Un biaha mas droga ta keda interseptá pa Zr.Ms. Groningen

ORANJESTAD - E barku di stashon Zr.Ms. Holland a kuminsáa riba djaluna 2 di sèptèmber ku su patruyahe riba laman Karibe. Kuater dia despues, djabièrne 6 di sèptèmber den oranan di mainta, tabata direktamente bingo. E barku e mainta ei a risibi un notifikashon ku e avion di patruyahe Dash 8 di Wardakosta Region Karibe a lokalisá un go-fast sospechoso  den besindario di islanan ABC. Despues di esaki Zr.Ms Holland a dreta den akshon i a lansa su botonan di intersepshonan rápido, e asina yama FRISC nan, ku riba kual tabatin ekiponan kombiná di tripulashon di barku, Wardakosta Merikano i e Eskuadron  di Flota di Marina. Tambe e helikòpter di bordo, e NH90, a duna sosten desde laira durante e operashon anti droga. E sospechosonan riba e boto di droga mas ku un biaha a neglishá e orden pa para. E go-fast a stòp numa despues ku a tira dirigí riba e motornan di e boto

ORANJESTAD - Diahuebs anochi pa 8:40 central di polis a wordo notifica cu un auto lo mester a alcansa un peaton na Bernhardstraat na altura di Arena’s Sport Bar. Central di Polis a despacha un patruya di polis como tambe ta pone ambulance na altura di e sucedido.  Na yega di e patruya a bin encontra cu un hende homber di 87 aña riba caminda. E prome informa ta cu un auto color preto lo a alcans’e y a bandona e sitio. Ambulance a yega na e sitio y a duna e victima di 87 aña asistencia medico y a stabilise pa asina transporte cu maximo urgencia pa hospital.  Specialista di trafico a presenta na e sitio pa asina haci nan investigacion. 

ORANJESTAD – Manera ta conoci awor, dos piscador local a perde nan bida diabierna riba laman. Despues e detayenan a keda conoci pa Warda Costa cu a informa esaki oficialmente diasabra. Segun e raportahe, diabierna Centro di Operacion Maritimo di Wardacosta a haya un melding di un boto di piscado local cu tawata perdi riba lama. Abordo di e boto tawata tin dos homber local cu a sali pa lama diaranson mainta. E hombernan mester a regresa cas diaranson anochi, pero no a regresa cas. E famianan di e piscadonan perdi a tuma contacto cu Wardacosta pa haci un busceda pa e dos hombernan. Mesora despues di e melding, Wardacosta a lansa un helicopter cu a start un busceda aereo buscando e hombernan riba e boto Mila panort di Aruba. Diahuebs atardi a haya un vest di salbabida, un tas y un tanki di gasolin na altura di Bachelor Beach, cu ta kere cu tawata pertenece na e boto Mila cual tawata perdi. Wardacosta tambe a dirigi un drone y e cutter Jaguar pa asisti cu e busceda. E busceda a keda anula den oranan di anochi debi na e skuridat. Diabierna mainta tempran a cuminsa cu e busceda bek na cual momento e drone a constata un curpa cu no tawata duna señal di bida na Bachelor Beach. Despues di un rato, a constata un curpa mas cu no tawata duna señal di bida riba e mesun beach. E curpanan cu no tawata duna señal di bida a wordo identifika komo e dos piscadonan local perdi. E curpanan a wordo entrega na Cuerpo Policial Aruba pa mas investigacion. Wardacosta ta desea famia y amigunan di e hombernan hopi forsa.

ORANJESTAD - Awe den oranan di mainta tabata tin un presecucion tras di un sospechoso di joyriding. E presecucion no a dura largo y Polis ta logra pasa e sospechoso y ta bay over na detencion. Durante e detencion e sospechoso a resisti fuertemente contra su detencion cu a resulta cu un agente Policial di Districto di Noord a fractura su pia severamente.

ORANJESTAD - Dialuna Unit Narcotica atento un biaha mas ta confisca droga y haci detencion.  E biaha aki ta droga cu a wordo transporta via container. 

ORANJESTAD - Dialuna madruga departamento di Crimen Organisa a haci un entrada hudicial na un cas na Madiki enconexion cu a intercepta un boto mas tempran door di Kustwacht. Durante cu a intercepta e boto a logra confisca bastante droga.