Sevinger ta dispuesto, pero no sigur si e ta riba lista di AVP pa eleccion otro aña

Sevinger ta dispuesto, pero no sigur si e ta riba lista di AVP pa eleccion otro aña

Posted on 05/15/2024 6:54 am AST | Updated on 05/15/2024 7:01 am AST

ORANJESTAD – Parlamentario y ex minister Benny Sevinger no ta sigur si e ta participa den e eleccion Parlamentario di otro aña. Asina Sevinger a bisa Noticiacla e siman aki. E ta bek den corte, e biaha aki di apelacion, pa bringa su caso y purba logra absolucion total di e cargonan cu tin contra dje den caso Avestruz. Segun Sevinger, e lo bay ‘all the way’ pa cu e caso. Esaki ta nifica cu si dado caso e perde den apelacion tambe, e tin planea pa bay casacion. Y a compronde di dje, cu si tin un sentencia den casacion promek cu eleccion y e no sali liber, obviamente e no ta participa. Pero e ta premira cu pa e ora ey, no tin sentencia ainda. Y manera cu e mes a bisa e portal aki, mientras cu e caso ta den proceso, e por participa den eleccion. 

PERSONALMENTE

Pero personalmente e no a dicidi ainda si e ta participa of no. E ta bisa cu ta keda na partido (AVP:red) si e ta participa atrobe. “Si partido kier, mi ta participa atrobe”, Sevinger a sigui bisa Noticiacla. E decision ey no a cay ainda. Ultimo eleccion aunke cu e tabata envolvi den e caso, e la participa, y a saca su mes. Pues no ta kere cu lo tin problema pa partido bolbe pidie pa participa. Di otro banda, Sevinger a confirma tambe cu su yiu muher ta preparando pa participa y drenta partido y posiblemente bay eleccion. E no por a bisa si esey kier men cu si e yiu participa, e mes ta keda afo, of si bo por haya dos Sevinger riba e mesun partido participando contra otro. 

ULTIMO ELECCION

Ultimo eleccion, den un forma pa mengua e situacion interno di partido, a opta pa laga Sevinger carga e partido, poniendo e riba e ultimo lugar. Asina mes e la logra saca su mes, siendo den KIA e tempo ey. Ora cu parlamentarionan a huramenta e tempo ey, e no por a huramenta, pasobra gobernador a warda pa e ta for di prizon, pa e por a haci esaki.  

  • Cadena hudicial a purba trankilisa comunidad sin contesta pregunta

    Cadena hudicial a purba trankilisa comunidad sin contesta pregunta

    ORANJESTAD – E cadena hudicial diahuebs mainta consistiendo di minister di husticia, Procurador General, Alto Comisario y hefe di seguridad nacional, a purba manda un mensahe conhunto na comunidad relaciona cu e caso lamentable di diadomingo cu a termina cu dos polis tirando y mata un sospechoso di persecucion. E mensahe tabata pa sigura y trankilisa comunidad di Aruba cu e por sinti su mes sigur, y mas pa e temporada di carnaval nos dilanti. Esaki pasobra tin hopi intrankilidad relaciona cu e caso lamentabel di diadomingo ultimo cu a conduci na morto di un hoben, na man di dos agente policial. Manera por a spera, mucho no a wordo logra cu e conferencia, mirando cu e expectativa tabata cu lo a haya cierto contesta riba pregunta relaciona cu e caso. Sinembargo, a usa e momento mas pa e meta di trankilisa comunidad. Algo cu no tabatin mester di un conferencia di prensa asina. 

  • Dominee Hazenoot y mas religioso tabata prome invitado pa ronda consultativo di formadornan Eman y Croes

    Dominee Hazenoot y mas religioso tabata prome invitado pa ronda consultativo di formadornan Eman y Croes

    ORANJESTAD - Dominee Peter Hazenoot hunto cu un grupo di mas religioso tabata parti di e prome grupo di invitado pa ronda consultativo di formadornan Mike Eman y Gerlien Croes diaranson mainta. Manera cu Noticiacla a raporta anteriormente, awe a inicia e reunionan consultativo cu varios gremio y instancia. Y Hazenoot a resulta di ta e prome. “ Sumamente agradecido cu nos, como pastoor y dirigentenan, ta e promenan pa drenta den discusionnan cu e formateurnan pa e proximo gobernacion di e pais Aruba” Hazenoot a laga sa despues di e reunion. “ Laga nos resa pa e proceso aki y e personanan envolvi y responsabel pa e proceso aki” e dominee a finalisa bisando. Potret cortesia Hazenoot Facebook. 

  • Formadornan a inicia cu ronda consultorio cu gremionan pa formacion di gobierno

    Formadornan a inicia cu ronda consultorio cu gremionan pa formacion di gobierno

    ORANJESTAD – Diaranson mainta e formadornan sra. Gerlien Croes y sr. Mike Eman, a informa cu nan lo cuminsa cu nan ronda consultatorio cu diferente gremionan den comunidad. E combersacionnan lo cuminsa awe, 12 di februari, na Fort Zoutman, pa 11or di mainta, y lo continua pa e siman(nan) venidero.  E intencion ta pa na final di cada dia e dos (2) formadornan duna nan declaracion na Prensa over di e combersacionnan hiba di e dia ey.

  • Maduro na Croes: Parlamento tin tur informacion pa trata prespuesto 2025!

    Maduro na Croes: Parlamento tin tur informacion pa trata prespuesto 2025!

    ORANJESTAD – Minister di finanza demisionario Xiomara Maduro a contesta presidente di Parlamento Gerlien Croes dialuna, cu no mester tin ningun excuse pa trata e presupuesto 2025. E la reacciona despues cu siman pasa Croes a indica cu ta wardando riba Gobierno, pa por trata e presupuesto pasobra Gobierno ainda falta pa manda cierto documetonan. For di e contesta di Maduro por compronde cu Gobierno a manda tur cos caba. “Desde siman pasa e contestanan di Gobierno tambe a bay pa Parlamento, pues Presidente di Parlamento tin tur informacion pa asina por yama e reunion publico pa atende cu Presupuesto 2025” Maduro a bisa den un reaccion publico.

  • Tjon: No ta tolera menasa contra cuerpo policial, relaciona cu caso di fin di siman

    Tjon: No ta tolera menasa contra cuerpo policial, relaciona cu caso di fin di siman

    ORANJESTAD – “Nos a tuma nota tambe di menasa nan contra di Cuerpo Policial, y esaki sigur no lo ser tolera” tabata parti di un reaccion dialuna di minister demisionario di husticia Rocco Tjon na Noticiacla riba e caso lamentable di fin di siman unda cu un polis a tira un persona mata durante un persecucion. “ Na prome lugar kier manda palabranan di condolencia y forsa na famia di e fayecido”: e mandatario a cuminsa na bisa Noticiacla. 

  • Parlamentario na presidente di Parlamento: “Bo no por interumpimi durante mi disertacion”!

    Parlamentario na presidente di Parlamento: “Bo no por interumpimi durante mi disertacion”!

    ORANJESTAD – Dialuna mainta a habri cu un confrontacion entre lider di fraccion di partido PPA Otmar Oduber y e presidente di Parlamento Gerlien Croes. Ora cu Oduber tabata hiba su disertacion durante tratamento di presupuesto di Algemene Rekenkamer van Aruba (ARA), e presidente a hala atencion di Oduber mirando cu e lo tabata desviando di e tema y a bay riba e aumento di botter di gas. Aki Oduber a irita y a mustra Croes cu e no por interumpie den un disertacion. Ademas a referi na e hecho cu Croes awor ta forma parti di e siguiente gobierno, cu ta culpable pa e aumento aproba. Esaki pasobra ta e minister actual Geoffrey Wever, cu lo forma parti di e proximo gobierno, ta responsabel pa e aumento. A keda un bay bin chikito entre e dos personanan aki awe mainta. Remarcable ta cu e segmento di e video aki ta poni riba e propio pagina di facebook di Parlamento di Aruba.  

  • Powered by SETAR