- E lista completo di voto individual a keda conoci di eleccion 2024
- Evelyn Wever- Croes a sali votegetter di eleccion parlamentario 2024
- Lider di RED Ricardo Croes y ex minister Rudy Lampe a anuncia nan retiro di politica
- Aruba ta registra su di 13 morto di trafico pa 2024
- Partido AVP a tene su parada di victoria electoral diadomingo
Conseho Insular di Bonaire a huramenta e Arubiano Jacqueline Harewood como e griffier nobo
KRALENDIJK – Diaranson atardi, Conseho Insular di Bonaire a huramenta e Arubiano Jacqueline Harewood como e proximo griffier pa e isla. Harewood ta cuminsa asina un carera nobo te na Bonaire, despues cu na Aruba e la fungi hopi aña na DIMAS como un specialista riba e tereno di asilo politico.
APROBA NA MEI\
Tabata na luna di mei cu Noticiacla a presenta e noticia como primicia y exclusivo, cu Conseho Insular di Bonaire e tempo ey a aproba nombramento di Harewood como griffier nobo.
CARERA STROBA NA ARUBA
Harewood, cu te cu October 2023 tabata traha na Dimas encarga cu e proceso di e.o. asilo politico. Lamentablemente pa Harewood, su ultimo añanan na DIMAS no tabata nada agradable p’e, unda cu tras di otro, e la experencia loke hopi a considera como persecucion politico, cu intencion pa hal’e di e funcion y despues tabatin loke tabata mustra un campaña mediatico pa daña su reputacion. E la sa di surpasa tur esaki sinembargo, y na final e la dicidi di bay cu Vut aña pasa na October. Esaki ta bira asina otro persona cu experticio importante cu Aruba ta perde, debi na circumstancianan cu no mester tey awendia den nos comunidad.
DIMAS
Pa loke ta su trayectoria na Dimas, e la traha di 1 di juli 2006 te cu 1 oktober 2023 como e.o. Beleidsmedewerker y desde aña 2019 tambe a fungi como e coordinador di e Seccion di Peticion pa Proteccion segun Tratado.
BONAIRE
Tabata despues di un trayecto exitoso pa yena e posicion di griffier Insular, e comision fiho di asuntunan di Traboo a propone Harewood como griffier insular nobo di Boneiru for di 1 di sèptèmber 2024. Esaki a keda sostene durante reunion di Conseho Insular di 7 di mei 2024. E comision di asuntunan di trabou a conseha y a ricibi sosten pa acorda prolongacion temporal di e griffier interino aktual te cu 31 di december 2024. Esaki, considerando e necesidad pa transferí trabou, y tambe pa duna sosten na diferente proyecto. Sra. Mathilde Koetsier a keda nombra como griffier suplente for di 7 di mei te cu 1 di october 2024, pa asina reforsa e team di griffier. Potretnan cortesia youtube channel Conseho Insular Bonaire.
AVAVIT: Ta descarta reactivacion di vuelonan entre Aruba y Venezuela pa e aña aki
CARACAS - Vicky Herrera de Díaz, presidente di Asociacion Venezolano di Agencianan di Biahe y Turismo (Avavit), a descarta dialuna e posibilidad di reactiva buelonan entre Aruba y Venezuela den e resto di e aña aki, esta 2024, sinembargo, el’a sigura cu nan ta trahando riba e.
Barconan di Aruba a wordo nenga entrada pa torneo di pesca na Venezuela
PARAGUANA - E ultimo fin di siman di november, e di 45 Torneo di Pesca den Lama Hundo a tuma luga den e estado di Falcón, cu participacion di seis boto Venezolano y 11 di e isla di Aruba, cu a inscribi pa yega Peninsula di Paraguana, y asina participa den e competencia y disfruta di turismo den region. Sin embargo, segun e portal Venezolano ‘la patilla.com’ un dia prome cu e evento, autoridadnan Venezolano a informa cu entrada na e pais via lama a wordo nenga.
Gobierno nobo di St Maarten ta huramenta dia 26 di November proximo
W’STAD/PHILIPSBURG.- Manera palabrá, formadó Luc Mercelina a entregá 15 novèmber último su relato final di e proseso di formashon di gabinete Mercelina II na gobernadó Ajamu Baly. Den un komunikado di prensa Baly ta bisa ku e gobièrnu nobo ta konsistí di ministernan ku ta komprometé pa promové bienestar di St. Maarten.
Mauritsz de Kort : Tin necesidad pa un miho proteccion di deurwaardernan riba islanan Caribense
PHILIPSBURG - Durante e seshon di instalashon na Corte di Sint Maarten, e Presidente di Korte Komun, Sr. Mauritsz de Kort, a expresa su preocupashonnan tocante e falta di proteccion hurídico i exigencianan di entrenamento pa e deurwaardernan riba e islanan Caribense. De Kort a enfatisa cu Sint Maarten, mescos cu Aruba y Curaçao, no ta ofrece criterionan di formacion cla ni garantianan legal pa e profesionalismo di deurwaardernan, loke por mina e calidad y integridad di e profesion.
Wardacosta Mericano a evacua turista crucero riba barco cu tabata na Aruba algun dia prome
MIAMI - Wardacosta Mericano ta evacua turista crucero di barco despues di a bishita Aruba. Ta trata di e barco crucero Carnival Cruise Line su Carnival Vista riba djiaweps, 7 di novèmber 2024.
Participantenan di henter Hulanda Caribense a participa den tayer. “Integrity Summit Dutch Caribbean 2024”
ORANJESTAD - Representantenan di organisacionnan di tur e seis islanan di Hulanda Caribense y di Ministerio di Asuntonan Interno y Relacion di Reino (BZK) tabata di 4 te cu 6 di november na Sint Eustatius pa e di dos “Integrity Summit Dutch Caribbean 2024”. Meta di e cumbre tabata pa siña di otro y intercambia conocemento. Participantenan a brasa e idea pa lanta un oficina Hulanda Caribense pa promocion di integridad, pa suminstra knowhow y experticio na e islanan. Ta bay studia e posibilidad pa lanta un oficina asina.
Follow NoticiaCla
