Maduro na van Huffelen: Supervision financiero no ta den discusion!

Maduro na van Huffelen: Supervision financiero no ta den discusion!

Posted on 11/20/2023 10:17 am AST | Updated on 11/20/2023 10:18 am AST

ORANJESTAD / DEN HAAG – Den un comunicado cu gobierno (lesa: Minister Xiomara Maduro:red) a manda den fin di siman, notablemente solamente den e idioma Hulandes, minister Xiomara Maduro ta refuta e interpretacion di secretario di estado Hulandes Alexandra van Huffelen, di cu Aruba ta yama e forma con Hulanda kier negocia supervision financiero como un comportacion colonial. Segun Maduro, e problema no ta supervision fianciero, pasobra esaki ta regla caba, pero e problema ta e strafrente cu Hulanda kier impone riba Aruba. 

REACCION RIBA VAN HUFFELEN

Maduro ta reacciona asina riba e declaracion cu van Huffelen a haci den prensa Hulandes y Noticiacla den fin di siman, unda cu e mandatario Hulandes ta  bisa di ta sorprendi cu e declaracion di prome minister Wever Croes a haci diahuebs den e programa Noticiacla LIVE riba e discurso di Maduro recientemente na Hulanda. Aki e prome mandatario a bisa di ta sostene e declaracion di colega Maduro.

MERECE PREMIO?Maduro kier ‘coregi’ van Huffelen unda cu segun Maduro, ningun momento e tema di supervision financiero ta den discusion, sino e e supuesto menasa di Hulanda cu un ‘default’ pa forza Aruba pa firma pa un refinanciamento, mientras cu partidonan ta na mesa negociando ainda. “Esaki no merece un premio di bunitesa den e aña cu ta recorda e pasado di esclavitud” e mandatario local ta sigui bisa.

REACCION 

Van Huffelen no a keda contento cu e discurso di Maduro cu segun e mandatario Hulandes, gobierno di Aruba ta considera e actuacion di Hulanda como colonial. Van Huffelen no ta considera cu ta asina y a purba coregi esaki den un reaccion na e.o. Noticiacla. E declaracion aki a cay den mal tera cerca Maduro.     “Segun e secretario (van Huffelen:red),  Hulanda lo kier yega na un acuerdo pa establece supervision financiero, pero cu gobierno di Aruba lo ta considera esaki un comportacion ‘colonial’” Maduro ta bisa. “Minister Maduro ta refuta e declaracion aki”, e comunicado di Maduro, (na Hulandes:red)  ta sigui bisa. E ta sigura cu supervision financiero na Aruba no ta na discusion, ya cu esaki ta existi caba desde 2015 y ta ancra den un LAFt. “Loke si ta den discusion, ta e strafrente riba e prestamo di prestamo di Corona, cu Hulanda ta impone riba e pueblo di Arub, cu a base di articulo 36 di statuut, Aruba a solicita”.  Segun minister Maduro e ta haya, pa bisa lo minimo, sorprendente cu Hulanda ta impone segun BZK, un strafrente pa Aruba, cu un default como menasa pa firma e refinanciamento. Hulanda no por pidi disculpa di un banda pa sclavitud, y di otro banda impone e strafrente pa Aruba. Riba esaki, Maduro ta referi na e actitud colonial, esta riba e strafrente, y no riba supervision financiero.  

RAFT ENVEZ DI LAFT

Notable ta cu Maduro ta menciona cu e supervision ta ancra den un LAFt, pero esaki ta netamente loke ta e problema di Hulanda y ta considera como tal cu mientras cu e supervision no ta ancra den un RAFt, e ta keda un problema. Y pesey ta referi na esaki den e reaccion. Y esaki ta netamente unda cu e impasse ta aworaki entre Hulanda y Aruba. Hulanda kier RAFt, y Aruba no kier esaki, sino ta considera e LAFt adapta, como suficiente.   

 

 

 

  • Casi 2 mil puppies di Aruba no por bay Merca debi na regla nobo di CDC entrante augustus!

    Casi 2 mil puppies di Aruba no por bay Merca debi na regla nobo di CDC entrante augustus!

    ORANJESTAD - Diabierna 24 di mei 2024 a tuma luga un reunion conhuntamente cu diferente stakeholders pa trata e bienster di nos animalnan como tambe pa atende e cambionan di maneho y reglanan di CDC na Merca cu lo drenta na vigor entrante 1 augustus venidero. 

  • VIDEO: Algun Parlamentario di coalicion y oposicion a keda menasa

    VIDEO: Algun Parlamentario di coalicion y oposicion a keda menasa

    ORANJESTAD – Prome minister di Aruba diabierna mainta na final di su conferencia di prensa, a informa y confirma cu algun miembro di Parlamento di Aruba, tanto di oposicion como coalicion a keda menasa. E no a bisa ki tipo di menasa esaki ta pero si cu e menasa a sosode. E mandatario den e video ta splica. 

  • Aruba y Hulanda a haya otro y lo firma rijkswet cu ta diferente cu RAFT

    Aruba y Hulanda a haya otro y lo firma rijkswet cu ta diferente cu RAFT

    ORANJESTAD – Premier Wever Croes na nomber di Gobierno di Aruba y Secretario di estado Hulandes Alexandra van Huffelen pa Hulanda a yega na un acuerdo pa loke ta supervision financiero, pa medio di un ley di Reino, pero diferente cu esun inicial cu ta e RAFT. Prome minister di Aruba Evelyn Wever Croes a confirma esaki pa noticiacla diabierna mainta. Segun e prome mandatario a splica Noticiacla, tabata riba su iniciativa cu a cuminsa e negosacion pa e alternativa aki, cu segun su palabranan, ‘ta miho cu e RAFT original y ta beneficia Aruba mas cu nunca’. Secretario di estado Hulandes Alexandra van Huffelen a bay di acuerdo cu esaki, pero palabra tabata na gabinete demisionario Rutte   si nan tambe lo a bay di acuerdo. Y awe mainta Conseho di Minister a aproba e proposicion. 

  • Vrolijk: Parlamento ta trata e ley di matrimonio mesun sexo mitar di juni awor

    Vrolijk: Parlamento ta trata e ley di matrimonio mesun sexo mitar di juni awor

    ORANJESTAD – Despues cu e prome reunion comienso di e luna aki riba tratamento di ley di matrimonio mesun sexo a resulta den un empate di 10-10, tin un fecha nobo pa trata e reunion aki. Segun informacion di e presidente di Parlamento Edgard Vrolijk, e fecha ta 18 di juni proximo. Inicialmente a informa cu no tabatin lugar pa trata e ley mas prome, pero despues cu a bin un cancelacion, a pone e reunion pa diabierna awor 24 di mei. Sinembargo a bin compronde cu varios parlamentario no ta presente. Y e ora a dicidi pa pone pa 18 di juni ya cu e proximo dos siman ta yen, incluyendo cu e reunionan di IPKO. Tene cuenta cu dia 31 di mei, otro siman diabierna, Corte di Casacion ta duna nan sentencia riba e ley, y loke nan dicidi ta final, incluyendo e ley cu Aruba pasa posiblemente dia 18 di juni proximo. 

  • Arends: Investigacion na SABA ta den fase final

    Arends: Investigacion na SABA ta den fase final

    ORANJESTAD - Investigacion di e situacion financiero na SABA a drenta su fase final. Asina Minister Arends di Asuntonan di Adulto Mayor a duna di conoce.

  • A puntra minister: Si a busca MPR pa investiga na Aruba, ta nifica cu ELMAR mes no ta capaz?

    A puntra minister: Si a busca MPR pa investiga na Aruba, ta nifica cu ELMAR mes no ta capaz?

    ORANJESTAD – Con bin mester busca un grupo di Merca, MPR di Washington pa investiga e problema di coriente cu tin actualmente na Aruba? E personal di ELMAR cu ta ganando hopi placa, incluyendo e director, no ta capaz pa haci e trabou aki? Y si ta asina, nan merece pa gana e cantidad di placa cu nan ta ganando? E pregunta aki e minister di Glenbert Croes, di energia a haya recientemente pa contesta den e programa Noticiacla LIVE cu periodista Tito Laclé. Y e la keda sorprendi pa e respuesta di e minister. Wak e video AKI. 

  • Varadero
  • Alpina
  • Powered by SETAR