Van Huffelen na Tweede Kamer: Combersacionan riba RAFt ta bayendo dificil

Van Huffelen na Tweede Kamer: Combersacionan riba RAFt ta bayendo dificil

Posted on 02/9/2024 3:47 pm AST | Updated on 02/9/2024 3:49 pm AST

ORANJESTAD – Combersacionan cu Aruba riba e tema di RAFT ta bayendo hopi dificil (heel stroef, ta e palabra cu e secretario di estado Hulandes Alexandra van Huffelen a usa na Hulandes:red). Asina e mandatario a bisa den e debate cu a tuma lugar diahuebs atardi ora di Hulanda. E debate tabata cu e miembronan nobo di Tweede Kamer cu a keda eligi na November aña pasa. E mandatario a recorda e miembronan nobo cu e ta siguiendo e mocion di e miembronan anterior cu a exigi condicionan pa cu Aruba pa cu e pago di debe di Covid. Algo cu segun e mandatario, gobierno Hulandes a sostene. 

RIJKSWET

E tema a bolbe bin dilanti, unda cu e mandatario a splica e miembronan nobo cu di parti di Aruba ‘ainda’ nan no ta convenci cu e supervision financiero mester bin via un ley di Reino, enbez di un ley local, esta un landsverordening. “E discusion a tuma lugar y na dado momento tabatin tononan basta fuerte di ambos, of un banda, y cu no ta haci nos (Hulanda) mucho contento”, e mandatario a bisa. Segun e mandatario, e ‘desgracia’ no ta asina tanto den palabranan fuerte cu ta cay di ambos, of un banda, sino cu e conclusion di e discusion aki ta cu Aruba ta pagando un interes hopi halto, cu de facto placa di pueblo ta pagando. “Placa cu ta monta na centenares di miyones y esey ta un caso serio”, e mandatario a sigui bisa.

BISHITA

E mandatario a bisa cu fin di e luna aki pa comienso di otro luna, e mandatario lo bishita e.o. Aruba (Corsou y St Maarten) y spera cu e por haya un acuerdo cu Aruba. Prome cu esey, premier di Aruba mes lo ta na Hulanda tambe durante cual e ta spera di por tin un combersacion solido riba esaki pa haya otro riba e tema aki. E la sigura cu tanto Aruba como Hulanda a adkeri conseho huridico riba e tema aki y lo trata esaki tambe durante e combersacionan. Tambe lo toca e parti di sugerencia di Aruba esta un concepto hybride, esta un concepto di ley cu ta mitar ancra segun ley di Reino y mitar den un forma di landsverordening, esta un ley local. Por scucha e parti aki di e debate, AKI. Mientastanto pa e debate completo por click AKI

  • Van Huffelen convenci cu gezaghebber nobo di Bonaire lo conecta comunidad cu otro

    Van Huffelen convenci cu gezaghebber nobo di Bonaire lo conecta comunidad cu otro

    DEN HAAG – Secretario di estado Alexandra van Huffelen ta convenci cu Bonaire ta haya un gezaghebber cu por conecta e comunidad cu otro. Asina e la bisa diabierna mainta despues cu a keda formalmente anuncia cu John Soliano ta bira e proximo Gezaghebber di Bonaire. 

  • PVV no ta garantisa continuacion di maneho di van Huffelen pa cu asuntonan di Reino

    PVV no ta garantisa continuacion di maneho di van Huffelen pa cu asuntonan di Reino

    WILLEMSTAD - Awor ku ta partido PVV ta bai nombra e sekretario di estado nobo pa Relashonnan den Reino un bientu di kambio lo supla den e departamento i den e partinan di Reino den Karibe, tantu na Islanan Ariba (“bovenwindse eilanden”) komo Islanan ABC (“benedenwindse eilanden”). Asina parlamentario pa PVV Peter van Haasen a bisa durante reunion di komishon fiho di Tweede Kamer Hulandes ku sekretario di estado Alexandra van Huffelen.

  • Ministerio Publico a exigi 3 aña di castigo di prizon contra rapper Ali B.

    Ministerio Publico a exigi 3 aña di castigo di prizon contra rapper Ali B.

    AMSTERDAM – Ministerio Publico na Hulanda a exigi 3 aña di castigo di prizon incondicional pa e rapper Hulandes Ali B. diabierna. E ta acusa di por lo menos 2 violacion di 3 hende muher. Segun OM, nan ta sigura di tin prueba palpable di e cargonan. E actonan lo a tuma lugar durante tempo cu e rapper tabata hurado den e programa The Voice na 2018.   

  • Asesino di Peter de Vries ta resulta di ta desenciente Arubiano

    Asesino di Peter de Vries ta resulta di ta desenciente Arubiano

    WILLEMSTAD – Manera ta conoci, ayera korte di promé instansia a dikta sentensia den e kaso asesinato di e periodista hulandes Peter R. de Vries. El a keda asesiná na yüni 2022. Den e kaso aki tin kuater hòmber kurasoleño i tambe unu desendiente di Aruba. En total ta 9 akusado ta dilanti di korte pa e kaso aki i nan tabatin vários ròl durante di e asesinato. Dos hòmber di Kòrsou a keda apsolvé di e kaso, pasobra nan no tin sufisiente prueba ku nan ta envolví den e asesinato di e periodista hulandes ku a shòk komunidat di Hulanda i aki na Kòrsou tambe. Un dje hòmbernan kurasoleño ku a keda apsolvé di tur kulpa den e kaso aki, a keda detené na Kòrsou tambe despues dje asesinato.

  • Hulanda trahando riba ley pa minister por e.o. condiciona prijs maximo di pasashi pa islanan BES

    Hulanda trahando riba ley pa minister por e.o. condiciona prijs maximo di pasashi pa islanan BES

    DEN HAAG - Ministerio di Infrastruktura i Maneho di Awa (IenW) ta preparando un kambio di e Lei di Aviashon BES. E kambio akí ta krea un base legal pa institushon dí un obligashon di servisio públiko riba sierto ruta aéreo. Te ku 26 di yüli tur hende por reakshoná riba e proposishon di lei. 

  • Practicamente tur nomber di e gabinete nobo di Hulanda Schoof ta conoci

    Practicamente tur nomber di e gabinete nobo di Hulanda Schoof ta conoci

    DEN HAAG – E formacion di e gabinete Hulandes nobo Schoof ta practicamente conoci. Den e ultimo fase, por tin cambio obviamente, pero e nombernan ta grandemente conoci di ken tur lo ocupa e funcionan di minister y secretario di estado. Mas prome, noticiacla a relata specificamente riba esun cu ta bay reemplasa e secretario di estado actual pa asuntonan di Reino, Alexandra van Huffelen.  

  • Powered by SETAR