Long Table Aruba a genera mas di 60 mil dollar di donacion na nos comunidad

Posted on 06/10/2024 9:00 am AST | Updated on 06/10/2024 9:01 am AST

ORANJESTAD –  Long Table Aruba, un evento culinario caricativo presenta door di Wind Creek Aruba un biaha mas a surpasa tur expectativa celebrando e di seis edishon diadomingo ultimo. E unico cena balora na $50.000 pa Aruba, Long Table a presenta un cena completamente na blanco pa 1000 persona.

Desde anja 2017, Long Table Aruba a recauda mas di $335,000 pa organisacionnan local y ta un evento sumamento importante pa Wind Creek na Aruba.

“Nos ta compronde e importancia di conecta cu e comunidad y nos ta desea di sostene organisacionnan local na e manera cu lo realmente ta beneficia e comunidad di Aruba,” asina Sr. Paul Gielen, Gerente General di Wind Creek Aruba a declara. 

E anja aki Wind Creek Aruba a cambia e proseso y a selecta 10 organisacion den comunidad activo y a invita esaki nan pa participa. Cada un di e organisacion aki tawata tin e tarea di crea un video impresionante, cu e oportunidad pa gana un sosten financiero. E seleccion di e anja aki a wordo enfatisa riba e yudansa na nos grandi y sosten pa nos hobennan cu ta enfrenta sircunstancianan desafiante. Cu e focus pa renoba e bienestar den nos comunidad, Wind Creek Aruba ta compromete su mes pa hasi un cambio y impacto den bida di esnan cu ta den nesesidad. Pueblo por a hasi nan voto pa un di e video nan aki online.

Ganadornan di e concurso di video di Long Table Aruba 2024:

1.      Club Kibrahacha $15.000

2.      Stichting Hunto Inloophuis $10.000

3.      Fundashon Hospice Atardi $10.000

4.      Sonrisa $10.000

5.      Fundashon Contra Violencia Relacional - FCVR $10.000

Wind Creek Aruba a duna adicionalmente na e otro 5 instancianan cu a participa tambe un suma di $2000 na kada un 

ADRA Teen Mother Project $2.000

Ambiente Nobo $2.000

Give Me A Break $2.000

Bump Aruba $2.000    

Fundacion Biba Bou Guia $2.000

Sr. Gielen ta splica cu nan tin suerte di tin un team cu ta dedica y ta uni forsa pa por produci un evento exepcional cu ta honra nos comunidad local na Aruba. Nos ta spera di a laga un impacto positivo na tur persona cu a atende e evento como tambe na tur nos patrocinadornan cu semper tawata porta habri pa contrubui cu nos evento pa di seis anja kaba. Masha danki di curason!

  • Eugene Kemp y Dyrienne Geerman ta lansa tema nobo Cyber Love

    Eugene Kemp y Dyrienne Geerman ta lansa tema nobo Cyber Love

    ORANJESTAD – Recientemente e cantantenan Eugene Kemp y Dyrienne Geerman a lansa un tema nobo, titula Cyber Love, esta Amor Cybernetico. E banda cu ta compaña nan ta Youth Extreme, osea YX3M. E pensamento tras di e tema ta cu den un mundo modern, nos ta haya nos mes confronta cu technologia cu ta avansando hopi lihe, cu consecuencia cu e contacto humano practicamente ta depende dia pa dia di e technologia disponible. “Nos mester ta conciente di e contacto real, personal y fisico. Pues no solamente enfoca riba e contacto digital. 

  • Graduacion di Colegio Muchila Creativo na Violet Center for the Arts

    Graduacion di Colegio Muchila Creativo na Violet Center for the Arts

    ORANJESTAD – Colegio Muchila Creativo a organisa recientemente, dia  4 di Juli, graduacion di 3 studiante na Violet Center. Colegio Muchila Creativo ta un scol secundario pa studiantenan neuro diverso entre 15 pa 29 aña. 

  • Jeon ta presenta awenochi durante Heat Latin Music Awards na Punta Cana

    Jeon ta presenta awenochi durante Heat Latin Music Awards na Punta Cana

    PUNTA CANA - Awenochi 11 di juli lo bira un anochi grandi pa nos artista local Jeon. Esaki ta debi cu e lo ta un di e artistanan invita pa presenta riba e stage principal durante e 'Heat Latin Music Awards' di e canal internacional HTV. Ta trata aki di e di diez edicion di un di e premionan mas importante pa musica Latino Americano. Jeon lo ta hunto cu e artistanan Alex Sensation, Kiko El Crazy y Dj Adoni. Nan lo presenta nan 'summer hit' nobo cu jama Tekila. Algun siman atras a graba e video clip na Miami y otro siman e lo keda comparti riba diferente plataforma. Sinembargo diahuebs anochi mundo lo haya e primicia den forma bibo durante e evento aki. Tambe lo presenta riba e mesun stage aki artistanan manera Jey One, La Perversa, Silvestre Dangond, Tito el Bambino, Lomiel, Felipe Pelaez y hopi mas. E canal di television HTV lo ta dunando diferente premio manera productor di aña, mihor cancion viral, mihor artista tropical, mihor artista di salsa, mihor compositor di aña y hopi mas. E premio aki ta conta cu un sintonia grandi y lo keda transmiti via cable tv HTV, youtube y tambe via losheat.tv.

  • Cas Marie a keda Inaugura na Mama Ties na Santa Cruz

    Cas Marie a keda Inaugura na Mama Ties na Santa Cruz

    ST CRUZ - Dos mama recorda cu amor tabata e curason di un evento ayera nochi na Santa Cruz, Marie & Ties, ambos no ta cu nos mas, pero nan nomber y nan legado ta sigui inspira, mara pa semper na e servicio di nan comunidad.

  • Conocido cantante Sasha Figueroa oficialmente ta bek den e frontline di Tsunami

    Conocido cantante Sasha Figueroa oficialmente ta bek den e frontline di Tsunami

    ORANJESTAD  —Despues di 10 aña, pa e artista Sashah, tabata un experiencia cu a trece hopi emocion y satisfaccion, grabando un biaha mas cu su banda faborito di tur tempo Tsunami Aruba

  • Rotary Club Aruba tin directiva nobo cu presidente Diego Acevedo

    Rotary Club Aruba tin directiva nobo cu presidente Diego Acevedo

    ORANJESTAD - Recientemente Rotary Club Aruba a instala su directiva nobo pa 2024–25. E evento a tuma lugar na e edificio renoba di Maria Convent na Universidad di Aruba. Presidente saliente Luis Oduber a hiba palabra un rato unda e la desea e Presidente di aña Rotariano venidero tur clase di exito y gradici e miembronan y di e club cu a sa di duna nan sosten pa asina Rotary Club Aruba por a sigui cu su aporte y sosten na diferente fundacion riba nos isla.

  • Powered by SETAR