- E lista completo di voto individual a keda conoci di eleccion 2024
- Evelyn Wever- Croes a sali votegetter di eleccion parlamentario 2024
- Lider di RED Ricardo Croes y ex minister Rudy Lampe a anuncia nan retiro di politica
- Aruba ta registra su di 13 morto di trafico pa 2024
- Partido AVP a tene su parada di victoria electoral diadomingo
NWO ta organisa combersacionnan comunitario na Aruba
ORANJESTAD - E programa di Investigacion Caribense di e Organisacion Hulandes pa Investigacion Cientifico (Nederlandse Organisatie voor Wetenschappelijk Onderzoek (NWO) ta desaroyando un agenda di conocemento hunto cu e parti Caribense di Reino. E agenda di conocemento aki ta inventarisa unda tin preguntanan social y con investigacion cientifico por contribui pa contesta nan. Na juni y juli 2024 NWO ta organisa encuentronan publico riba e seis islanan pa averigua si ta reconoce e contenido. E encuentronan na Aruba ta di dialuna 17 di juni te cu diabierna 21 di juni.
IMPACT HUB ARUBA
Riba diamars 17 di juni ta tuma luga un ‘community conversation’ na Impact Hub Aruba. E encuentro ta cuminsa 6:00 pm y lo termina 8:00 pm. Un y tur ta invita pa participa na e combersacionnan. Durante e encuentro e team lo analisa pa cua topico of topiconan tin interes. Lo bo ricibi mas informacion al respecto durante e encuentro riba dialuna.
Riba dialuna y diahuebs ta tene combersacionnan mas cortico cu stakeholders. Eseynan por ta individuonan, representantenan di organisacionnan, of un cantidad di organisacion conhunto. Ta clausura e bishita na Aruba cu un encuentro na Universidad di Aruba. E combersacion aki ta bay tocante e condicionnan pa por ehecuta investigacion. Organisacion di e encuentro ey ta den man di universidad.
SIMAN DI INVESTIGACION HULANDA CARIBENSE
A traha e agenda di conocemento a base di encuestanan amplio riba problematicanan social na 2019 y 2021 bou di habitante- y investigadonan di e seis isla-/paisnan. Relaciona cu e ‘community conversations’ y otro combersacionnan den juni y juli ta formula e agenda di conocemento definitivo. Ta invita comunidad di e seis isla-/paisnan pa participa na e sesionnan pa asina nan mes por determina kico lo bin den e agenda di conocemento. Tambe NWO ta puntra con e comunidadnan Caribense ta mira un rol pa nan mes den e desaroyo of ehecucion di investigacion cientifico. Lo presenta e agenda di conocemento definitivo durante e Siman di Investigacion Hulanda Caribense na october 2024. NWO despues gustosamente kier traha cu e comunidadnan Caribense pa haci investigacion nobo, basa riba e agenda di conocemento, posibel.
E team cu lo hiba e combersacionnan na Aruba ta conosisti di Edrieënna Brandao, Danick Trouwloon, Elton Villarreal y na nomber di NWO dr. Arnold Lubbers, coordinado di e programa di Investigacion Caribense. Si bo ta interesa den un combersacion, tuma contacto e ora ey via [email protected]
E lista completo di voto individual a keda conoci di eleccion 2024
ORANJESTAD – Dialuna anochi den careda di algo prome cu 9’or di anochi, Conseho Electoral a publica e lista completo di voto individual di e eleccion parlamentario 2024. Un rato prome, a publica e votegetternan, manera cu Noticiacla a publica anteriormente. Pa e lista completo, por click AKI.
Campaña ta un, forma ta otro, y goberna… well..
Cargamento limita di vuurwerk sin pagara a yega Aruba for di Merca
ORANJESTAD – Un cargamento limita di vuurwerk sin pagara a yega Aruba for di Merca. Experto di explosivo Rubin Ponson a confirma esaki pa Noticiacla diahuebs atardi. “ Normalmente ta papia di container di klapchi cu nos ta calcula e cantidad, ta containernan di 40 pia. Sinembargo e ultimo cargacion aki ta algun container di 20 pia y entre nan tambe tin klapchi destina solamente pa show profesional” Ponson a sigui bisa.
Tin reglanan nobo pa proteccion consular pa documento di biahe di emergencia Europeo
DEN HAAG – E Ley di Reino riba Proteccion Consular di Ciudadanonan di UE lo wordo modifica pa garantisa miho e derechonan di ciudadanonan di UE no representa den tercer paisnan. E proyecto di lei, cu ta basa riba e Direktiva di Documento di Biahe di Emergencia di UE, ta establece con i ki ora un Documento di Biahe di Emergencia Europeo ta wordo emití.
RMR a renombra Hans Hoogervorst y Julisa Frans como miembro di Cft /CAFt
DEN HAAG – Ta renombra tanto señor Hans Hoogervorst como señora Julisa Frans pa un di dos termino cerca e Colegionan di supervision financiero. Riba 29 di november 2024, Conseho di Minister di Reino a aproba nan renombramento. Entrante prome di januari 2025, riba proposicion di Hulanda, a renombra Hans Hoogervorst como miembro di Colegio di supervision financiero Corsou y Sint Maarten (Cft), Cft Boneiro, Sint Eustatius y Saba (Cft BES) – e renombramento aki a tuma loga den Conseho di Minister - y Colegio di supervision financiero di Aruba (CAft) pa un termino di tres aña. Entrante e mesun fecha, ta renombra señora Julisa Frans pa e Colegio di supervision financiero Corsou y Sint Maarten (Cft), tambe pa un termino di tres aña. E renombramento di señora Frans ta riba proposicion di Sint Maarten. E renombramentonan lo tuma luga pa Decreto Real.
DVG: Yobida tin su peliger pa salud publico
Follow NoticiaCla
