Seleccion nacional di futbol di Aruba ta topa St Lucia diamars den eliminatorio Concacaf 2026

Seleccion nacional di futbol di Aruba ta topa St Lucia diamars den eliminatorio Concacaf 2026

Posted on 06/10/2024 9:03 am AST | Updated on 06/10/2024 9:04 am AST

BARBADOS – Despues di a perde nan ultimo wega contra Corsou diasabra ultimo, e seleccion nacional di futbol di Aruba ta confronta e seleccion di St Lucia diamars awor 2’or or alolcal den e grupo grupo C di e torneo CONCACAF - EliminatorioConcacaf 2026, den e Wildey Astro Turf Stadium. St Lucia tambe ta bin di un derota contra Haiti, y ta wak si nan por logra mehora nan situacion. 

  • Cu empate contra St Lucia, Aruba ta keda na di 4 luga den su grupo pa cualificacion di mundial futbol 2026

    Cu empate contra St Lucia, Aruba ta keda na di 4 luga den su grupo pa cualificacion di mundial futbol 2026

    BRIDGETOWN – Cu e empate ayera contra e seleccion nacional di St Lucia, e seleccion di Aruba ta keda na di 4 lugar den e grupo C. Aruba diamars a empata cu St Lucia cu e score di 2-2, cual wega a tuma lugar na Barbados. Aruba su golnan tabata den e prome mitar esta di  W. Bennett na di 21 minuut y I. Marselia na di 43minuut. Despues di e descanso, St Lucia a bin bek duro y a anota dos gol, e prome di  R. Stanislas na di 47 minuut y despues P. Pearson na di 67 minuut. 

  • Aruba a duna Corsou bataya, pero a cay venci na final 2-0

     Aruba a duna Corsou bataya, pero a cay venci na final 2-0

    ORANJESTAD – Dilanti di un publico di 3.000 persona, e seleccion nacional di futbol di Aruba a duna e seleccion di Corsou basta dolor di cabez diasabra anochi, aunke cu nan a cay venci 2-0 finalmente cu goal di Xander Seferina (ADO DEN HAAG) y Leandro Bacuna (WATFORD FC). Corsou a bin cu e pensamento cu nan lo a score mucho mas gol, segun e entrenador Dick Advocaat riba pregunta di Noticiacla despues di e wega. “Aruba no a haci e trabou facil pa nos” Advocaat a bisa despues di e wega. Ambos gol di Corsou a bin den e di dos mitar, pero esaki sigur no tabata facil pa Corsou. Segun e entrenador di Aruba, Marvic Bermudez, nan plan di wega tabata pa frustra e intencion di Corsou, cual intento a yuda hopi bon. E la referi na e prome mitar di e wega unda cu por a nota frustracion di e hungadornan di Corsou cu a hasta cuminsa discuti cu otro na cierto momento. Segun Bermudez, no tin cu lubida cu e seleccion di Corsou tin 23 hungador professional y nan nivel ta mucho mas halto cu esun di Aruba. Esey sinembargo no a keda desplega diasabra anochi. Pero finalmente toch Aruba ta cay venci y tin cu bay Barbados pa hunga contra St Lucia dia 11 di juni proximo. 

  • Ekipo di futbol Hulandes RBC ta ‘huur’ keeper di Aruba Angelo Mathilda

    Ekipo di futbol Hulandes RBC ta ‘huur’ keeper di Aruba Angelo Mathilda

    AMSTERDAM – E seleccion di futbol Hulandes RBC a resolve su problema di keeper, door di busca un hungador di Aruba, Angelo Mathilda. E hungador di 22 aña ta naci na Hulanda, pero ta hunga pa Aruba. RBC tabatin un problema cu keeper, y a ‘huur’ Mathilda pa un periodo no conoci, pa e hunga pa nan.  

  • Britania ta titula campeon di futbol division di honor di Aruba

    Britania ta titula campeon di futbol division di honor di Aruba

    ORANJESTAD -Cu tiro di penalty, e seleccion di futbol di Britania a titula campeon di Aruba division di honor contra Dakota den Stadion Frans Figaroa na Noord. Na final, Britania a hera su prome penalty pero a sigui hinca tur otro yegando 4. Dakota tambe a hinca 4, y a faya e di 5. A bay pa sudden death, unda cu Britania a score, y Dakota a faya, cu a pone Britania gana e wega. Ta despues di 10 aña cu Britania ta gana e competencia. 

  • Artista Jeon a join e entrenamiento cu seleccion nacional di futbol di Aruba diaranson

    Artista Jeon a join e entrenamiento cu seleccion nacional di futbol di Aruba diaranson

    ORANJESTAD – E candante internacional local Jeon a join e seleccion nacional di futbol di Aruba diaranson atardi den un session special di entrenamiento. Awe y mayan e seleccion ta entrena tras di porta cera, pa e wega di clasificacion pa mundial 2026 contra Corsou, cu diaranson anochi a gana su prome wega clasificatorio contra Barbados cu score di 4-1. 

  • Seleccion nacional di fubol di Aruba a yega cas bek ayera for di Hulanda, pa nan wega contra Corsou

    Seleccion nacional di fubol di Aruba a yega cas bek ayera for di Hulanda, pa nan wega contra Corsou

    ORANJESTAD – E seleccion nacional di Aruba di futbol a yega Aruba for di Hulanda diamars atardi, pa e wega cu nan tin cu hunga contra Corsou diasabra awor como wega oficial di CONCACAF pa cualificacion pa mundial di futbol 2026. Aruba ta den e grupo C, hunto cu Haiti, Curacao , Saint Lucia y Barbados.

  • Powered by SETAR