- E lista completo di voto individual a keda conoci di eleccion 2024
- Evelyn Wever- Croes a sali votegetter di eleccion parlamentario 2024
- Lider di RED Ricardo Croes y ex minister Rudy Lampe a anuncia nan retiro di politica
- Aruba ta registra su di 13 morto di trafico pa 2024
- Partido AVP a tene su parada di victoria electoral diadomingo
Premier di Isreal, Netanyahu lo no bai Europa pa miedo di orden di aresto
JERUSALEM - Prome cu su bishita na Merca mas laat e luna aki, Prome Minister Israeli Netanyahu a planea prome pa haci un escala na Europa, pero riba un di dos pensamento el a dicidi di no haci esaki. E emisora israelí Kan ta informa cu Netanyahu tin miedo cu e lo wordo deteni si Corte Penal Internashonal (ICC) emiti un orden di aresto p’e.
Fiscal di ICC Khan a entrega un peticion na mei pa ordo di aresto contra e Promé Minister di Israel, Minister di Defensa Gallant y tres lider di Hamas pa supuesto crimennan di guera. Desde e tempu ei, huradonan a bin ta revisa e peticion. Ainda no ta cla ki dia nan lo tuma un desicion. Si enberdad un orden di aresto wordo emiti, e 124 paisnan cu ta miembro di ICC mester aresta Netanyahu si e ta riba nan teritorio.
Segun Kan, Netanyahu tabata considerando un escala na un pais Europeo amistoso di Israel, manera Republica Checo of Hungria, pasobra su avion no por maneha un vuelo transatlantico ora e ta yen di pasahero. Ta ser bisa cu awor el a dicidi di biaha pa Merca cu un grupo limita, haciendo un buelo directo posibel. Netanyahu lo tene un discurso na Congreso Mericano dia 24 di juli.
Juan Soto ta firma contracto record di 726 miyon dollar cu New York Mets
NEW YORK - E hungador di baseball Juan Soto a firma un contract di record diadomingo anochi. Segun medionan mericano, e lo gana 765 miyon dollar mericano (726 miyon euro) durante un periodo di diessinco aña cu New York Mets. E ta e cos di mas grandi den historia di deporte profecional.
Rebeldenan ta tuma over poder na Siria, Assad a huy
DAMASCO - E regimen di presidente Sirio Assad a cay. Rebeldenan a captura e ciudad di Homs ayera y no mucho despues tambe e capital Damasco. Assad a huy for di e ciudad den un avion, fuentenan di ehercito a bisa. No ta conoci na unda.
Gobierno a cay na Francia: Parlamento a baha prome minister cu mocion di desconfiansa
PARIS - Na Francia, e gobièrnu a cai despues di un votashon di desconfiansa contra prome minister Barnier. Manera tabata di spera, oposicion a retira e prome minister pasobra e kier a bypass parlamento riba un proposicion di presupuesto. E pais ta den un crisis politico pa algun tempo caba.
Namibia tin su prome presidente femenino
WINDHOEK - Netumbo Nandi-Ndaitwah a gana e eleccionnan presidensial na Namibia. E politico di 72 aña a haya 57 porciento di e votonan y asina a logra evita un di dos buelta.
Gobierno frances ta cologa na un hilo pa malcontento cu plannan di austeridad
PARIS - Tin un bon chens cu e gobierno frances lo no yega fin di siman. Oposicion kier manda e gabinete cas cu un mocion di desconfiansa. Lo ta e prome biaha den mas cu sesenta aña cu un gobierno frances a wordo forsa pa renuncia pa motibo di un moshon asina.
Cantante Elton John (77) ta casi ciego despues di un infeccion di wowo
LONDON - E cantante Britanico Elton John a perde mayoria di su bista. E strea mundial di 77 aña a bisa esaki ayera nochi den e estreno na London di e musical The Devil Wears Prada, pa cual el a scirbi e musica.
Follow NoticiaCla
