A.T.A: Por spera cifranan prometedor pa turismo den prome cuartaal di 2024

Posted on 03/28/2024 9:34 am AST | Updated on 03/28/2024 9:35 am AST

ORANJESTAD - Den e prome kwartaal di 2024, por spera cifranan prometedor y solido pa turismo como e pilar di entrada primordial y di suma importancia pa economía di Aruba. Asina e oficina di turismo di Aruba ATA ta raporta diahuebs. A.T.A. ta pone hopi enfasis riba e modelo di “High Value-Low Impact” cu ta para pa un balans entre cuater pilar cu ta e ‘Calidad di Bida di e residente’, ‘Calidad di Experiencia di e Bishitante’, Proteccion y Preservacion di Naturalesa & Medio Ambiente, y Contribucion Economico di e Sector Turistico’.

E meta ta pa sigui mantene esfuerzonan den linea segun e balans menciona, y logra aumenta e entrada proporcionalmente mas cu e volumen cu nos destinacion ta ricibi. Capacidad di carga tambe ta sigui ricibi atencion di parti di A.T.A. di diferente manera.

VOLUMEN (“STAYOVER”) TA CRECE CU 20.7% DEN FEBRUARI 2024 COMPARA CU FEBRUARI 2023

E demanda pa Aruba ta sigui ta sumamente fuerte! Y ta sigui surpasa expectativa. Conforme e demanda por mira tambe con aerolineanan a sigui expande capacidad Aruba y asina permitiendo nos captura e demanda halto. Te cu februari 2024, Aruba a ricibi un total di 241,343 bishitante “stayover”, esaki ta un crecemento di 20.7%, compara cu te cu februari 2023, unda a ricibi 199,942 bishitante “stayover”.

ENTRADA (“TOURISM CREDITS”)

Ta midi entrada, es decir e ‘calidad’ di bishitante’, na diferente manera. Entre otro locual bishitantenan ta dispuesto pa paga pa un anochi di estadia y entre otro pa medio di Tourism Credits registra pa Banco Central di Aruba. Den Q3 di 2023, Tourism Credits a aumenta cu 3% si compara e mesun periodo na 2022. Den e periodo di Q1 te cu Q3 di 2023, Tourism Credits a aumenta cu 13% si compara mesun periodo na 2022. Pronto A.T.A. lo ricibi estadistica defini pa por raporta ‘Tourism Credits’ di Q4 di 2023 compara cu Q4 di 2022. Den 2024 lo continua cu comparacion di cifranan di ‘Tourism Credit’ cu 2023. A base di analysis di A.T.A., por spera di sera 2023 cu un subida di 34% compara cu 2019.

AVERAHE DI PATRONCHI DI GASTO PA CADA BISHITANTE DEN 2023

Visa Credit card su averahe den gasto pa cada cardholder a yega na un suma di $690 den 2023. Si mira entrada general di VISA por nota un crecemento di 13.8% compara cu aña 2022.

MERCADONAN Y CATEGORIANAN DI ACOMODACION

Den februari 2024, 81.3% di e total di e bishitantenan “stayover” pa Aruba a bishita for di Norte America, 5.1% a bishita for di Europa, 11.4% a bishita for di Latino America y 2.2% tawata procedente di otro partinan di mundo. Mirando e categorianan di acomodacion, den januari 2024 19.1% di bishitante a keda den hotelnan European Plan, 14.2% a keda den hotelnan All-Inclusive, 30.7% a keda den Timeshare y 36% a keda den otro tipo di acomodacion, conoci tambe como short-term vacation rentals (STVR).

SHORT-TERM VACATION RENTALS

A.T.A. tin acceso na un plataforma unda por wak e cantidad di cas, apartamento y villas cu ta wordo uza como vacation rentals como tambe e prijs averahe pa anochi, e ocupacion y un calculacion di e entrada cu esakinan ta genera. Den 2023, segun un estudio, A.T.A. a logra actualisa inventario di Condominiums existente y condominiums cu actualmente ta na caminda pa realisacion, y lista actualisa di lugar di estadia cu no ta un hotel pero cu si ta disponibel na e turista cu ta keda na Aruba pa un corto tempo.

Si compara februari 2024 cu februari 2023 por wak cu e ocupacion averahe di e acomodacionnan aki a subi cu 6.6 punto di porcentahe, for di un averahe di 71.6% na februari 2023 pa un averahe di 78.2% na februari 2024.

Den caso di entrada, si compara febuari 2023 cu februari 2024 por wak cu e categoria a genera un crecemento den entrada di 16%.

Segun Camara di Comercio, mas di 3.600 Venezolano a participa den negoshi na Aruba
ORANJESTAD – Casi 4000 Venezolano ta participa den negoshinan na Aruba, a lanta un negoshi y of a y ta forma parti di nan hunta di directiva. Asina Camara di Comercio a informa for di informacion ricibi di investigadornan cu a presenta un informe riba consecuencia economico di e migracion Venezolano na Aruba, e portal Venezolano La Patilla ta informa diasabra. E documento, tituola ‘Estudio di impacto di migracion Venezolano na Aruba’ y tabata pa wak e realidad vs potencial, y ta establece ademas cu e negoshinan aki a sirbi pa canalisa mas di 1.1 biyon di dollar na Aruba durante ultimo 20 aña. E compania Equilibrium a haci e investigacion, bou auspicial di Suecia, E orgamnisacion internacional pa Migracion Di Nacionan Uni, y e Cámara di Empresario , Ehecutivo Venezolano den exterior (Cavex).
Mas Economia
Lesa Mas
Conforme Tripadvisor, Aruba tin 3 hotel den top 25 di hotel den Caribe
ORANJESTAD – Un total di 3 hotel di Aruba ta figura den e top 25 di hotelnan den Caribe segun e compania Tripadvisor. Esaki ta e lista annual cu ta figura hotelnan den Caribe cu su miembronan a scohe durante e ultimo aña. E ta figura 25 hotel den region, incluyendo Jamaica, Aruba, Turks and Caicos, y Antigua y Barbuda, djis pa menciona algun. E Plataforma considera como esun mas grandi di biahe, a revela cu biaheronan rond di mundo a dicidi cu Iberostar Grand Packard ta na favorido di e aña aki den e region.
Mas Economia
Lesa Mas
Travel& Leisure: Aruba ta top lista di 10 resortnan all-inclusive den Caribe
ORANJESTAD – Danki na un di e hotelnan all-inclusive na Aruba, nos isla ta na prome lugar di e top 10 di miho All-inclusive resorts pa famia den Caribe. Por lo menos segun e portal Travel & Leisure. Ta trata di e resort Tamarijn Aruba. Segun e articulo en cuestion, loke ta haci e diferencia den e destinacionan Caribense, ‘ta e abundancia di resortnan increibel all-inclusive’. E ta un forma perfecto pa famia por disfruta. Y ta describi tur e loke e turista por goza di dje. Mester bisa cu e resultado di e top 10 ta basa riba experiencia personal di e escritor di e portal turistico.
Mas Economia
Lesa Mas
KVK: Mayoria compania ta pensa cu e scarsedad di trahado lo empeora
ORANJESTAD – Mayoria compania ta pensa cu e scarsedad di trahado na Aruba lo empeora. Asina Camara di Comercio ta raporta diaranson.
Mas Economia
Lesa Mas
Mas turista Colombiano ta biahando pa Corsou envez di Aruba den 2024
BOGOTA – Mas turista Colombiano a bay Corsou envez di Aruba. Asina presidente ehecutivo di Asociación Colombiana de Agencias de Viajes y Turismo, (ANATO), Paula Cortés Calle ta raporta segun un raportahe di e portal Colombiano El Nuevo Siglo ta raporta. Mientras cu paisnan manera Merca, Spaña, Panama y Republica Dominicano ta conta pa 69% di e Colombianonan cu ta biaha pa exterior, e pais cu mas crecemento ta Corsou cu 157% di participacion, compara cu Aruba cu tin ‘apenas’ 63%. Hasta Hulanda tin mas trafico di Colombia, na 81%. Pero ta sigui Aruba cu 47% y Panama cu 44%. Segun ANATO, e prome trimester di 2024, 1.345.687 Colombiano a biaha pa exterior, cu ta un aumento di 13%, compara cu e mesun periodo aña pasa. “E resultadonan positivo aki ta refleha e recuperacion di turismo saliente, cu ta beneficia e industria relaciona, den e area, hotel y restaurant, entre otro” Cortés Calle a finalisa bisando.
Mas Economia
Lesa Mas
Pa aña 2024 y 2025, ATIA lo enfoca mas riba e tema laboral
ORANJESTAD - Diabierna 19 di april 2024, Aruba Trade and Industry Association (ATIA) a tene su reuniun general di miembrecia den e sala di conferencia di ATIA.
Mas Economia
Lesa Mas