- Croes: Gabinete anterior ta post video bunita, pero no a cumpli cu acuerdo cu Hulanda
- Varadero Aruba Acquires Largest Hydraulic Boat Lift Trailer in the ABC Islands
- Camara di Comercio ta sigura cu nan ta para pa tur sector di Aruba
- Na Corsou, a duna Condecoracion Real na 12 ciudadano
- Kloknan di misa catolico na Aruba a zona diabierna merdia na honor di Papa Francisco
Hefe di ekipo di careda di auto pa Red Bull exonera di conducta sexual inapropia
BAHRAIN – E hefe di ekipo di careda di auto pa Red Bull Racing- Christian Horner a keda exonera di conducta sexual inapropia. Asina un vocero di e oficina principal di Red Bull na Austria a confirma diaranson. E supuesto victima, un trahado femenino na e empresa, por apela e decision aki si. “E investigacion independiente na e keho contra Horner ta completa y Red Bull por confirma cu e keho a wordo rechasa” e declaracion oficial ta bisa. “Red Bull tin confiansa cu e investigacion tabata honesto, rigoroso y imparcial”. Red Bull ta e ekipo di e campeon mundial pa tres biaha caba di F1, e Hulandes Max Verstappen. Tur cos ta mustra cu e aña aki, Verstappen por sigui cu su racha di victoria, aunke e ekipo di Ferrari y Mercedes ta su tras pa kita e titulo e aña aki. E coredo pa Mercedes, e campeon mundial pa 7 biaha, Lewis Hamilton ta bay pa Ferrari na final di e temporada aki, lagando Mercedes Benz cu un bashi.
HORNER PA BAHRAIN
Horner mientrastanto a subi avion direccion pa Bahrain, unda cu e prome careda di temporada pa Formula Uno (F1) ta inicia e fin di siman aki.
Ex-presidente di Brazil encarcela pa corupcion y labamento di placa
BRASILIA - Ex presidente Brasileño Fernando Collor de Mello a wordo deteni awe. Corte Supremo a dicta ayera cu mesora e mester cuminsa sinta su castigo di prizon pendiente pa motibo di corupcion.
Hefe di OTAN Rutte ta bishita Washington na momento delicado
WASHINGTON - Hefe di OTAN, Mark Rutte, lo bolbe bishita Washington awe y mañan. Boseronan di e aliansa militar ta tratando di minimisa e bishita: Nan ta bisa cu e tey pa prepara pa e cumbre na Den Haag na fin di juni. Pero e bishita di e secretario general ta bin na un momento sumamente sensitivo, cu Merca cada bes mas ta pone na prueba e unidad di OTAN.
Publico ta despedi di Papa Francisco, curpa hiba San Pedro
CIUDAD VATICANO - E curpa di Papa Francisco a wordo traslada awe mainta for di Casa Santa Marta pa San Pedro. For di 11’or en adelante, ken cu ta desea por cana pasa banda di e caha di morto pa despedi. Prome cu e portanan a habri, ya tabatin un liña largo di hende ta warda riba e plaza.
Minister Wever a reuni cu yiu di Corsou director ehecutivo di World Bank Rhuggenaath na Washington
WASHINGTON - Awe e delegacion di Aruba presidi pa minister di finanza Geoffrey Wever, tabata tin e placer di reuni cu Sr. Eugene Rhuggenaath, Executive Director di World Bank na Washington D.C. “Mi kier a gradici Sr. Rhuggenaath pa su disponibilidad y pa ta habri pa pensa hunto cu e islanan den region y explora manera pa amplia uzo di e recursonan cu World Bank tin disponibel” Wever a bisa bevemente. Segun e mandatario di Aruba, ta un placer pa mira un ciudadano di nos hermana isla Corsou cu a yega asina leu riba e scenario profesional internacionalmente!.
IMF: Expectativanan di crecemento economico revisa fuertemente
NEW YORK - E guera comercial di Donald Trump ta poniendo un presion pisa riba crecemento economico mundial. Esaki ta wordo pronostica door di Fondo Monetario Internacional (IMF), cu tambe a bira mas pesimista riba e perspectivanan di crecemento pa Hulanda. E organisacion di stabilidad financiero di Nashonnan Uni ta papia di un “era nobo” pa e sistema economico mundial. Toch mundo no ta bay den direccion di un resecion segun IMF. Tambe ta anticipa cu e aumento di inflacion lo keda limita.
Exposicion pa conmemora 20 aña di desaparicion y morto di Natalee Holloway na Merca
PIGEON FORGE - Alcatraz East Crime Museum na Pigeon Forge, TN, a habri un exposicion temporal nobo dia 18 di april 2025, titula “International Journey to Justice: Catching Natalee Holloway’s Killer” pa konmemorá e di 20 aniversario di su desaparicion y morto. E exposicion ta enfoca riba e caso di Natalee Holloway, kende a desaparece durante un biahe di graduacion di scol secundario na Aruba. E ta conta ku artefactonan original, incluyendo recuerdonan di bida di Holloway, un bisti cu ela bisti na un baile di skol,y poesia original scirbi pa su persona.
Follow NoticiaCla
