Van Huffelen na Tweede Kamer: Combersacionan riba RAFt ta bayendo dificil

Van Huffelen na Tweede Kamer: Combersacionan riba RAFt ta bayendo dificil

Posted on 02/9/2024 3:47 pm AST | Updated on 02/9/2024 3:49 pm AST

ORANJESTAD – Combersacionan cu Aruba riba e tema di RAFT ta bayendo hopi dificil (heel stroef, ta e palabra cu e secretario di estado Hulandes Alexandra van Huffelen a usa na Hulandes:red). Asina e mandatario a bisa den e debate cu a tuma lugar diahuebs atardi ora di Hulanda. E debate tabata cu e miembronan nobo di Tweede Kamer cu a keda eligi na November aña pasa. E mandatario a recorda e miembronan nobo cu e ta siguiendo e mocion di e miembronan anterior cu a exigi condicionan pa cu Aruba pa cu e pago di debe di Covid. Algo cu segun e mandatario, gobierno Hulandes a sostene. 

RIJKSWET

E tema a bolbe bin dilanti, unda cu e mandatario a splica e miembronan nobo cu di parti di Aruba ‘ainda’ nan no ta convenci cu e supervision financiero mester bin via un ley di Reino, enbez di un ley local, esta un landsverordening. “E discusion a tuma lugar y na dado momento tabatin tononan basta fuerte di ambos, of un banda, y cu no ta haci nos (Hulanda) mucho contento”, e mandatario a bisa. Segun e mandatario, e ‘desgracia’ no ta asina tanto den palabranan fuerte cu ta cay di ambos, of un banda, sino cu e conclusion di e discusion aki ta cu Aruba ta pagando un interes hopi halto, cu de facto placa di pueblo ta pagando. “Placa cu ta monta na centenares di miyones y esey ta un caso serio”, e mandatario a sigui bisa.

BISHITA

E mandatario a bisa cu fin di e luna aki pa comienso di otro luna, e mandatario lo bishita e.o. Aruba (Corsou y St Maarten) y spera cu e por haya un acuerdo cu Aruba. Prome cu esey, premier di Aruba mes lo ta na Hulanda tambe durante cual e ta spera di por tin un combersacion solido riba esaki pa haya otro riba e tema aki. E la sigura cu tanto Aruba como Hulanda a adkeri conseho huridico riba e tema aki y lo trata esaki tambe durante e combersacionan. Tambe lo toca e parti di sugerencia di Aruba esta un concepto hybride, esta un concepto di ley cu ta mitar ancra segun ley di Reino y mitar den un forma di landsverordening, esta un ley local. Por scucha e parti aki di e debate, AKI. Mientastanto pa e debate completo por click AKI

  • Sospechoso di asesinato di rapper Bigidagoe, deteni na aeropuerto na Paris

    Sospechoso di asesinato di rapper Bigidagoe, deteni na aeropuerto na Paris

    PARIS – Riba e aeropuerto di Paris, autoridad a detene e homber Hulandes di Amsterdam, relaciona cu e asesinato diadomingo marduga di e conocido rapper Bigidagoe, di cual su nomber oficial ta Danzel Siols (26). E sospechoso tabata apunto di biaha pa Guyana Frances. Bigidagoe a bay un fiesta diasabra anochi cu amigonan na un adres na Hulanda. Despues di e fiesta e kier a bay cas y riba e tereno di parkeer, e la wordo tira mata. Na hospital un rato despues e la fayece. E homber sospechoso, a keda entrega na autoridad Hulandes. 

  • Van Huffelen na Tweede Kamer: Aruba mes a acorda RAFT, y despues ‘hala atras’

    Van Huffelen na Tweede Kamer: Aruba mes a acorda RAFT, y despues ‘hala atras’

    DEN HAAG –A base di un serie di pregunta di por lo menos 3 diferente partido Hulandes di Tweede Kamer riba e tema na e secretario di estado Hulandes van Huffelen, e mandatario Hulandes awe (diamars) a bolbe confirma cu Aruba mes a acorda e ley di Reino pa supervision na 2020 y despues a hala atras. E preguntanan tabata a base di contesta cu e mandatario Hulandes a duna riba otro pregunta riba e supervision financiero, den luna di December di aña pasa. Y ni maske con e preguntanan tabata formula, van Huffelen a para ariba cu e no ta cambia di opinion, y cu sin un Ley di Reino, no tin acuerdo pa interes mas abou.  E partidonan cu a haci pregunta tabata entre otro Groenlinks/PvdA, ChristenUnie, y Partij voor de Dieren PvdD. 

  • Secretario di Estado Van Huffelen ta bay foro di LGO na Bruselas

    Secretario di Estado Van Huffelen ta bay foro di LGO na Bruselas

    BRUSELAS - Sekretario di Estado Alexandra van Huffelen di Relashon di Reino i Digitalisashon lo partisipá riba djaweps 29 di febrüari, na e reunion di nivel haltu di e Foro pa Pais i Teritorio di Ultramar (Landen en Gebieden overzee, LGO) na Bruselas.

  • Na Hulanda, gran parti di scol primario y secundario ta malo den ‘rekenen’

    Na Hulanda, gran parti di scol primario y secundario ta malo den ‘rekenen’

    AMSTERDAM – Un gran parti di alumonan secundario di scolnan primario na Hulanda ta malo den rekenen y wiskunde. Esey ta e resultado di un investigacion di inspeccion di enseñansa. Debi na e deficiencia tin e pregunta si nan lo por alcansa e nivel legalmente pidi, na final di e scol secundario.  Alumnonan den nivel di VMBO ta bou di e nivel rekeri. Mas cu 72% no ta alcansa e nivel 1F den e di dos aña. Pa esnan di HAVO y VWO, 20% no ta alcansa e nivel 2F despues di e di dos aña. Nivel 2F ta necesario pa  funciona socialmente y pa termina un enseñansa nivel MBO. Alumnonan cu no ta domina esaki, por yega na un atraso riba nivel social den comunidad. Y esey ta preocupante segun e inspeccion.

  • Reunionan di formacion gobierno nobo Hulandes a continua sin claridad

    Reunionan di formacion gobierno nobo Hulandes a continua sin claridad

    DEN HAAG – Mientras cu no tin un claridad riba e progreso di e formacion di gobierno nobo Hulandes, awe e combersacionan a continua dialuna mainta cu e informador Kim Putters. Awe atrobe e lidernan fraccion a ricibi e 6 partidonan mas grandi pa sigui cu e combersacionan.  Den un carta na e lidernan di fraccion, e kier sa no solamente ki tipo di gabinete ta nan preferencia, sino tambe ki tarea nan lo kier tin den esaki. Pa yega na un gabinete, mester tin acuerdo riba e base legal pa un estado di derecho democratico, pero tambe finanza y e posicion di Hulanda pa cu mundo. PVV a cambia su postura grandemente y ta mucho mas habri pa temanan cu antes e tabata protesta contra. 

  • Misterio resolvi: Ex minister Hulandes Kuipers ta bira professor na Universidad na Singapore

    Misterio resolvi: Ex minister Hulandes Kuipers ta bira professor na Universidad na Singapore

    DEN HAAG – A bira conoci diahuebs pakico Ernst Kuipers a retira ‘per direct’ como minister di Salud na Hulanda luna pasa. E tempo ey e la djis bisa cu e la haya un funcion den exterior. Awor ta resulta cu e ta bay haya un funcion halto na Nanyang Technological University na Singapore y ta cuminsa entrante 1 di mei proximo. E ta bira e vice presidente di investigacion y tambe professor extraordinario, e funcion mas halto di e facultad. 

  • Powered by SETAR