CARACAS - Juan Gotopo, vice presidente di Camara di Comercio di La Vela de Coro den e estado di Falcón, a declara cu pisca ta e producto nobo cu ta wordo exporta for di Venezuela pa e isla di Curacao. E vice presidente di Camara di Comercio La Vela de Coro den estado Falcón, Juan Gotopo, a informa cu den e prome 7 lunanan di e aña aki, alrededor di US$ 6 miyon na mercancia a wordo exporta for di Venezuela pa e islanan di Curacao y Aruba. .
«For di january pa juli (2024), aproximadamente 2.300 ton (di producto) a wordo exporta for di e haf di La Vela de Coro. Mester remarca cu, den porcentahe y den divisa, mas o menos 6 miyon dollar a wordo exporta”, e la enfatisa.
Den e sentido ey, e la splica cu di e suma total, US$5 miyon a bay pa e isla di Curacao y un miyon dollar pa Aruba.
Gotopo a declara na Unión Radio cu pisca ta e producto nobo cu ta agrega na e eksportashon di e pais Suramerikano pa e islanan den Caribe: “Ta 5 aña y 4 luna cu pisca venezolano a yega na e isla di Curacao.”
Dos dia pasa, Ministerio di Pesca y Aquacultura a indica cu Venezuela a exporta 4.8 ton di producto di pesca pa e isla di Curacao, den cuadro di relacionnan comercial bilateral.
ORANJESTAD - Cu hopi orguyo Aruba Airport Authority N.V. (AAA) a anuncia cu e ta e ganado di e Routes Americas 2025 Award den e categoria di “Under 4 Million Passenger Category”, reenforsando e compromiso di AAA pa desaroyo di servicio aereo, asociacionnan cu e companianan di aviacion y expansion di conexion. Esaki a keda otorga diamars anochi na Bahamas.