André Baran y Michele Cappelletti ta campeon di Aruba Open Beach Tennis BT 400

ORANJESTAD – E seleccion di damas di Aruba a perde nan wega na cas dialuna contra e seleccion di Belize cu score di 1-0. Cu esaki Belize ta keda invicto cu 6 wega gana y 0 perdi. E wega a tuma lugar den Guillermo P. Trinidad na Oranjestad dialuna merdia. Tabata Міkhаіlа Воwdеn cu a score cu un tiro liber den e di 85 minuut di wega, penetrando e defensa di Aruba.  Belize a gana Aruba caba na Belize cu score di 2-0 na final di September ultimo. Despues nan a gana Bonaire 3-0 y sigui cu e derota di Turks & Caicos 6-0, y 3-0 y final di November a gana Bonaire 5-1. Aruba a duna un bon bataya, pero toch ta cay venci na final. 

ORANJESTAD - Recientemente, Minister di Enseñansa y Deporte Endy Croes y Prome Minister Evelyn Wever-Croes hunto cu e representantenan di Aruba Paralympic Committee, amistad y famia a bay ricibi atleta Elliott Loonstra na su yegada na Aeropuerto Internacional Reina Beatrix. Para-atleta di taekwondo Elliott Loonstra a haci historia pa Aruba na Santiago, Chile, despues di a bira e prome para-atleta Arubiano cu ta ricibi medaya di brons den e Weganan Para-Panamericano. Elliott a perde e prome pelea contra di Costa Rica, pero ta gana e di dos pelea contra Merca y asina logra bataya pa medaya di brons contra Brasil. Elliott a derota su contrincante Joe Gomes di Brasil y di e forma aki a conkista di tres luga den Weganan Para-Panamericano y ta gana e prome medaya di brons pa Aruba den e Weganan Para-Panamericano. Minister di Deporte Endy Croes ta felicita Elliott cu e triunfo aki, alabes ta felicita coach Luciano Mazzeo y tur esnan cu a contribui pa e logro aki. Aruba ta sumanente orguyoso di bo. Danki pa pone Aruba su nomber briya. Cu deseo, disciplina, determinacion y dedicacion ta logra.

ORANJESTAD – E seleccion femenino di futbol di Aruba a golea e seleccion di Turks & Caicos 8-0 diahuebs. E golnan a bini di Vanessa Susanna cu 4 gol, Bonnie Lammers cu 3 gol y e debutante Stacey Lampe cu 1 gol. Dialuna dia 4 di december Aruba lo enfrenta Belize pa 3or den stadion Guillermo Trinidad. Texto y potret cortesia 297 Sports.

KRALENDIJK - E orguyo di Boneiru ta retoma su carrera como boxeador, y lo lo bay ta na Brazil riba 7 di december pa un evento trascendental. Despues di su exitoso desempeño como Wako Campeon Panamericano K1 na 2018 y Vicecampeon na 2019, Davidlee ta kibra atrobe cu su habilidad y determinacion pa pone Boneiru riba mapa deportivo mundial.

ORANJESTAD – E seleccion di futbol nacional di Aruba a gana e seleccion di Cayman Islands di un forma convincente cu e score di 5-1 dialuna atardi den stadion Guillermo P. Trinidad. Aruba a hinca su prome gol den prome 15 minuut di e wega. E di dos gol a bin den extra minuut di prome tempo. Den di dos tempo Cayman Islands ta anota nan prome gol. Pero algun rato Aruba ta bounce back cu 3-1. Den di 77 minuut Aruba ta hinca su di 4 gol y net prome cu e wega finalisa, Aruba ta hinca e di 5 y ultimo gol di partido. Potret cortesia 297 Sports. 

CHRISTIANSTED – E hungadornan di seleccion di futbol di US Virgin Islands ta conciente cu nan no tin chens pa un promocion e aña aki den e liga nacional di Concacaf. Nan ta hunga contra e seleccion di Aruba awe nochi, den e capital di e isla, unda cu Aruba ta na cabez di e grupo cu 6 punto. St Vincent tin solamente un punto. Aruba a gana nan luna pasa na Aruba cu e score di 3-1 inaugurando e veld nobo di stadion Guillermo P. Trinindad. Y awe nochi e ekipo oponente tin chens di ‘tuma revancha’ aunke esaki no ta kere cu lo sosode. E wega lo tuma luga na e Bethlehem Soccer Complex, cuminsando pa 7’or ora di Aruba. Aruba ta bolbe hunga, pero na Aruba dialuna awor, contra Caymen Islands.