- Ta acusa Glenbert Croes di soborno y abuso di su funcion como minister
- Prijs di gasoline na Aruba ta baha considerablemente diaranson
- Arends: Wever a retira di RAIZ pero ta keda minister te cambio di gobernacion
- Wever-Croes: Minister Glenbert Croes a entrega su retiro
- Gobierno di Aruba: Ta pendiente pa ricibi e carta di retiro di e minister
Ex premier Mark Rutte instala oficialmente como hefe nobo di OTAN
BRUSELAS – Ex prome minister di Hulanda Mark Rutte a wordo instala como Secretario General nobo di OTAN na sede di OTAN na Bruselas. Despues di un ceremonia, el a tuma over oficialmente for di Jens Stoltenberg, kende tabata e hefe di e aliansa militar pa dies aña.
Rutte a menciona Ukrania como un prioridad principal y a bisa cu e pais ta pertenece na OTAN. El a enfatisa cu Kyiv mester wordo sostene militarmente den e guera kontra Rusia.
Den su prome palabranan den su funcion nobo, Rutte a gradici tur pais pa nan confiansa den su persona. “Mi tin sapatunan grandi pa yena. NATO ta mas grandi y mas fuerte cu nunca. Jens Stoltenberg a pone e bara hopi halto, pero ta lag’é riba un bon nota. Mi kier sigui cu e trabou ey,” Rutte a bisa.
Rutte a enfatisa e importancia di NATO pa tene e mas cu 1 biyon habitante bou di dje safe. E kier haci esaki door di entre otro inverti den futuro. “Pa hasi mas, nos mester gasta mas.”
Mas tempran awe mainta, Rutte a gradici Stoltenberg pa su esfuersonan y a elogi’e pa su trabou den e ultimo añanan. “Mi lo sigui traha duro pa tene e aliansa solido manera baranca.”
Segun Stoltenberg, Rutte ta e susesor ideal. "Bo tin e antecedente y experiencia perfecto pa bira un bon Secretario General. Bo ta Prome Minister pa 14 aña y bo sa con pa haci compromiso. Esey ta hopi importante aki. Ademas bo ta defende nos norma y balornan."
Horcan Milton a degrada temporalmente na categoria 4, pero ta keda un peliger real pa Florida
MIAMI - Horcan Milton a debilita algo den forsa. E horcan cu ta core atraves di Golfo di Mexico den direccion di e estado mericano di Florida a baha di e categoria 5 mas halto pa categoria 4, pero toch ta forma un menasa grandi pa Florida.
Premio Nobel di Física pa fundadonan di Inteligencia Artificial (AI)
NEW YORK - E aña aki e Premio Nobel di Físika ta bai pa e mericano John Hopfield (Universidat di Princeton) y e canades Geoffrey Hinton (Universidat di Toronto) pa nan “descubrimentunan y invensionnan fundamental” cu ta permití computernan siña cu yudansa di neuronetwerknan artificial.
Den algun ora Horcan Milton a bula 3 categoria di horcan moviendo pa Florida
MIAMI – E ciclon Milton a intensifica rapidamente pa un horcan di categoria 4 cu biento di 150 mph dialuna mainta y pa merdia categoria 5 cu biento di 175 mph. Den algun ora, Milton a fortalece pa un Kategoria 2, despues un Categoria 3 y despues un Categoria 4 y 5. Cada cambio tabata dentro di un periodo di 2 ora.
Spirit Airlines evaluando pa declara bancarota despues di fusion fracasa cu JetBlue
MIAMI – E aeroliña Spirit Airlines ta den combersashon cu doñonan di bono tocante e condicionnan di un potencial declarashon di bancarota despues di su fushon fracasa cu JetBlue Airways, Wall Street Journal a informa, mandando su accionnan abou cu 30% comercio extende.
Israel ta recorda un aña cu Hamas a cuminsa e guera cu e pais hudiu
TEL AVIV - Ta exactamente un aña pasa cu Israel a wordo afecta sin precedente duro pa e atake terorista na gran escala di Hamas. E teroristanan a logra penetra den e defensanan di e ehercito Israeli, matando 1.200 persona y tumando 251 como rehen Medio Oriente a cambia irevocabelmente desde e tempo ey, pero na Israel tempo a para keto pa un aña.
Horcan Milton ta intensifica bayendo direccion di costa west di Florida
MIAMI - Horcan Milton ta intensificando den Golfo di Mexico, yegando velocidadnan di 85 mph diadomingo anochi como un tormenta di categoria 1, segun e Centro Nacional di Horcan.
Follow NoticiaCla
