Vladimir Putin den entrevista: No tin pensa di invadi Polonia ni otro pais Europeo

Vladimir Putin den entrevista: No tin pensa di invadi Polonia ni otro pais Europeo

Posted on 02/9/2024 10:37 am AST | Updated on 02/9/2024 10:37 am AST

MOSCU – Presidente Ruso Vladimir Putin no tin intencion di invade paisnan manera Polonia of otro paisnan Europeo. Por lo menos no mientras nan no purba invade Rusia. “Nos no tin interes pa haci esey”. Esey e la bisa e periodista Mericano Tucker Carlson e siman aki. Ta prome biaha den hopi aña cu e ta concede un entrevista na un periodista di e hemisferio aki. De hecho, e prome entrevista desde cu Rusia a invadi Ucrania.   

  • Hefe di ekipo di careda di auto pa Red Bull exonera di conducta sexual inapropia

    Hefe di ekipo di careda di auto pa Red Bull exonera di conducta sexual inapropia

    BAHRAIN – E hefe di ekipo di careda di auto pa Red Bull Racing- Christian Horner a keda exonera di conducta sexual inapropia. Asina un vocero di e oficina principal di Red Bull na Austria a confirma diaranson. E supuesto victima, un trahado femenino na e empresa, por apela e decision aki si. “E investigacion independiente na e keho contra Horner ta completa y Red Bull por confirma cu e keho a wordo rechasa” e declaracion oficial ta bisa. “Red Bull tin confiansa cu e investigacion tabata honesto, rigoroso y imparcial”. Red Bull ta e ekipo di e campeon mundial pa tres biaha caba di F1, e Hulandes Max Verstappen. Tur cos ta mustra cu e aña aki, Verstappen por sigui cu su racha di victoria, aunke e ekipo di Ferrari y Mercedes ta su tras pa kita e titulo e aña aki. E coredo pa Mercedes, e campeon mundial pa 7 biaha, Lewis Hamilton ta bay pa Ferrari na final di e temporada aki, lagando Mercedes Benz cu un bashi. 

  • Discusion na Aruba, a termina den asesinato di un agente policial na Merca

    Discusion na Aruba, a termina den asesinato di un agente policial na Merca

    DEDHAM  —Un dama Mericano Karen Read di Boston, Massachussets, ta den corte acusa di a asesina su pareha, un agente policial. Loke ta ‘link’ e caso aki, ta cu e motibo di e asesinato por a cuminsa na Aruba. Asina a keda presenta den corte, transmiti pa e portal di noticia WCVB.  E fiscal den e caso aki a indica cu tur cos a cuminsa durante un discusion fuerte durante nan estadia na Aruba cuater siman prome. A raiz di e discusion cu a cuminsa na Aruba, esaki a desemboca den e asesinato di e agente policial. E caso mester a cuminsa dia 12 di maart proximo, pero huez a pospone esaki te 16 di April proximo.

  • Delegacion di Aruba a inicia cu reunion na Ministerial Conference OCTA 2024

    Delegacion di Aruba a inicia cu reunion na Ministerial Conference OCTA  2024

    BRUSELAS - Awe e Delegacion di Aruba na Ministerial Conference OCTA  2024 ta cuminsa cu reunionnan na Brussel, hunto cu Minister Geoffrey Wever y Minister Plenipotenciario Ady Thijsen. Asina prome minister Evelyn Wever Croes a confirma diaranson mainta for di Bruselas. Como miembro di OCTA Aruba tin aceso na fondo di Union Europeo, di cual den pasado a financia ampliacion di airport, bloedbank, parke Arikok, facultad nobo di SISSTEM na nos Universidad y awor digitalisacion di servicionan di gobierno. Tin oportunidadnan hopi interesante di fondo  pa sector publico y pa sector priva. “Nos ta trahando riba e posibilidadnan pa na Aruba por duna mas informacion y asisti caminda cu por” e mandatario a sigui bisa.

  • E figura principal den caso di asesinatonan Marengo, Taghi a haya bida largo di prizon

    E figura principal den caso di asesinatonan Marengo, Taghi a haya bida largo di prizon

    DEN HAAG – E sospechoso internacional Ridouan Taghi a haya castigo di bida largo den prizon na Hulanda. Asina corte na Amsterdam a dicta diamars. Banda di Taghi, tin dos otro sospechoso cu tambe a haya castigo di bida largo, esta Saïd R. yMario R. E sentencia ta bin despues di un proceso legal di casi 6 aña y 142 dia di e tratamento den Corte. E caso ta trata 6 asesinato cometi entre 2015 y 2017, cuatro intento di asesinato y preparacion pa mas likidacion. Tur den e proceso Marengo. Durante e caso, tabatin tres asesinato, entre nan, Peter R. de Vries cu tabata confidente di un di e testigonan clave, cu por cierto tambe a keda asesina. 

  • Prome minister Palestino a entrega retiro di su gobierno y a pidi pa reforma

    Prome minister Palestino a entrega retiro di su gobierno y a pidi pa reforma

    RAMALLAH – E prome minister Palestino  Mohammed Shtayyeh a entrega e retiro di su gobierno. Esaki tabata riba peticion di presidente Palestino Mahmoud Abbas. Otro paisnan Arabe y Merca tambe a pidi pa un reforma di e gobierno Palestino.   

  • Prome nave comercial ta aterisa exitosamente riba superficie di Luna

    Prome nave comercial ta aterisa exitosamente riba superficie di Luna

    MIAMI – E nave di e compania comercial Intuitive Machines’ su IM-1 lander, tambe conoci como Odysseus of “Odie,” a aterisa exitosamente riba e superficie di Luna, despues di a contrae problema oranan prome cu e aterisahe. E CEO di e compania, Steve Altemus a anuncia cu e tabata momentonan crucial pero cu nan a aterisa. ‘Bon bini riba luna”,. E la bisa. E por a confirma cu e nave a aterisa exitosamente. Den curso di awe lo comparti e imagenan. Ta e intencion pa awor cuminsa colecta data importante prome cu e drenta e temporada di scuridad, cu ta debilidad e nave su operacion debi cu no lo tin solo pa carga e panelnan necesario. 

  • Powered by SETAR