Partidonan PVV, VVD, NSC y BBB a logra forma gobierno Hulandes nobo!

DEN HAAG – Secretario di Estado pa Relacionnan di Reino, Zsolt Szabó, a pospone su contesta riba preguntanan parlamentario cu ta regarda instabilidad politico y corupcion na Aruba, Curaçao, y Sint Maarten. E retraso ta surgi for di e petishon di Szabó pa detayenan adicional tocante e aktividadnan di Transparency International, un organisashon mundial di vigilansia di integridad, den e teritorionan Karibense di Reino Hulandes.

DEN HAAG – Como contesta riba e rapport recien di Amnesty International, ‘Aruba: Regla pero No Proteccion – revelando brechanan den proteccion di refugiado di Venezolanonan na Aruba’, cu ta expresa preocupacion riba e politica di asilo riba e isla y supuesto violacionnan di derechonan humano, Minister Marjolein Faber a indica cu Hulanda a tuma nota di e publicacion, pero ainda no por duna comentario riba e contenido di e constatacionnan.

DEN HAAG - E iniciativa Arubano Fundacion Movemiento ta Bida ta un di e tres ganadonan di e Appeltjes van Oranje 2024. Esaki a  anuncia durante entrega di e premionan Oranje Fonds na Paleis Noordeinde. Diahuebs atardi, 3 di october Reina Máxima, den presencia di Rey Willem-Alexander y Prinses Beatrix, a presenta e Appeltjes na organisacionnan cu ta comprometi pa reduci soledad. Tur aña, Oranje Fonds ta otorga tres iniciativa social cu ta aporta na personanan den nos sociedad. E ta e di 22 edicion di e Appeltjes.

WILLEMSTAD - Parlamentario hulandes Raoul White (GroenLinks-PvdA) dia 2 di òktober a manda pregunta na sekretario di estado di Relashonnan di Reino, Zsolt Szabó, tokante situashon na Aruba. White a komprondé for di rapòrt di Amnesty Internatiol ‘Rules but No Protection’ ku Aruba ta deportá refugiado fo’i Venezuela bek na nan pais riba base regular. Segun e organisashon Hulanda tambe ta finansiá e deportashon.

DEN HAAG – Gabinete di Minister Plenipotenciario (lesa: Arubahuis:red) a tene un Ban Topa cu studiantenan for di Amsterdam y Utrecht. Na The Team Building na Utrecht un cantidad di 30 studiante a participa na e Ban Topa cu a consisti di un seccion di dialogo conduci pa directora di Gabinete di Aruba Joselin Croes LL.M/M.Sc.

SCHIPHOL - Aerolinea KLM ta introduci un serie di medida pa mehora e prestacion di e compania. E compania lo corta gastunan i “simplifica” e organisacion. Cierto inversionnan tambe ta wordo posponi of cancela. Segun CEO Marjan Rintel, KLM no ta bayendo bon apesar di e crecemento den omzet: "Mescos cu hopi otro aerolinea, KLM ta sufriendo di gastonan halto y scarsedad di empleado y ekipo. Nos avionnan ta yen, pero nos capacidad ainda no ta bek na nivelnan pre-corona.”