Segun RvA, proximo gobierno mester haci un miho trabou cu reparticion di cartera di minister

Posted on 06/14/2024 3:47 pm AST | Updated on 06/14/2024 3:50 pm AST

ORANJESTAD – Considerando cu, cu cada entrada di gobierno nobo, e gobierno di turno tin e custumber y of tendencia di revisa y cambia e structura di minister (conoci como LIM) Landsverordening Instelling Ministeries), e organo consultativo di Aruba a dicidi awor pa bin cu un conseho general den un documento di 40 pagina pa e proximo gobierno tene cuenta ora di reparti cartera di minister, pa esaki ta miho structura. E organo consultativo ta cuminsa na subraya cu ‘durante e ultimo añanan, nan a duna varios conseho riba e tema en cuestion, y cada bez tabata bin bek e comentarionan riba e structura y desaroyo di e gobierno en cuestion. Esun mas recien tabata riba e LIM di 2022, unda cu ‘cada cuater aña un gobierno nobo ta haci, esta un reparticion di cartera (di minister).

CUESTIONA CIERTO CAMBIO

E organo ta bisa di ta compronde cu e ta algo di cada gobierno, e ta bisa si cu e ta cuestiona e practica aki constantemente y a alerta riba e risico cu e union, continuidad y consistencia di maneho no ta wordo salvaguardia asina. E organo ta menciona un sin fin di reto y tema cu ta pone cu e gobierno tin retonan grandi.

DEPARTAMENTO NOBO Y INDEPENDISACION

E organo a relata tambe e practica di gobierno pa ‘crea departamentonan nobo’ of ‘independisa departamentonan existente’. Segun e organo, e peliger ta cu e cambionan aki por debilita e ehecucion di e tarea di gobierno, y e medidanan pa cu esaki. “Pa por usa e medionan limita riba un forma mas eficiente y efectivo posibel, mester haci escogencia” e organo ta bisa. Of citando palabra di e vice presidente” No tur cos por, y no tur cos por pareu”. Pero segun RvA, no ta hopi cla a base di kico, escogencianan ta wordo haci.

INVENTARISACION

E organo ta haya cu ta tempo pa haci un inventarisacion nobo di e tarea di gobierno, y a base di esey, dicidi si e ehecucion ta wordo haci door di gobierno mes of ta duna esaki na un otro partido cu miho resultado. “Eynan mester tene cuenta cu ta salvaguardia interes publico, y cu ta responsabilisa e parti politico y social, e envolvimento di gobierno ora cu tuma decision, corporate governance, y structuranan di supervision. “Y den cuadro di e proximo eleccion, RvA kier duna un direccion pa cu e pensamento di e structura di e (proximo) gobierno”. Por lesa e rapport completo AKI.

E lista completo di voto individual a keda conoci di eleccion 2024
ORANJESTAD – Dialuna anochi den careda di algo prome cu 9’or di anochi, Conseho Electoral a publica e lista completo di voto individual di e eleccion parlamentario 2024. Un rato prome, a publica e votegetternan, manera cu Noticiacla a publica anteriormente. Pa e lista completo, por click AKI.
Mas Local
Lesa Mas
Campaña ta un, forma ta otro, y goberna… well..
Skirbi pa Tito Laclé
Mas Local
Lesa Mas
Cargamento limita di vuurwerk sin pagara a yega Aruba for di Merca
ORANJESTAD – Un cargamento limita di vuurwerk sin pagara a yega Aruba for di Merca. Experto di explosivo Rubin Ponson a confirma esaki pa Noticiacla diahuebs atardi. “ Normalmente ta papia di container di klapchi cu nos ta calcula e cantidad, ta containernan di 40 pia. Sinembargo e ultimo cargacion aki ta algun container di 20 pia y entre nan tambe tin klapchi destina solamente pa show profesional” Ponson a sigui bisa.
Mas Local
Lesa Mas
Tin reglanan nobo pa proteccion consular pa documento di biahe di emergencia Europeo
DEN HAAG – E Ley di Reino riba Proteccion Consular di Ciudadanonan di UE lo wordo modifica pa garantisa miho e derechonan di ciudadanonan di UE no representa den tercer paisnan. E proyecto di lei, cu ta basa riba e Direktiva di Documento di Biahe di Emergencia di UE, ta establece con i ki ora un Documento di Biahe di Emergencia Europeo ta wordo emití.
Mas Local
Lesa Mas
RMR a renombra Hans Hoogervorst y Julisa Frans como miembro di Cft /CAFt
DEN HAAG – Ta renombra tanto señor Hans Hoogervorst como señora Julisa Frans pa un di dos termino cerca e Colegionan di supervision financiero. Riba 29 di november 2024, Conseho di Minister di Reino a aproba nan renombramento. Entrante prome di januari 2025, riba proposicion di Hulanda, a renombra Hans Hoogervorst como miembro di Colegio di supervision financiero Corsou y Sint Maarten (Cft), Cft Boneiro, Sint Eustatius y Saba (Cft BES) – e renombramento aki a tuma loga den Conseho di Minister - y Colegio di supervision financiero di Aruba (CAft) pa un termino di tres aña. Entrante e mesun fecha, ta renombra señora Julisa Frans pa e Colegio di supervision financiero Corsou y Sint Maarten (Cft), tambe pa un termino di tres aña. E renombramento di señora Frans ta riba proposicion di Sint Maarten. E renombramentonan lo tuma luga pa Decreto Real.
Mas Local
Lesa Mas
DVG: Yobida tin su peliger pa salud publico
ORANJESTAD - Tur aña di nobo for di luna di juni pa december nos conose como lunanan di yobida. Pa algun esaki ta un bendicion, pa salud publico esaki por ta un peliger.
Mas Local
Lesa Mas