Gobierno no por stop ni tin influencia riba pagamento pa toca musica den publico

Posted on 11/20/2023 3:39 pm AST | Updated on 11/20/2023 3:40 pm AST

ORANJESTAD – Gobierno di Aruba a reacciona riba e noticia cu entrante 1 di januari 2024, lo mester cuminsa paga pa toca musica publicamente. Minister encarga cu tanto Bureau Intellectuele Eigendom, como comunicacion, a duna su prome reaccion riba e asunto di DUCAPRO. E la haci esaki mirando cu siman cu a pasa tabata tin hopi comunicacion y informacionnan mixto riba rednan social over di e fundacion DUCAPRO .

REGISTRA CANCION

Ta asina cu musiconan por registra nan canticanan y asina nan canticanan no por wordo uza sin permiso of sin compensacion. E derecho aki na Aruba ta basa entre otro riba articulo 39 di Statuut y e Auteursverordening. Musiconan usualmente ta asocia nan mes na diferente organisacionnan rond di mundo cu ta representa nan y cu ta salvaguardia nan creencia y ta percura pa nan wordo paga ora cualkier organisacion uza nan derecho intelectual, manera un cantica. Tur e organisacionnan aki rond di mundo ta cera acuerdonan bilateral cu otro a base di cual nan ta cobra y distribui e compensacion pa uso di musica den un pais na e artista. DucaPro ta un organisacion asina na Aruba cu lo bai cobra pa e uzo di derecho di autor, basicamente den nomber di e artista y percura pa reparti e entradanan na e artista concerni, pues esaki por bira un entrada importante pa e musiconan local, pero na mes momento lo forma un peso financiero adicional pa e radio emisoranan.

GOBIERNO NO TIN CONTROL RIBA DUCAPRO

Mester remarca cu e relacion ta un relacion entre e artista cu ta miembro di un organisacion cu ta representa e artista, e organisacion y tur otro organisacion similar rond di mundo. Esaki no ta un iniciativa di gobierno, ni tampoco ta algo cu Gobierno di Aruba por stop of mitiga, eta un relacion completamente priva (privaatrechtelijk) y usual rond di mundo.

DIALOGO

Apesar di esaki, e ta spera si cu DucaPro drenta den dialogo cu tur radio emisora pa splica detayadamente con nan lo opera pa asina e introduccion por bai na un forma structura y cu menos impacto negativo pa e radio emisoranan. “Ami di mi banda tambe lo bai drenta den dialogo cu tanto DucaPro como e radio emisoranan. Mi a puntra tambe conseho riba e tema aki mirando cu ta algo nobo pa Aruba cu lo tin su impacto. Nos mester cuminsa awo cu bon informacion y dialogo y sigur wak con por mitiga cualkier impacto negativo” e minister a finalisa bisando.

VIDEO: Gobierno ta cambia maneho pa radio emisoranan nobo den 2024
ORANJESTAD – Gobierno di Aruba ta bay cambia e maneho pa radio emisoranan den 2024. Asina e minister responsible pa telecomunicacion Geoffrey Wever a bisa Tito Laclé den e programa Noticiacla LIVE recientemente. Mester bisa si mesora cu e cambio di maneho ta conta ora otorga permiso pa emisoranan nobo. E radio emisoranan existente no ta cay bou di e maneho nobo aki. E mandatario a duna indicacion tambe cu por spera cu por lo menos 3 emisora nobo lo por bin na remarke. Por conclui cu mirando cu tur frecuencia ta yen awor, esaki ta nifica cu 3 emisora lo no usa nan licensia mas, aunke no a bisa cua esakinan ta.
Mas Politica
Lesa Mas
Minister Thijsen a trata tema di geschillenregeling cu presidente di Staten na Aruba
ORANJESTAD – Minister Plenipotenciario mr. Ady Thijsen a haci un bishita di cortesia na Presidente di Staten di Aruba Edgard Vrolijk. Minister Thijsen ta actualmente na Aruba pa un bishita di trabao. Durante di e bishita a papia riba temanan cu ta actual, manera e Geschillenregeling. Nota pa redaccion: E potret ta cortesia di Arubahuis
Mas Politica
Lesa Mas
VIDEO: Minister Wever: Unico cos cu kizas por haci, ta na e suma cu DUCAPRO kier cobra pa toca musica
ORANJESTAD – E unico posibilidad pa haci algo pa radio emisoranan, kizas ta e suma cu nan tin cu paga e fundacion DUCAPRO otro aña pa toca musica publicamente. Asina minister di Telecomunicacion Geoffrey Wever a bisa Tito Laclé diahuebs anochi den e programa Noticiacla LIVE. E mandatario a confirma cu e radio emisoranan tin problema cu e hecho di cobransa, cuanto cu sea. E mandatario a reuni cu nan y a bisa nan cu e no por haci mucho, pero posiblemente por haci algo cu e suma. E la keda di reuni bek cu nan otro siman despues cu awe e haya un conseho final di kico e como minister por haci. Por wak e segmento ey di e programa AKI tambe.
Mas Politica
Lesa Mas
Construccion di centro nobo di polis na Cumana ta inicia di dos cuartal di 2024
ORANJESTAD – Construccion di e warda di polis nobo na Cumana ta inicia na Maart di 2024. Asina minister di husticia Rocco Tjon a confirma diahuebs, despues di a reuni cu esnan cu ta financia e proyecto aki, esta APFa. A reuni cu e architecto di e proyecto y representante di APFA pa e proyecto. E intencion ta pa converti e edificio di ex Codemsa den un centro moderno pa polis. Varios departamento lo resorta bou di un dak asina y keda central. E intencion ta pa Februari 2024 conoce ken ta bay ta encarga cu e construccion y pa un luna despues cuminsa cu e construccion.
Mas Politica
Lesa Mas
Vrolijk: Ta den man di gobierno mes, si e LAFt ‘nobo’ ta keda aproba na tempo
ORANJESTAD – Tur cos ta den man di gobierno di Aruba si ta keda cla cu e ley di LAFt, prome cu fin di aña, cumpliendo asina cu exigencia di gobierno Hulandes. Asina presidente di Parlamento Edgard Vrolijk a bisa noticiacla.com diahuebs mainta. E presidente a confirma cu awe a fiha fecha pa parlamentarionan hasi pregunta riba presupuesto supletorio y e cambio di LAFt. “ Despues di e fase ey e ta den man di gobierno” Vrolijk a bisa. Cu esey e kier men cu ta keda na gobierno pa entrega nan NAV, cu ta e contestacion di e preguntanan di e parlamentarionan. Den terminologia politico esaki ta e NAV, e ‘Nota naar Aanleiding van het Verslag.
Mas Politica
Lesa Mas
Arends: Awor por re-aplica digitalmente pa permiso di taxi
ORANJESTAD - Minister encarga cu transporte publico Ursell Arends diaranson mainta anuncia e siguiente paso den e proceso di digitalisa e aplicacion pa permiso.
Mas Politica
Lesa Mas