Segun presentacion haci na Montreal, Aruba lo reemplasa pasaporte cu credencialnan digital

Segun presentacion haci na Montreal, Aruba lo reemplasa pasaporte cu credencialnan digital

Posted on 09/18/2023 4:05 pm AST | Updated on 09/18/2023 4:06 pm AST

MONTREAL – Aruba lo reemplasa su pasaporte cu credencial digital. Por lo menos asina portalnan internacional manera ‘contacto news di Paraguay’ ta raporta dialuna. E portal ta referi na informacion cu segun SITA, e proveedor di technologia di informacion pa industria aereo, y gobierno di Aruba siman cu a pasa na Montreal, a mustra e implementa cion exitoso di technologia di credencial digital vericable, eliminando e necesidad di cu pasaheronan mester mustra nan pasaporte fisico ora cu nan yega e isla. Cu e implementacion di e tecnologia aki, gobierno di Aruba ta spera pa verifica e identidad di e bishitante cu ta yega e isla, conviertiendo nan mes den e prome pais na mundo pa haci esaki. Ya na maart, pasaheronan ingresando Aruba, tabta por a solicita nan autorisacion di biahe mediante un proceso simplifica, cu tabata elimina e necesidad di ingresa informacion di documentonan di viahe riba papel, cu consentimento previo pa por comparti datonan desde nan telefon mobil incluyendo punto di contacto manera hotel y car rental. Noticiacla a tuma contacto cu director di imigracion di Aruba Andrew Hoo pa un reaccion, y e la keda di comunica bek, pero ainda no a haci esaki. Loke por a compronde si ta cu esnan cu a raporta e informacion, a simplifica e asunto hopi, pero cu ta trahando riba e proyecto aki si. 

 

 

  • Yiu di presidente Mericano Joe Biden, haya culpable di cumpra arma siendo adicto na droga

    Yiu di presidente Mericano Joe Biden, haya culpable di cumpra arma siendo adicto na droga

    WASHINGTON – Un cuerpo di hurado a haya yiu homber di presidente Mericano Joe Biden, Hunter Biden   culpable pa tres cargo contra dje den un caso penal diamars. Esaki ta trata e intento pa e cumpra un arma 2018, siendo cu e lo tabata adicto na droga. Esaki ta un noticia den proceso.

  • Presidente di Francia a disolve Parlamento y yama eleccion nobo

    Presidente di Francia a disolve Parlamento y yama eleccion nobo

    PARIS – Presidente Frances Macron a disolve Parlamento y yama eleccion nobo Parlamentario pa 30 di juni proximo. Esaki como reaccion riba e derota cu su partido a haya den e eleccion Palramentario Europeo.  E partido opuesto a gana grandemente den esaki. Y si Parlamento Frances keda asina, e ta haci e trabou di e presidente hopi dificil pasobra lo dificulta tur ley cu mester pasa. 

  • Regla nobo pa autonan di Formula 1, lo nifica auto mas chikito cu por pasa otro mas biaha

    Regla nobo pa autonan di Formula 1, lo nifica auto mas chikito cu por pasa otro mas biaha

    AMSTERDAM – Desde 2026 e autonan di Formula 1, lo ta mas chikito y 30 kilo menos pisa. Tambe ta elimina e sistema di DRS, osea e sistema cu ta permiti coredornan pasa otro riba cierto parti di un pista. Esaki e federacion di auto di careda FIA a anuncai den e reglamento nobho di Formula 1 cu ta drenta na vigor na 2026. Tambe lo tin cambio pa loke ta exterior di e auto. FIA ta spera tambe cu e autonan ta bira mas agil cu nan por sigui otro miho y cu por tin mas pasamento, haciendo e careda mucho mas interesante. Pa loke ta e sistema di DRS, lo tin un cambio unda cu riba cierto parti di e pista, e coredo por primi un boton unda cu e hala patras ta habri pa duna e auto mas velocidad.

  • Hungria ta exigi Rutte retira declaracionan deningrante a cambio di sosten pa bira hefe di NATO

    Hungria ta exigi Rutte retira declaracionan deningrante a cambio di sosten pa bira hefe di NATO

    BUDAPEST – E premier Hungaro Orbán a bisa publicamente prome biaha kico ta e condicionan pa e por sostene Mark Rutte di Hulanda pa secretario general di NATO.  Den un entrevista recien den un revista Hungaro, Orban ta bisa cu e kier pa Rutte retira declaracionan haci contra Hungria cu tabata denigrante y tambe garantisa cu Hungria no ta wordo obliga pa participa den atake di NATO pafo di e frontera di e Sociedad, y cu esaki e kier men Ucraina.  Hunto cu Slovakia y Rumania, Hungria ta un di e tres paisnan cu ta blokeando e nombracion di Rutte pa e funcion top. 

  • Corte Italiano a mantene sentencia di Mericano Amanda Knox pa calumnia

    Corte Italiano a mantene sentencia di Mericano Amanda Knox pa calumnia

    FLORENCIA – E Mericano Amanda Knox a keda sentencia atrobe na Italia pa calumnia. Corte na Florencia a dicta cu e lo a acusa un doño Congoles di un bar, ilegalmente di morto riba su compañero di camber.  Cu esaki, un sentencia anterior di 3 aña di prizon ta ked ana vigor. Pero e no mester bay prizon mas, pasobra despues di asesinato riba e studiante Britanico, Kercher, e la sinta 4 aña caba den prizon. 

  • Premier Modi di India ta sali victorioso di eleccion Parlamentario pa un di tres termino

    Premier Modi di India ta sali victorioso di eleccion Parlamentario pa un di tres termino

    NEW DELHI – Premier Modi di India ta parce di a gana e eleccion Parlamentario di India, pero no mes grandi cu inicialmente a kere. E partido BJP mester entrega asiento, pero e ta keda pa un di tres termino cu riba su mes ta considera como historico. Un biyon persona, e cantidad electoral mas grandi pa un pais na mundo, por a deposita nan voto durante 6 siman sigui. Modi awor tin 303 asiento y a kere cu e por a aumenta esaki grandemente. Na tur, ta scohe 543 parlamentario pa un periodo di 5 aña. Un partido tin mayoritario cu mas di 272 asiento. Desde cuJawaharlal Nehru a bira premier ora cu e pais a bira independente na 1947, un persona no a sinta tres termino como premier. Como cu e pais ta vota electronicamente, awe ta spera e resultado oficial definitivo.  

  • Powered by SETAR