Eman por a sali afo y anuncia e decision cu e la participa algun rato prome na gobernador. Noticiacla a compronde cu tin varios ‘grupo’ interno cu ta bringando e nombracion aki, indicando cu tin otro personanan cu merece pa haya e posicion aki. A compronde cu entre candidatonan, tin e.o. Clifford Heiliger, Jennifer Arends, y Marlon Sneek. Ora cu a bira conoci cu Eman a toch propone Herde na gobernador, a surgi un disgusto interno, cu te na e momentonan aki, no tabata resolvi. 

ORANJESTAD – A surgi un situacion na ultimo ora diamars merdia, cu a pone cu prome minister Mike Eman mester a cancela su cita cu gobernador Boekhoudt, unda cu e lo a presenta candidato Rene Herde como minister pa reemplasa Mike de Meza temporalmente. E cita tabata poni pa 2’or, pero noticiacla a compronde cu e la ‘zeg af’, y a compronde cu esaki tabata cu no a logra convence tur hende den partido ainda di e cambio. RENE HERDE