Minister Arends: “No lo permiti pa dolor y morto di Khaleesi bay envano”

Minister Arends: “No lo permiti pa dolor y morto di Khaleesi bay envano”

Posted on 04/2/2024 9:47 am AST | Updated on 04/2/2024 10:40 am AST

ORANJESTAD – Un dia despues cu a bira conoci cu e cacho, cu a haya e nomber Khaleesi, a fayece a consecuencia di e maltrato severo cu e la sufri na man di su doño, minister encarga cu e tereno ey, Ursell Arends a reacciona. “Ta sigur cu nos no lo permiti pa e dolor y morto di Khaleesi bai envano” e mandatario a bisa.“Combersacionnan a bin ta tumando luga y nos a ricibi confirmacion cu KPA y OM ta bezig cu e caso” e mandatario a sigui pone riba su pagina di Facebook. Kico exacto mester a compronde bou di ‘combersacionan’ no tabata conoci y esaki tambe a hala hopi atencion. Mientras cu hopi a reacciona positivo riba e noticia aki, cu ‘ta haciendo algo’, e critica tabata cu no tin nada di ‘combersa’, sino simplemente actua y cu esaki kier men, detene e persona en cuestion, y dun’e su castigo mereci, kico cu esaki por ta.

Hopi tabata e critica riba e falta di actuacion di autoridad, siendo cu tin un ley di cacho cu ta stipula kico por haci bou di cosnan asina. Sinembargo, tin tambe un ley di porvenir di bestia, cu ta trahando ariba manera cu e minister a raporta recientemente tambe. Lo mester keda pendiente pa wak kico ta sali di e caso aki y si enberdad lo actua contra di e individuo aki y ki tipo di castigo e lo haya. 

  • A prolonga ciere di frontera cu Venezuela cu cuater luna mas

    A prolonga ciere di frontera cu Venezuela cu cuater luna mas

    ORANJESTAD – Ora cu a kere cu awor si ta bay habri frontera cu Venezuela pa e parti maritime, manera tabata indica, dialuna anochi gobierno di Aruba a informa cu un biaha mas ta prolonga e ciere di frontera cu Venezuela, te por lo menos augustus di e aña aki. Frontera cu Venezuela ta cera desde aña 2019, na momento cu Gobierno di Venezuela a cera e frontera unilateralmente. Na mei di 2023 a habri e frontera maritimo basa riba palabracionnan haci entre autoridadnan di Aruba y autoridadnan di Venezuela. 

  • Croes: Ta bay organisa un jobfair pa 45+ y penshonadonan

    Croes: Ta bay organisa un jobfair pa 45+ y penshonadonan

    ORANJESTAD - Minister Glenbert Croes a anuncia cu pronto lo bay organisa un Jobfair specialmente pa pensionado y esnan di 45+. E categoria di edad aki unda tur comerciante y gremionan, hunto cu departamentonan di Labor esta DAO y DPL lo ta presente pa asisti y intermedia unda ta necesario.

  • Croes: Aruba mester di 9000 trahado e aña aki pa hotelnan nobo!

    Croes: Aruba mester di 9000 trahado e aña aki pa hotelnan nobo!

    ORANJESTAD – Un declaracion cu minister di Labor Glenbert Croes a haci dialuna atardi via un comunicado di dje, a hala atencion den dialuna atardi relaciona cu e tema di labor den sector hotelero. Esaki pasobra e la declara den e comunicado textualmente cu ‘manera ya ta conoci, e aña aki lo tin 3000 camber di hotel adicional ta habri’. Pero e declaracion cu mas a hala atencion ta e hecho cu segun e mandatario “  Ta bay tin mester di por lo menos 9000 trahado pa e hotelnan aki por opera y duna e servicio optimal cu nan ta desea”. Esey tambe ta un citado directo di e comunicado. Y e mandatario ta cita ‘ segun indicacion inicial’. Mester bisa si mesora cu e base di e comunicado tabata pa anuncia cu ta bay tin un job fair pa pensionado y persona di 45+. Y ta den e comunicado, e informacion ariba menciona ta aparece tambe. 

  • Figaroa: Proximo gobierno mester consisti di solamente vakministers

    Figaroa: Proximo gobierno mester consisti di solamente vakministers

    ORANJESTAD – E lider politico hoben di e partido politico Direccion Politiea Leonardo Figaroa , ta pensa cu den e proximo gobierno, e lidernan politico di e partidonan den coalicion no mester bira minister sino bay den Parlamento. Y mester forma e gobierno cu solamente 7 minister y tur mester ta vakminister, esta no politico. Cu esaki, Leonardo ta pensa cu mester ‘kibra tradicion’. 

  • Minister na Merca ta lobby cu banconan pa fia 160 miyon dollar

    Minister na Merca ta lobby cu banconan pa fia 160 miyon dollar

    WASHINGTON – Minister di finanza di Aruba Xiomara Maduro a cuminsa lobby cu varios banco Mericano e siman aki, pa logra haya un fiansa di 160 miyon dollar. E mandatario a confirma cu e ta na Merca pa ‘atende e IMF Spring Meetings na Washington DC’, unda cu e ta ‘probecha pa reuni cu diferente banco pa por haci e preparacionnan necesario pa Aruba por subi mercado internacional pa por cubri e necesidad financiero di Aruba’. Algun di e banconan cu e mandatario a lobby cu ne pa purba haya fianza, ta  JP Morgan, Standard Charter, Citi Group y Santander. Durante e lobbymento, e tin cu convence e institutonan financiero di tur loke ta pasa na Aruba y pa prueba cu Aruba tin un ‘stabilidad financiero cu ta brinda e confiansa na inversionista’. Segun e mandatario, e ta un suma cu ta wordo ‘refinancia’ di e debenan internacional existente cu ta madura. ‘ Como ta refinancia, esaki no lo crece e debe di Pais Aruba’, e mandatario a sigura bisando. 

  • Wever: Fin di di dos cuartaal 2024, centro di Oranjestad ta haya mas luz

    Wever: Fin di di dos cuartaal 2024, centro di Oranjestad ta haya mas luz

    ORANJESTAD - Despues di e instalacion inicial di 50 luz aña pasa, ta intensifica e esfuerso pa mehora e visibilidad y seguridad den nos centro di ciudad cu instalacion di 100 palo di luz adicional nobo den nos centro di ciudad. E proyecto aki ta parti di e strategia holistico di revitalisacion di Oranjestad pa crea un ambiente mas sigur y atractivo pa tur su habitantenan, bishitantenan y empresarionan.

  • Zulo
  • Varadero
  • Alpina
  • Powered by SETAR