WILLEMSTAD – Despues di kasi 2 aña ku DMO (Down Town Management) i SKO (Sosiedat di Komersiantenan di Otrobanda) a gana destaho públiko pa por bai manehá parkermentu den sentro di siudat, ayera a yega asina leu ku minister Charles Cooper a anunsiá ku el a firma ku Willemstad Parkeerbeheer un akuerdo pa maneho di parkermentu den Punda i Otrobanda. Minister Cooper a indiká ku Willemstad Parkeerbeheer ta kombinashon di DMO i SKO. Willemstad Parkeer Beheer lo traha huntu ku Securitas BV i Flowbird SAS pa realisá esaki i ta spera di ta operashonal mas tardá den 5 luna.
E intenshon ta pa bin ku un sistema di parkermentu lo ta unu moderno, esta “smart”. Meta di e dos organisashonnan aki ta ku loke nan haña di parker, por invertí bèk den sentro di siudat. Ademas nan lo ta mas transparente i pa gobièrnu haña su sèn. Loke ku bai pa e organisashon ta bai bèk den sentro di siudat pa hasié mas bunita, dor di drecha kosnan. Pasobra gobièrnu no tin sèn pa hasi nada. Nan a anunsiá di lo no bai usa hopi mashin pa parker, sino e sistema di parker lo bira “smart” manera mundialmente e ta awor aki. E organisashonnan ke pa sentro di siudat bira un “smart city” dor di ke pone internèt den Punda i Otrobanda. Lo tin wifi den Punda i Otrobanda. Ora ta bai parker ta bai riba e sistema i paga pa parker. Bo mes ta buska e lugá di stashoná outo. No mester di mashin pa pone sèn i kada biaha kore bai na mashin pa pone sèn den dje. Esnan ku no por traha ku e sistema “smart” lo tin algun mashin pa por tira sèn. Pasombra e intenshon ta pa bai kompletamente “cash less” ku parkermentu den Punda i Otrobanda. Tambe a pensa riba turistanan ku no tin sèn riba telefòn pa por parker via dje sistema ku nan por kumpra un karchi den tienda. Asina e sistema ta bira agradabel i fásil pa tur hende bai shòp den Punda i Otrobanda. E sistema “smart” ta manera rònt mundu. Hasta si wifi no traha, ainda por konektá ku e sistema di parking. E organisashonnan ke logra un sentro di siudat moderno i ku no duna hende dolor di kabes. Pues e manera ku nan ke hasié ta mas fásil i no difísil pa hendenan. Pues pronto lo kuminsá kobra pa parker den sentro di siudat atrobe. NOTA: Texto ta scirbi na Papiamento fonetico di Corsou.
WILLEMSTAD – Mientras cu e biaha aki tabatin 12 condecoracion mas cu aña pasa (42 compara cu 30 aña pasa) riba e islanan di Reino Hulandes, e isla tin hopi mas hende y den tamaño tambe ta cuater biaha mas grandi cu Aruba, Corsou tabatin ‘apenas’ 8 ciudadano cu a haya Condecoracion Real, compara cu Aruba, cu a haya 18. Na Hulanda tabatin 3333 persona cu a haya condecoracion.
CARACAS – E plannan pa activa e ruta di ferry entre La Vela de Coro y isla di Corsou, ta sigui, pero tin un retraso temporal den su ehecucion. Asina e representante di e empresa Caribbean Fast Ferry, Iliana Martínez, a declara diahuebs na e portal El Nuevo Dia. E empresa a cuminsa cu e construccion di e waf y terminal na e zona franca di Corsou, pero un restructuracion di e empresa Hulandes a alarga e culminacion di e trabou. No obstante esey, ta premira cu pa e di tres of cuater trimester di e aña, ta inaugural e ferry. Martínez a splica cu e disposicion di e waf na e boca di Santa Ana a keda estableci pa probecha e bentaha di e mercado y cu ambos pais lo beneficia. E intencion ta pa compete cu e prijsnan di Panama. A splica cu ora cu caba completa e prome fase, cu ta construccion di e haf, lo sigui e proceso di permisonan necesario. E di tres fase lo ta pa eleva Parlamento di Corsou pa e apertura di mobilisacion di e pasaheronan. Ta premira cu e intencion ta pa e ferry transporta 86 pasahero. E intencion di e prome fase ta pa transporta solamente pawsahero, sin auto, pa despues tambe inclui auto. E intencion ta pa permiti turistanan Hulandes, cu ta bin pa temporada largo, pa duna nan e posibilidad pa bishita Venezuela asina tambe.
WILLEMSTAD - Minister di enseñansa sr. Sithree van Heydoonr a manda karta pa parlamento kaminda e ta pidi un reunion di komishon sentral pa por deliberá riba periodo di kalor na skol.
WILLEMSTAD - Ultimo añanan tras di lomba a traha duru riba kòntraktnan nobo pa e unidatnan aéreo pa Wardakosta Karibe Hulandes. Meta di a sera e kòntraktnan aki ta un provedor di servisio konfiabel pa Wardakosta i unidatnan aéreo moderno, ekipá ku hèrmèntnan teknológiko ku ta yuda den ehekushon di e tareanan di Wardakosta.
WILLEMSTAD - Apesar ku asuntu di refugiado ta keda un responsabilidat outónomo di kada pais den Reino, gobièrnu Hulandes ta dispuesto pa yuda Kòrsou, Aruba i St. Maarten ku ayudo tékniko den kaso ku pidi pa esaki. Gobièrnu Hulandes ta enfatisá sinembargo ku ta importante ku ta habri diálogo ku organisashonnan no gubernamental pa optimalisá kolaborashon.
WILLEMSTAD - Diesocho instituto di enseñansa i konosementu di e parti karibense di Reino i Hulanda ta bai sigui strukturá i intensivá nan koperashon riba tereno di enseñansa, investigashon i siensia. Asina por ehèmpel nan kier bai desaroyá entre otro programanan di enseñansa konhuntamente. E kolaborashon speshal ta resultado di e mishon di konosementu den e área karibense bou di liderazgo di minister Dijkgraaf (Enseñansa, Kultura i Siensia). Djabièrnè último a klousurá esei na Kòrsou.