Awe Hulanda ta tende si a logra forma gobierno nobo of no

Awe Hulanda ta tende si a logra forma gobierno nobo of no

Posted on 05/15/2024 7:11 am AST | Updated on 05/15/2024 7:13 am AST

DEN HAAG – Partidonan PVV, VVD, NSC y BBB awe mainta tempran ainda tabata na mesa pa loke tin cu bira e ultimo dia di negosacion pa loke ta formacion di un gobierno nobo. Awe e informadornan van Zwol y Dijkgraaf mester entrega nan relato final di e proceso pa bisa si tin un acuerdo pa forma e gobierno. Si esaki logra, ta nombra un formador cu tin cu busca candidatonan pa minister pa e proximo gabinete. Partidonan tur ta hopi optimista, incluyendo esun mas skeptico, Pieter Omtzigt. Promer cu yega asina leu, mester tin un acuerdo di gobernacion riba liñanan grandi, y tambe un acuerdo riba ken ta bira e formador y e candidato pa prome minister. 

SIGUIENTE PASO

Manera cu Noticiacla a raporta diamars, e nomber di ex informador y ex minister Ronald Plasterk ta zona como e candidato pa bira e formador y tambe proximo minister. E ta e persona cu Geert Wilders a postula pa bira e informador na inicio di e formacion. Plasterk ta bon conoci pa nos islanan ya cu e tabata minister cu cartera di Asuntonan di Reino. E tabatin un ‘beef’ tambe cu e partido actual den oposicion AVP, tempo cu Mike Eman tabata na mando ya cu e ta esun cu, contra deseo di AVP, a postula Alfonso Boekhoudt como gobernador na 2016. NOTA; E potret ta di archivo di ora cu Plasterk a inicia e proceso di informador na december ultimo. 

  • Otro siman na Aruba Van Huffelen lo papia e.o. cu miembronan di e comunidad LGBTQ_+

    Otro siman na Aruba Van Huffelen lo papia e.o. cu miembronan di e comunidad LGBTQ_+

    DEN HAAG/ORANJESTAD –   Secretario di estado Alexandra van Huffelen di Relashonnan den Reino i Digitalisashon ta bishitá Aruba entrante 26 di mei, pero ta cuminsa su bishita dia 27 na Aruba.  Segun espektativa esaki ta pues su último bishita di trabou na e islanan (e ta bishita Bonaire y St Maarten tambe). E bishita ta den kuadro di e Konsulta di Gobernadornan na Aruba, seramentu di un akuerdo atministrativo na Boneiru i apertura ofishal di un proyekto di konstrukshon di bibienda sosial na Saba. Loke ta hala atencion ta cu riba agenda, ta un combersacion cu miembronan di e comunidad LGBTQ+ na Aruba. Y ta net e siman unda cu Corte di Casacion lo duna su veredicto den e caso di matrimonio di mesun sexo na Aruba y Corsou. 

  • Van Huffelen na Noticiacla: Gobierno Hulandes nobo por para e acuerdo nobo cu Aruba, pero no ta kere cu lo sosode

    Van Huffelen na Noticiacla: Gobierno Hulandes nobo por para e acuerdo nobo cu Aruba, pero no ta kere cu lo sosode

    DEN HAAG – Mientras cu Aruba y Hulanda (Gobierno actual) a yega na un acuerdo pa loke ta un Rijkswet pa loke ta nos situacion financiero, tin un gobierno nobo di Hulanda cu ta cla pa cuminsa traha. E pregunta di Noticiacla durante un encuentro cu e mandatario Hulandes diabierna mainta tabata, cu si tin chens cu e gobierno nobo y Tweede Kamer nobo por stroba e acuerdo aki y cancela tur cos. E mandatario Hulandes a bisa cu e posibilidad tey, pero e no ta kere cu esaki lo sosode. 

  • Van Huffelen: Acuerdo cu Aruba pa e Rijkswet financiero ta un bunita momento

    Van Huffelen: Acuerdo cu Aruba pa e Rijkswet financiero ta un bunita momento

    DEN HAAG – Secretario di estado Hulandes Alexandra van Huffelen diabierna mainta tempran a confirma cu e la haya mandato di ministerraad di Hulanda pa firma e acuerdo na nivel di gobierno cu gobierno di Aruba, relaciona cu finanzas publico. Ta trata di e acuerdo cu Noticiacla a publica algun rato prome den forma di primicia, unda cu Aruba y Hulanda ta firma pa traha un rijkswet riba e tema, diferente cu lo mester a bira esun original esta e RAFT. “Ta e prome paso bay traha hunto na un rijkswet” van Huffelen a bisa awe mainta den un momento cu prensa, unda cu Noticiacla tambe tabata participe. 

  • Ministerio di BZK ta establece dos katedra nobo pa Reino

    Ministerio di BZK ta establece dos katedra nobo pa Reino

    DEN HAAG - Ministerio di Asuntunan Interno i Relashonnan den Reino (BZK) ta establesé dos kátedra (puesto di profesor) nobo pa Reino. Ta bin un kátedra politikologia/derecho atministrativo i un kátedra antropologia/sosiologia.

  • Na Hulanda, polis a tira riba cacho di polis durante detencion di homber bruha

    Na Hulanda, polis a tira riba cacho di polis durante detencion di homber bruha

    DALFSEN – Na Hulanda a sosode algo ‘inusual’, ora cu un polis mester a usa su arma reglamentario pa tira riba un cacho di polis durante un detencion di un homber ‘bruha’ na Dalfsen. E cacho a sobrevivi e tiro y a keda opera. Tabata un caso pa arestatie team cu a yega un cas unda cu un homber tabatin un arma hopi grandi. A resulta cu e tabata un arma di aire. Polis a tira riba e homber usando bala special, e asina yama ‘beanbag’, cu ta afecta e sospechoso sin cu e bala ta penetra e curpa di e persona.  Den e accion poco bruha, e cacho di polis a bolter contra e miembronan di arestatie team. E ora e polis a reacciona tirando riba e cacho den forma di defensa. No ta conoci si e manehado di e cacho mes a tira riba su cacho, of si ta otro polis. Pero no ta algo usual cu cacho di polis ta bira contra su ekipo. NOTA: E potret ta uno generico y no ta di e cacho envolvi den e relato adhunto y ta sirbi pa ilustracion solamente. 

  • Diahuebs ta bira conoci ken ta e candidato nobo pa premier di Hulanda

    Diahuebs ta bira conoci ken ta e candidato nobo pa premier di Hulanda

    DEN HAAG – Diahuebs awor ta haya sa na Hulanda ken ta e candidato nobo pa prome minister di e gabinete forma pa partidonan PVV, VVD, BBB y NSC. Esaki lider di PVV, Wilders a laga sa diamars. Manera ta conoci, e candidato anterior Ronald Plasterk a retira su candidatura dialuna debi cu tabatin hopi noticia negativo riba su pasado comercial. Mientras cu e ta considera tur e noticianan falso, esaki no ta bon pa e progreso di e proceso politico pa cual e la retira. Awor mester un candidato nobo. No ta conoci ken esaki por ta aunke e nomber di Kim Mulder ta wordo menciona. Tambe den Tweede Kamer awe durante e debate politico pa trata e acuerdo di coalicion, un di e parlamentarionan a puntra si e presencia di ex minister Henk Kamp den e sala, ta nifica algo special, manera ta un candidato pa e posicion. Riba esey, Wilders a anuncia cu esey ta simplemente cu e tey pasobra e lo tin tempo liber.

  • Powered by SETAR