“ Nos no mester morde e man cu ta duna nos di come”

Posted on 09/4/2024 9:59 am AST | Updated on 09/4/2024 10:01 am AST

ORANJESTAD – Manera ta conoci, durante weekend cu a pasa, a sosode un incidente desagradabel na Baby Beach caminda a tuma luga un discusion entre turistanan y activistanan local tocante uso di palapa y beach. E activistanan, cu ta preocupa pa e presion di eventualmente locual “overtourism” por yega di significa pa nos isla, tawata expresa nan malcontento y dicidi di ataca diferente turistanan.

Minister di Turismo, sr. Dangui Oduber a informa diaranson mientrastanto cu e ta consciente di e situacion y kier dirigi su mensahe tanto na localnan, activistanan, pero sin lubida na e bishitantenan di nos dushi isla.

POPULARIDAD CRECIENTE DI ARUBA COMO DESTINACION

“Nos ta compronde cu e popularidad creciente di Aruba como un destinacion turistico ta trece retonan, particularmente na aspectonan di maneho di e balansa entre turismo y preservacion di nos cultura y medioambiente local,” Minister Dangui Oduber a bisa. “Sinembargo, ta importante pa recorda cu turismo ta e unico pilar di nos economia, cu ta duna pan pa miles di residente di nos isla. Nos no mester morde e man cu ta duna nos di come.”

MESTER DIALOGO CONSTRUCTIVO

Minister Oduber ta enfatisa cu ta necesario pa tin dialogonan constructivo y ta urgi pa activistanan y tur localnan cu ta preocupa pa expresa na maneranan apropia. “Nos di ministerio di turismo, hunto cu tur partner den turismo ta comprometi pa traha huntu pa haya un balansa cu ta respeta tanto nos localnan como e bishitantenan cu ta contribui significantemente na nos economia. Nos ta keda proteha nos localnan na promer lugar y hustamente pesey a tuma varios accion concreto caba. Nos no a laga esakinan na palabra of plan, sino decisionan a wordo tuma caba.”

Un ehempel di decisionnan tuma ta cu a introduci un maneho nobo di permiso di hotel pa asina limita, reduci y/of para expansionan di hotelnan pa e siguiente añanan nos dilanti.

LEY NOBO

Tambe a introduci un ley nobo pa regula vacation rentals na Aruba. Paso ya caba tin cifranan cu ta mustra cu 30% di tur bishitantenan cu ta yega Aruba ta kedando na un propiedad asina. Locual esaki ta causando ta cu viviendanan ta birando impagabel pa nos mes yiunan di tera. Tambe Minister Dangui Oduber a presenta un maneho di proyectonan di embeyecimiento yama “built with nature” pa asina respeta y conserva Aruba su naturaleza y crea e balansa necesario entre desaroyo y naturaleza.

CREA PRACTICA DI TURISMO SOSTENIBEL

Minister Oduber ta invita tur partido pa crea practicanan di turismo sostenibel cu ta beneficia tur hende.

Pa finaliza, Minister Dangui Oduber a lamenta masha cu e tipo di accionanan cu a tuma lugar cu ta “target” e turistanan. E issuenan aki mester por wordo adresa na un otro manera sin cu mester ataca, insulta y core cu turistanan for di Aruba. Nos ta un isla cordial y cada bishitante tin masha hopi opcion awendia pero ta scohe Aruba pa bin pasa nan vacacion.

Rene Herdé a huramenta como e di 7 minister di Gabinete AVP-FUTURO
ORANJESTAD – Awe tardi, a tuma luga na Cas Ceremonial di Gobernador, e ceremonia di huramentacion di e minister di Labor, Energia y Integracion cu basa riba e acuerdo di e gobernacion ta encarga cu e cartera di Infrastructura, Energia y Telecomunicacion, Sr. Gervais R. Herdé. Minister Herdé a huramenta dilanti di Gobernador di Aruba, Su Excelencia Alfonso Boekhoudt. E ta bira e di 7 minister, esun cu tabata falta, y cu ta tene e funcion aki ‘temporalmente’, segun prome minister Mike Eman, te ora cu Mike de Meza keda cla cu su ‘asuntonan’.
Mas Politica
Lesa Mas
Eman: Buskeda pa un minister plenipotenciario nobo di Aruba pa Hulanda ta cuminsa awor
ORANJESTAD – E buskeda pa un minister plenipotenciario ‘nobo’ pa Aruba na Hulanda, ta cuminsa awor, segun prome minister Mike Eman diaranson despues di huramentacion di drs Rene Herde como e di 7 minister di gabinete AVP-FUTURO. Segun sr Eman, no ta mucho logico cu mescos cu e caso di sr Herde, e minister plenipotenciario ‘nobo’ tambe ta bira uno ‘temporal’. Esaki ta nifica cu e posibilidad pa Herde asumi e tarea original palabra, cu ta minister plenipotenciario na Hulanda, ta bira nulo. E lo fungi como e di 7 minister, te ora cu e no ta necesario mas.
Mas Politica
Lesa Mas
Mike Eman a propone Rene Herde como minister di energia cerca Gobernador
ORANJESTAD – Mike Eman a propone Rene Herde como minister di energia cerca Gobernador. Esaki oficialmente a tuma lugar ayera caba, pero manera cu noticiacla a raporta anteriormente, Eman a haye den problema internamente cu partido, ya cu un grupo no a gusta e decision. A tene yen di reunion, y awe mainta cos a regla atrobe. Pues aworaki partido tambe ta ok cu e nombracion, y e proceso pa nombra Herde como minister, ta continua. Y awe merdia ta huramenta sr Herde na Cas Ceremonial.
Mas Politica
Lesa Mas
TWO a gasta 4.9 miyon euro pa Aruba na gastonan regular di landspakket pa 2024
ORANJESTAD - Den su relato anual di 2024, e Organisacion di Trabou Temporal (TWO Hulanda) ta wak bek cu e tema Forsa di Colaboracion. TWO Hulanda ta trahando hunto cu Aruba, Corsou y Sint Maarten pa mas di cuater aña caba riba ehecucion di e Paketenan di Pais. Tras di cortina, ambtenaarnan y expertonan di e tres paisnan, den colaboracion cu TWO y otro departamentonan Hulandes, a bin ta traha duro riba e reformanan durante e ultimo cuater añanan.
Mas Politica
Lesa Mas
Malcontento den AVP cu Eman a presenta Herde como minister ayera!
ORANJESTAD – Tabatin problema basta serio den seno di e partido berde AVP, cu a practicamente bolter tur cos den e partido diamars atardi cu a pone cu ainda no por a anuncia un minister nobo pa AVP. Noticiacla a compronde cu despues cu Mike Eman a bishita gobernador Boekhoudt durante un audiencia semanal diamars merdia, e la bolbe seno di partido, y lo a participa cu e la propone Rene Herde como minister cu tin cu reemplasa Mike de Meza, temporalmente, manera cu a acorda. Sinembargo, pa sorpresa di Eman, esey lo no a cay den bon tera den e partido, pa cual dificilmente Eman por a sali afo y anuncia e decision cu e la participa algun rato prome na gobernador. Noticiacla a compronde cu tin varios ‘grupo’ interno cu ta bringando e nombracion aki, indicando cu tin otro personanan cu merece pa haya e posicion aki. A compronde cu entre candidatonan, tin e.o. Clifford Heiliger, Jennifer Arends, y Marlon Sneek. Ora cu a bira conoci cu Eman a toch propone Herde na gobernador, a surgi un disgusto interno, cu te na e momentonan aki, no tabata resolvi.
Mas Politica
Lesa Mas
Eman no a logra convence partido ‘ainda’ pa Rene Herde reemplasa de Meza
ORANJESTAD – A surgi un situacion na ultimo ora diamars merdia, cu a pone cu prome minister Mike Eman mester a cancela su cita cu gobernador Boekhoudt, unda cu e lo a presenta candidato Rene Herde como minister pa reemplasa Mike de Meza temporalmente. E cita tabata poni pa 2’or, pero noticiacla a compronde cu e la ‘zeg af’, y a compronde cu esaki tabata cu no a logra convence tur hende den partido ainda di e cambio. RENE HERDE
Mas Politica
Lesa Mas