Despues di conferencia di Elmar, coriente a bolbe bay ayera nochi y awe mainta

Despues di conferencia di Elmar, coriente a bolbe bay ayera nochi y awe mainta

Posted on 05/15/2024 8:27 am AST | Updated on 05/15/2024 8:28 am AST

ORANJESTAD – Algun ora cu e compania di utilidad NV Elmar a tene nan conferencia di prensa riba e situacion di coriente, anochi atrobe varios area di Aruba a keda sin coriente pa por lo menos dos ora. E conferencia, en corto a bay detayadamente riba e situacion technico di e compania, y tur loke ta poniendo cu awe nos tin problema cu coriente. Loke a resalta ta cu mantenimiento ta e problema y cu nan ta purbando di resolve esaki. Anochi, coriente a bolbe bay. Y awe diaranson mainta algo despues di 8’or coriente a bolbe bay den varios parti di Aruba.  

DI 20 BIAHA

Si tene Elmar na cuenta, e baymento di coriente awe mainta, ta bira sea e di 19 of 20 biaha sigui cu coriente ta bay na cierto parti na Aruba. No ta conoci kico ta e motibo awe mainta, pero hecho ta keda cu coriente atrobe, a bay, y definitivamente ta algo diario. Ta depende unda bo biba, cu bo tin e suerte di tin coriente sigui. 

  • Alpina
  • Powered by SETAR