- Barco ta dal Willemsbrug na Rotterdam, containernan ta bay awa
- Hospital di Corsou (CMC) ta bai ricibi Nafl. 252 miyon di gobierno den 4 aña
- ELMAR ta introduci CONTACTO CU BARIO
- Con Harris y Trump a hasi den e debate? 'Harris ta bin dilanti como presidencial'
- Kenna Hernandez ta presenta su buki debut ‘Los Diez Encantos’ na Hulanda
WeConnect Podcast tocante Queer & Caribbean:“Mester tin aliadonan visibel pa nos riba e islanan”
ROTTERDAM - WeConnect Podcast di e luna aki ta enfoca riba ser queer den e comunidad Caribense. ( Queer ta un termino general pa hende cu no ta heterosexual of no ta cisgenero. Originalmente nifica ‘straño’ of ‘peculiar’, queer a bin ta wordo usa pejorativamente contra hende LGBT na fin di siglo 19. For di fin di añanan 1980, activistanan queer a cuminsa reclama e palabra como un descripcion propio neutral of positivo). Con ta lanta na Boneiro si bo ta atrae na un hende di e mesun sexo? Con bo ta deal cu resistencia of falta di aceptacion den bo famia? Te na ki grado ser queer ta determina bo identidad?
TATIANA Y EDMALY
Esakinan ta palabranan di twentysomethings Tatiana Nicolaas i Edmaly Thielman, ambos di Boneiro y biba na Hulanda. Nan a studia na Hulanda y, despues di un periodo di trabou na Boneiro, awor Tatiana a cuminsa un estudio di master den Enseñansa di Arte na Rotterdam. E ta franco tockante con difícil e ta pa hobennan na Boneiro: “Lihe bo ta bira solitario como un persona queer riba e islanan.”
TABOO
Edmaly no ta sintie na cas cu e termino ‘queer’. E ta bisa: “Mi no gusta e palabra ey, e ta bira un tipo di insulto. Mi ta riba tur cos un ser humano y mi ta pasa di ta cu un muhe.” E tabatin añanan ta biba na Hulanda ora el a haña un amiga. E ta boga pa tin mas papia riba temanan taboo riba islanan. “Haci sigur cu bo conose bo mes prome cu bo husga cualkier otro hende.”
ALIADONAN
Tatiana ta defende sosten habri pa e comunidad queer riba e islanan mes. “Nos mester di aliadonan cu lo para pa nos visibelmente. Welanan, omonan, hendenan di misa y enseñansa.” E ta señalá cu tin hopi mas hende cu bo ta kere cu ta lucha cu nan identidad sexual y no ta durf of no por sali tocante di esaki. Tambe e ta mira un rol pa su mes como docente: “Mi por ta un fuente di inspiracion pa mi studiantenan tambe.”
TIPS
Tatiana y Edmaly ta conseha hobennan Caribense pa primordialmente busca nan identidad. Edmaly: “Sali for di bo zona di comodidad; bo a dal e prome stap caba door di bin Hulanda. Bai riba un biahe di descubrimento. Acepta cambio.” Tatiana ta agrega cu bo mester tene specialmente e hendenan cu bo ta stima informa di bo desaroyonan. “Hiba nan cu bo riba bo biahe!”
E WeConnect Podcast aki ta wordo presenta pa Saul Henry y por wordo scucha via:
Barco ta dal Willemsbrug na Rotterdam, containernan ta bay awa
ROTTERDAM - Un barco di container a acidenta den Willemsbrug na Rotterdam awe mainta. Door di esey, varios container a cay na awa. No ta cla ainda kico e daño ta na e brug of e barco.
Szabó: Ta spera cu caida di gobierno na Aruba no stagna reformanan inecesariamente
DEN HAAG - “Ta lamentabel cu gobierno na Aruba a cay” ta e prome reaccion di secretario di estado Hulandes pa Asuntonan di Reino Hulandes Zsolt Szabó na Noticiacla diamars. “ Na bienestar di e hendenan eynan, mi ta spera cu esaki no conduci na stagnacion innecesario di entre otro e reformanan y e otro topiconan cu nos ta trahando riba dje hunto”, e mandatario a finalisa bisando den su reaccion cortico pa e portal aki.
Hoben levemente herida despues di hincamento na scol Apeldoorn
APELDOORN - Un hoben a keda levemente herida den un hincamento na ROC Aventus na Apeldoorn, segun polis ta informa. Un mucha muher a huy, pero awor el a wordo deteni, segun polis ta informa. Te ainda no ta cla si e sospechoso y e víctima ta studiantenan na e skol.
Veldkamp: Ayudo na lider di oposicion Venezuela ta excepcional
DEN HAAG - E hecho cu Hulanda a brinda refugio na e lider di oposicion Venezolano Edmundo González Urrutia ta excepcional, segun minister di Relacionnan Exterior Caspar Veldkamp. Ta raro cu Hulanda ta mete den e politica di otro pais di e forma aki. Den e caso aki, e hecho cu Venezuela ta bisiña di Hulanda, via e islanan Aruba, Bonaire y Curaçao, ta hunga un rol, segun e minister.
Na Hulanda sindicatonan di polis ta bay den accion atrobe: Kizas no tin wega Ajax-FC Utrecht
AMSTERDAM - E sindicatonan di polis a bolbe anunia accionnan rond di un partido di Premier League. Diadumingo 15 di september lo no tin presencia policial na e wega di Ajax contra di FC Utrecht den Johan Cruijff Arena.
Mucha muhe (14) gravemente herida despues di atake di rottweiler na Hulanda
VLODROP - Un mucha muher di 14 aña a keda seriamente herida despues di a wordo ataca pa un Rottweiler e siman aki. E incidente a sosode den e pueblo di Limburg, Vlodrop. Mesora a hiba e mucha muhe hospital na Maastricht y a pone e cacho drumi. De Limburger ta raporta esaki. Segun e welo di e mucha muher mordi, tabatin decenas di herida di mordi. “E ciruhano den hospital di Maastricht cu a yud’é a stòp di conta e cantidad di heridanan di mordemento cu e tabatin, na cincuenta. E tabata realmente ranca na pida pida,” el a bisa e corant.
Follow NoticiaCla
