- Ta acusa Glenbert Croes di soborno y abuso di su funcion como minister
- Prijs di gasoline na Aruba ta baha considerablemente diaranson
- Arends: Wever a retira di RAIZ pero ta keda minister te cambio di gobernacion
- Wever-Croes: Minister Glenbert Croes a entrega su retiro
- Gobierno di Aruba: Ta pendiente pa ricibi e carta di retiro di e minister
Atraco team a detene dos sospechoso relaciona cu atraco arma riba e.o. turista
ORANJESTAD - Diamars den oranan di madruga a haci un entrada hudicial y a haci detencion di dos sospechoso. A haci e entrada hudicial hunto cu Team di Aresto na un cas na Tanki Leendert. Na e cas encuestion a detene dos sospechoso. Ta traha di e homber di inicialnan J.H. naci na Aruba di 19 aña y J.H. naci na Aruba di 28 aña.
Un ta deteni enconexion cu un atraco riba dos turista den e area di hotel y e otro sospechoso a keda deteni enconexion cu un atraco na altura di Mama Snack na Carnaval Village. Den tur dos atraco a uza arma di candela. Un biaha mas Cuerpo Policial ta haci un apelacion na cada un cuidadano cu sa algo of a mira algo, pa yama e tiplijn di polis cu ta 11141. Bo anonimidad ta keda garantisa.
Accidente riba Watty Vos Boulevard a tranca trafico formalmente
ORANJESTAD – Un accidente frontal entre dos auto riba Watty Vos Boulevard na altura di Kooyman diamars mainta a paralisa henter e via di e caminda direccion pa rotonde di Cumana. Un auto a sali di verboden subi caminda y topa frontal cu un otro auto y dal esaki. A nota cu un di e personanan envolvi den e accidente, un persona femenino tabata herida y tabata atendi pa personal di ambulance. Polis a haye ta cera henter e caminda pa asina e personal di ambulance y e team investigativo di polis por a haci nan trabou. A rekeri mas cu un ambulance pa asisti y tabatin multiple unidad di polis tambe pa duna asistencia. Mirando cu tabata ‘rush hour’ mainta, esaki no a yuda e situacion y a pone cu hopi auto a keda ‘pega’ riba e caminda, sin por a move.
Illis: Minister Glenbert Croes ta un sospechoso den caso Portulaca
ORANJESTAD – Abogado Demis Illis a confirma diamars mainta cu su cliente, minister Glenbert Croes a keda informa cu e ta un sospechoso den e caso di permiso Portulaca. A confirma tambe cu e la keda transporta pa Landsrecherche pa Marinierskazerne unda cu e lo wordo interoga pa RST. Manera cu Noticiacla a raporta caba, abogado David Kock a confirma na e portal, cu e mandatario a contrata su bufete pa asistie cu e caso aki. Y awe mainta coleganan Illis y Carlo tabata presente na e cas di e mandatario, pa purba asisti e cliente. Sinembargo a compronde via e portal 24ora, cu a hiba nan cliente pa Marinierskazerne sin cu nan tabata na altura. A surgi un discusion riba e tema aki entre e abogado Carlo y miembro di RST, pa motibo cu no a laga nan wak e cliente. Noticia den proceso.
Atraco team a detene persona pa atraco cu arma di candela
Punto di sosten di Wardacosta na Aruba tin su hefe nobo
ORANJESTAD - Diaranson 2 di October a tuma luga e ceremonia di traspaso di liderazgo na steunpunt di Wardacosta na Aruba. Hefe saliente, Capitan Randolph Paskel a entrega oficialmente e responsabilidad den man di hefe nobo, Capitan Mark Solognier. E ceremonia a tuma luga den presencia di su excelencia Gobernador Agustin Vrolijk, su excelencia Minister President Sra. Wever-Croes, Director di Wardacosta di Caribe Hulandes, Sr. Walter Hansen, miembronan di Wardacosta, miembronan di famia y demas invitado nan.
Polis di Bario a ricibi cuater vehiculo policial nobo
Trafico Sigur: Sea un Peaton responsabel y uza zebrapad
ORANJESTAD - Comision Trafico Sigur a informa e comunidad riba varios topico nan importante di trafico na Aruba. Sra. Liliana Rasmijn Vocero Interino di Korps Politie Aruba (KPA) a elabora riba un di e topico nan cu siguramente ta interesante y alavez importante pa cu e responsabilidad di e Peaton y automobilista nan den trafico y e uzo di zebrapad pa asina nos como comunidad por mantene nos mes sigur riba caminda.
Follow NoticiaCla
