DEN HAAG – Entre 9 y 16 di februari 2024, esta cuminsando awe, un comision di Eerste Kamer di Hulanda ta bishita e parti Caribe di Rein Hulandes incluyendo Aruba. Esaki ta nan prome bishita desde a keda eligi un aña pasa. E intencion ta pa conoce e 6 islanan, y reuni cu gobernantenan pero tambe docentenan, representantenan di varios religion y husticia. Na Aruba p.e. lo reuni y topa cu e departamento di Guarda Nos Costa, y papia cu miembronan di varios religion. Como lider di e comision ta bin Paul Rosenmöller y senadornan Panman (BBB), Recourt (GroenLinks-PvdA), Vogels (VVD), Rietkerk (CDA), Dittrich (D66), Van Hattem (PVV), Van Apeldoorn (SP), Holterhues (ChristenUnie), Nicolaï (PvdD), Van Bijsterveld (JA21), Schalk (SGP), Hartog (Volt), Van Rooijen (50PLUS) y Van der Goot (OPNL). Potret cortesia Curacao.nu
DEN HAAG – Hulandesnan Europeo ta wordo discrimina pa motibo cu nan no tin mag di keda den Hulanda Caribense pa tempu indefiní, segun miembro di Parlamento Peter van Haasen durante e debate tocante introduccion di leinan di trato igual riba e islanan. Pa esaki, el a entrega e siguiente mocion: “Tweede Kamer, despues di a tende e deliberacionnan, ta pidi gobierno pa cambia e Lei di Admision y Expulsion di BES (WTU-BES) di tal forma cu nacionalidad Hulandes Europeo por recidi na Boneiru, Sint Eustatius y Saba sin restriccion di tempo, y pa informa Tweede Kamer tocante esaki denter di dos luna, i ta sigui pa e agènda.”
DEN HAAG – E idioma firme di minister di asilo Marjolein Faber (PVV) pa no cambia nada den su proposicionnan legislativo ta topa cu oposicion di su propio ministerio. “E ta un comentario di e minister,” su bosero a bisa. “Nos no por defende cu aki como departamento, ainda mester skirbi e rapport.” Ta altamente remarcabel cu un ministerio ta distancia su mes for di su propio minister. Awe, Faber ta sostene cu e no kier ahusta su proposishonnan legislativo cu mester conduci na un fluho mas abou di solisitantenan di asilo. “Pasobra mi tin pura. Mi a caba cu esaki. Hulanda ta cla cu ne. “Mi no ta laga niun hende core cu mi for di e caminda cu mi a tuma,” e minister a bisa den un debate diarason.
DEN HAAG – Den forma di protesta, Aruba a keda afo di e Comitee di Conmemoracion Pasado di Sclabitud cu a keda presenta awe oficialmente na prensa na Hulanda. Noticiacla a compronde for di biaha pasa na november di 2023 cu e minister di cultura demisionario di Aruba Xiomara Maduro a protesta pa e forma con Hulanda tabata trata Aruba, riba tema di refinanciamento di e debe di Covid, a dicidi cu no ta participa na esaki. Un decision cu prome minister Wever Croes a sostene e tempo ey. Di un banda tabata trata Aruba malo cu e tema ey y di otro banda tabata kier cooperacion cu e comision aki. E tempo ey e la dicidi cu no ta participa den esaki. Awe diamars e comision a keda formalisa y presenta pa medio di un comunicado extenso, cu representantenan di tur e islanan, menos Aruba (y Surnam). Den e relato oficial, ta mencona cu e ‘representacion di Aruba ta den preparacion’. Tur e islanan a presenta nan representante, menos esun di Aruba.
DEN HAAG – Creando un posibel crisis gubernamental, lider di partido PVV Geert Wilders a bisa di lo baha gobierno si cambia leynan di asilo. Fraccion di PVV unanimamente a dicidi di no acepta ‘ningun cambio’ den e leynan di asilo di Minister Marjolein Faber. Lider di partido Geert Wilders a bisa esaki awe tardi. Si un otro partido, manera NSC, kier cambia esaki, ‘ta fin pa e gabinete aki’.
DE BILT - KNMI a amplia mas ainda su codigo heel pa condicionnan slip debi na sneeuw pa anochi di dialuna pa diamars. E codigo di advertencia ta na vigor den casi henter e pais, cu excepcion di Limburg y e Islanan Wadden.
DEN HAAG – Na Arubahuis, a tuma lugar un ceremonia pa instala oficialmente e prome miembronan di e “Studenten Commissie Aruba” (SCA). Esaki a sosode den presencia di Prome Minister demisionario Evelyn Wever-Croes, Minister Plenipotenciario demisionario Ady Thijsen, director di Gabinete di Aruba Joselin Croes, mentornan, representant nan di ministerio di OC&W y personal di Gabinete di Aruba.