Salud di Prostaat: Un topico vital pa hende homber di tur edad!

Salud di Prostaat: Un topico vital pa hende homber di tur edad!

Posted on 06/10/2024 9:47 am AST | Updated on 06/10/2024 9:48 am AST

(ADVERTORIAL)

ORANJESTAD - Mi nomber ta Dasha, mi ta un boticario na Botica di Servicio y bon bini bek na nos column! 

Luna di juni ta luna di tata, dus ban papia un tiki tocante e salud di hende homber. Ora nos papia di salud di hende homber, tin un tema cu ta sumamente importante pa toca riba dje: salud di prostaat.

Salud di prostaat ta crucial pa e bienestar total di homber. E prostaat, un gland chikito bou di e blaas, ta hunga un rol grandi den salud reproductivo di homber. Cu edad mas halto, e riesgo pa problema relaciona cu prostaat, manera benign prostatic hyperplasia (BPH), prostatitis y cancer di prostaat, ta aumenta. Comprondiendo e condicionan aki y mantene e salud di prostaat ta pesey esencial!

CONDICIONAN DI PROSTAAT

Benign prostatic hyperplasia (BPH): BPH ta un agrandamento no-canceroso di prostaat cu ta comun den homber di mas edad. Sintoma nan ta inclui urina frecuente, straal di urina zwak y no por haci e blaas ful bashi. Aunke BPH no mester ta peligroso, e por impacta e cualidad di bida.

Prostatitis: Prostatitis ta un inflamacion di prostaat ku por afecta homber di tur edad. E por causa dolor den e area pelvico, ta urina cu dolor y ta sinti sintomanan manera di griep. Prostatitis cronico por wordo trata cu un combinacion di remedi y cambio den e estilo di bida.

Cancer di Prostaat: Cancer di prostaat ta un di e cancernan mas comun den hende homber. Deteccion trempan pa medio di test di e prostate-specific antigen (PSA) y examen digital rectal (DRE) ta crucial pa un tratamento exitoso. Sintomanan por inclui dificultad pa urina, sanger den urina of semen, y incomodidad den e area pelvico.

CONSEHONAN PA MANTENE E SALUD DI PROSTAAT

Check-up Regular: Cuminsando na 50 aña mester cuminsa papia cu un doctor tocante e screening pa check-up pa cancer di prostaat. Esnan cu tin un historia familiar di cancer di prostaat of cu ta di descendencia Africano lo mester cuminsa cu e screening aki mas trempan.

Dieet Saludabel y actividadnan fisico: Un dieet rico den fruta, berdura, grano integral y proteina pero tambe ehercicio regular ta sostene salud di prostaat. Cuminda halto den antioxidantenan, manera tomati y acido omega-3, cu por haya den pisca y semia di flax, ta beneficioso. Ta importante tambe pa mantene un peso saludabel.

Mantene bo mes informa: Hende homber mester ta proactivo den siña tocante salud di prostaat y buscando conseho medico pa sintomanan no usual.

CONCLUSION

Salud di prostaat ta un aspecto crucial di salud di hende homber cu mester di atencion y cuido. Testnan regular, un dieet saludabel, actividad físico, y evitando factornan di riesgo ta e strategia importante pa mantene salud di prostaat. Deteccion y tratamento trempan ta esencial!

Y manera semper, pa consehonan personal, pasa serca nos na Botica di Servicio!

P.S. Nos a cuminsa cu un podcast! Den e programa aki, yama Den Bista di Boticario, nos ta bai toca diferente temanan tocante salud y e mundo medico. Keda pending pa mas detayes riba nos social media @boticadiservicio !!!

  • Segun RvA, proximo gobierno mester haci un miho trabou cu reparticion di cartera di minister

    Segun RvA, proximo gobierno mester haci un miho trabou cu reparticion di cartera di minister

    ORANJESTAD – Considerando cu, cu cada entrada di gobierno nobo, e gobierno di turno tin e custumber y of tendencia di revisa y cambia e structura di minister (conoci como LIM) Landsverordening Instelling Ministeries), e organo consultativo di Aruba a dicidi awor pa bin cu un conseho general den un documento di 40 pagina pa e proximo gobierno tene cuenta ora di reparti cartera di minister, pa esaki ta miho structura.  E organo consultativo ta cuminsa na subraya cu ‘durante e ultimo añanan, nan a duna varios conseho riba e tema en cuestion, y cada bez tabata bin bek e comentarionan riba e structura y desaroyo di e gobierno en cuestion. Esun mas recien tabata riba e LIM di 2022, unda cu ‘cada cuater aña un gobierno nobo ta haci, esta un reparticion di cartera (di minister). 

  • NWO ta organisa combersacionnan comunitario na Aruba

    NWO ta organisa combersacionnan comunitario na Aruba

    ORANJESTAD - E programa di Investigacion Caribense di e Organisacion Hulandes pa Investigacion Cientifico (Nederlandse Organisatie voor Wetenschappelijk Onderzoek (NWO) ta desaroyando un agenda di conocemento hunto cu e parti Caribense di Reino. E agenda di conocemento aki ta inventarisa unda tin preguntanan social y con investigacion cientifico por contribui pa contesta nan. Na juni y juli 2024 NWO ta organisa encuentronan publico riba e seis islanan pa averigua si ta reconoce e contenido. E encuentronan na Aruba ta di dialuna 17 di juni te cu diabierna 21 di juni.

  • E whatsapp di DIMAS a crash den e prome siman cu e la bay online!

    E whatsapp di DIMAS a crash den e prome siman cu e la bay online!

    ORANJESTAD - Apenas dia 10 di juni 2024, DIMAS a anuncia cu nan a integra e servicio di WhatsApp den nan sistema di comunicacion pa facilita e contacto entre comunidad y personal di DIMAS.

  • Fundacion Alzheimer Aruba ta organisa dos seminario relaciona cu abuso di adulto mayor

    Fundacion Alzheimer Aruba ta organisa dos seminario relaciona cu abuso di adulto mayor

    ORANJESTAD – Riba 15 di juni, 2011, Fundacion Alzheimer Aruba a cuminsa cu e pagina di Facebook “Bisa No Na Abuso di Anciano“ cu poco poco a desemboca den e proyecto “No! Na Abuso di Adulto Mayor”, cu e obhetivo Conscientisacion y Prevencion di Abuso di Adulto Mayor y sigi desaroya projectonan pa sostene e manera con nos comunidad ta pensa, sinti y actua tocante edad y envehecimento.

  • HOH ta opera pa prome biaha un aneurisma den cerebro cu exito

    HOH ta opera pa prome biaha un aneurisma den cerebro cu exito

    ORANJESTAD - Recientemente den sala di operacion na Horacio Oduber Hospital (HOH) a eherce un operacion di un aneurisma den cerebro di un pashent. Un operacion cu nunca antes a wordo ehecuta na Aruba, y esaki a logra danki na e cooperacion cu HOH tin cu e departamento di neurocirugia di UMC Urecht. E diagnostico a ser haci pa HOH su neurologo, dr. Ivonne van Sijtveld hunto cu e team di profesional na HOH. Y e neurociruhano vascular Prof. Bart van der Zwan di UMC Utrecht a ehecuta e operacion aki hunto cu e team di profesional di sala di operacion. E operacion aki ta demostra cu HOH ta conta cu profesionalnan bon prepara y capas pa brinda e tipo di cuido asina, pero tambe cu ta conta cu e materialnan necesario pa por eherce un operacion specialisa.

  • Aruba ta anfitrion pa conferencia di PAMAC Cruise Summit den 2025

    Aruba ta anfitrion pa conferencia di PAMAC Cruise Summit den 2025

    ORANJESTAD - Ministerio di Turismo, Aruba Tourism Authority (A.T.A.), y Aruba Ports Authority (APA) a anuncia cu Aruba oficialmente ta bira e anfitrion pa PAMAC Cruise Summit 2025, un di eventonan mas importante y renombra pa cu e mercado di Norte America como Latino America pa cu e industria crucero. Na 2017, Aruba a fungi como e anfitrion di PAMAC (Platinum Associate Member Advisory Council) Summit na un manera exitoso, y ta sumamente contento pa un biaha mas yama bonbini na e evento prestigioso aki na 2025.

  • Postobon
  • Powered by SETAR