- Noticia di Noticiacla confirma: 30 di maart, ta ultimo buelo di Britsh Airways
- Trump: Invoerrechten adicional pa paisnan cu ta cumpra petroleo for di Venezuela
- ATA kier yuda mitiga sobreturismo pa Aruba
- ATA: Aruba a ricibi menos turista ‘stayover’ na Februari 2025 compara cu 2024
- Pa e fin di siman aki, awor si, Aruba por tin su gobierno nobo
Plan di Mayor Aruba: E demanda pa mediacion ta creciente!
ORANJESTAD - Manera ta conoci Ley di Plan di Mayor: (LV Voortgezet Ouderschap en Zorgvuldige Scheidingen) a bay na vigor dia 1 di maart 2024. E Ley aki ta basa riba e derecho cu un mucha tin pa wordo cria door di ambos di su mayornan apesar di un separacion. Mayornan cu divorcia/separa tin e obligacion di traha un Plan di Mayor caminda nan mester stipula con nan ta bay comparti e responsabilidadnan pa cu nan yiunan. Tambe e ley ta pone enfasis riba articulo 12 di tratado internacional di derechonan di mucha, cual ta cu e mucha mester tin un bos den asuntonan cu ta regard’e.
Den cuadro di esaki Gobierno a habri Loket Plan di Mayor na MfA St Cruz, caminda mayornan y nan yiunan por haña guia y ayudo pa yega na un bon plan di mayor, plan di mucha y/of plan di hoben. Desde cu nos oficina a habri na maart di 2024, Plan di Mayor a conoce 72 casus y tur dia tin mas mayornan cu ta bin busca yudansa.
Mayornan cu ta atravesando un divorcio of separacion por acudi na Loket Plan di Mayor pa un intervencion gratis. Tin 13 familie mediators, 18 Ouderschap Blijft bemiddelaars y 38 KIES coach alinea cu Plan di Mayor pa ofrece e mayornan y e yiunan e guia necesario.
Nos tur sa cu nos hobennan por experiencia hopi stress durante e tempo dificil di separacion di nan mayornan. Na Plan di Mayor nos ta yuda e mayornan cu:
1. Promove un bon estado di animo di e hoben.
2. Promove un bon funcionamento na scol pa e hoben.
3. Promove actividadnan sano pa e hoben.
4. Promove e lazonan entre e hoben y nan mayornan.
5. Guia e mayornan den planifica e gastonan comparti pa cu e yiunan.
Nos ta haci esaki por medio di mediacion familiar y giua den diseña un bon Plan di Mayor cu atencion pa tur loke ta necesario pa promove un niñez sano pa e yiunan.
E prome stap ta pa yena un formulario di inscripcion riba nos webside cu ta www.plandimayor.org, una vez cu ambos mayor yena esaki, Plan di Mayor ta invita nan pa un intake y lo recomenda cual intervencion ta pas pa nan situacion.
Plan di Mayor ta situa na MfA St Cruz y tin un WhatsappLine 5696871
Plan di Mayor mobile phones: 5941545/5941533
DVG: Falta hende cu mester haci test di Tuberculosis e siman aki
ORANJESTAD - Departamento di Salud Publico a haci un yamada na tur persona cu tin pendiente un Tuberculosis test pa haci na seccion di Malesanan Infeccioso, sea pa por ricibi nan permiso di estadia, pa trabou, pa motibo di salud of cualkier otro motibo, pa pasa riba un di e siguiente dianan aki bou pa haci e test:
ATSA a reuni cu DIP y KPA riba seguridad y accesibilidad di beach na Aruba
PALM BEACH - Recientemente Aruba Timeshare Association (ATSA) su miembronan a bini hunto den un encuentro cu dos entidad gubernamental hopi importante: Departamento di Infrastructura Publico (DIP) y Cuerpo Policial Aruba (KPA). Ambos representante di DIP y KPA a papia den detaye tocante ROPV y beleid di beach relata na hotelnan y operacionnan di companianan di waterspoet rond di nos isla.
Hospital Horacio Oduber tambe a participa na simulacro pa Tsunami awe
ORANJESTAD – Personal di Horacio Oduber Hospital (HOH) tambe a participa diahuebs mainta na e simulacro pa yegada di un Tsunami, segun Caribe Wave 2025. Esaki a cuminsa pa 11’or di mainta. Director Jacco Vroegop a sigura Noticiacla cu tur cos a bay rustig y bon planea. E intencion di e simulacro ta pa midi e estado di preparacion di tur instancia concerni, den caso di un alerta real di un Tsunami. Na tur, como 33 mil persona lo mester tabata envolvi riba e isla completo.
Roos: E tayer pa siña traha documentario, 'Documentary Bootcamp' ta bolbe!
DNM riba Earth Hour: Duna naturalesa un ora di bo tempo
ORANJESTAD - Dia 22 di maart proximo, riba diasabra, miyones di hende, empresa y gobierno rond mundo ta participa na Earth Hour. Kico esaki ta nifica? E ta un accion cu ta encera paga e luznan pa un ora, pa asina dedica tempo un rato na conscientisacion di e importancia di nos naturalesa y con consumo di coriente, tin biaha inncesario, por afecta naturalesa y medio ambiente.
Scol Saludabel Aruba cu training pa Gezonde School Adviseurs y Gezonde School Coordinatoren
ORANJESTAD - Den siman di 10 te cu 14 di maart 2025 Scol Saludabel Aruba a organisa un training pa ‘Gezonde School Adviseurs’ y ‘Gezonde School Coordinators’. Na e training aki a participa un grupo di profesionalnan di diferente departamentonan di gobierno entre otro, Departamento di Salud Publico su seccion di Jeugdgezondheidszorg y Health Promotion y Departamento di Asuntonan Social. Tambe a participa un grupo di maestro di e diferente scolnan cu ta den e proceso pa bira un Scol Saludabel. Esaki a encera docentenan di Movecion y Salud, coleganan docente, Interne Begeleiders y/of schoolleiders. E training a wordo duna na Directie Volksgezondheid y edificio di Departamento di Enseñansa (sala MFR)
Follow NoticiaCla
