- Arubahuis ta perde tres studiementor pero ta haya 2 acerca
- Arends: Sector Maritimo na Aruba ta crucial pa siguridad nacional y bienestar general
- Tiroteo na Erasmus MC no a afecta pashentnan di Aruba bou tratamento di e centro
- Homber a tira tres hende mata den centro di Rotterdam
- E di 17 tormenta di e temporada a nace y a haya e nomber Rina
Na Corsou, Raad van Advies ta preocupa cu exodo debi na pobresa
WILLEMSTAD - Hunta di Konseho ta preokupá pa e desaroyo di nivel di bienestar na Kòrsou. Den nan konseho riba presupuesto 2024 ta konstatá ku entre 2018 i 2021 poblashon di Kòrsou a baha ku 10 mil persona debí na e nivel di bienestar ku a bai atras.
E hunta a konsehá gobièrnu pa drenta den konsulta ku partnernan sosial pa tuma medidanan indiká pa evitá ku pobresa a sigui oumentá na Kòrsou i alsa kalidat di bida. Sin di ta disponé di sifra Hunta di Konseho ta konstatá ku faktornan manera nivel di desempleo, desaroyo di forsa di kompra, kresementu ekonómiko, kalidat di enseñansa, stabilidat di fondonan sosial, mentalidat di trabou, tarifa di komodidat i infrastruktura ta motibu ku e nivel di bienestar a bai duru atras.
Debí na e situashon aki famianan ta kai den un spiral negativo.
Falta di medio ta motibu ku mayornan no por krea un klima di bida adekuá pa nan yunan ku tin komo konsekuensia ku muchanan no ta kaba skol i/òf un degradashon total di e nivel di enseñansa. Esaki tin efekto riba e nivel di enseñansa di e poblashon ku ta traha, loke na su turismo tin konsekuensia negativo riba invershonnan for di eksterior i produktividat di pais.
Un riesgo grandi ku na opinion di Hunta di Konseho gobièrnu ta para insufisientemente ketu na dje den presupuesto 2024 ta esun di ENNIA. Na opinion di e hunta no ta aseptabel ku gobièrnu por djis menshoná den e memoria di aklarashon ku ta orientá e diferente posibel solushonnan pa Ennia.
Ta konsehá gobièrnu tambe pa den e presupuesto di mas aña menshoná kon ta bai atendé ku e riesgo. Tambe ta konsehá gobièrnu pa duna un bista kiko ta bai hasi pa den futuro evitá kasonan similar i kon ta bai fortifiká Banko Sentral den nan supervishon riba institutonan finansiero.
Mas aleu Hunta di Konseho ta konstatá ku apesar ku presupuesto 2024 ta di mihó kalidat kompará ku presupuestonan di añanan anterior, tòg tin puntonan ku mester sigui drecha. Hunta di Konseho ta konstatá ku entre otro e memoria di aklarashon riba e presupuesto ta skibí muchu den terminologianan general i no ta duna e informashon nesesario tokante e maneho di gobièrnu. Alabes ta konstatá un biaha mas ku ta “copy paste” hopi informashon for di presupuestonan anterior.
“Falta un tradukshon di e maneho den aktividatnan konkreto ku gobièrnu ke bai ehekutá i metanan ku ke logra.” Segun Hunta di Konseho e intenshonnan di maneho manera formulá no ta direktamente relatá na e sumanan grandi menshoná den e presupuesto 2024 i presupuesto di mas aña ni tampoko na e periodo di tempu ku gobièrnu ke logra realisá e plannan aki. Konsekuensia ta ku no ta bisto durante ki tempu ke ehekutá kua intenshon di maneho i tambe lo ta difísil pa evaluá despues kon a bai ku ehekushon di e maneho.
Alabes Hunta di Konseho ta konstatá ku den presupuesto tras di presupuesto ta menshoná e mesun intenshonnan di maneho òf aktividatnan ku ta nesesario pa realisá sierto meta sin ku ta indiká kon leu ta ku e prosesonan aki i kon gobièrnu ta pará den e intenshon i aktividatnan aki.
Pa e motibunan aki Hunta di Konseho ta konsehá gobièrnu pa sigui mehorá kalidat di presupuesto 2024 i entre otro indiká konkrétamente kon leu ta ku ehekushon di maneho i aktividatnan spesífiko pa realisá sierto meta. Den esaki ta importante pa formulá si ta intenshon pa ehekutá sierto maneho den fase i plama esakinan durante di un periodo di mas aña. Meskos ta konta pa e maneho i aktividatnan ku ta keda bini bèk den supsekuente presupuestonan: menshoná kon leu ta ku ehekushon di e esakinan, Hunta di Konseho ta bisa.
Relashoná ku ehekushon di paketenan di pais Hunta di Konseho ta rekomendá gobièrnu pa splika mas mihó kua gastu ta relashoná ku ehekushon di kua tarea menshoná den e paketenan. Segun e hunta no ta bisto si tin sufisiente medio finansiero na disposishon pa ehekutá tur e diferente proyektonan.
Alabes Hunta di Konseho ta konstatá un otro riesgo grandi pa presupuesto 2024, esta ku no tin un bista riba fakturanan ku ta drenta fin di aña i ku mester paga.
Segun ministerio di Finansa, na 2022 a drenta 90 mion florin na faktura na final di aña i tabatin solamente 30 mion reservá ainda pa paga faktura. Esaki por kousa ku na final di aña un presupuesto ku surplus ta bòltu bira unu ku défisit. Hunta di Konseho ta bisa tambe pa trese un solushon den e situashon aki pa asina alsa e konfiansa ku mester tin den e maneho finansiero. NOTA: Texto ta scirbi den Papiamento fonetico di Corsou.
Entrenador Hulandes Dick Advocaat ta bisa no na seleccion di Korsou
AMSTERDAM - E entrenadó hulandes Dick Advocaat djaluna a konfirmá ku e tabata den kombersashon ku FFK, pa por bira e próksimo entrenadó di selekshon di Kòrsou. E kombersashonnan aki sinembargo no ta bai sigui. Esaki ora ku e entrenadó hulandes a deklará na Voetbal International ku e no ta bai sigui na mesa pa por bira entrenadó di selekshon di Kòrsou. “ Tin muchu punto habrí na e momentunan aki, ku ta stroba pa mi tuma e reto aki. Ta trata aki di kosnan den e organisashon ku mester keda reglá debidamente, Advocaat a bisa.
Pelotero Yiu di Corsou Kenley Jansen tin su mes music label: ‘KJ74 Entertainment’
BOSTON - Tur hende sa ku Kenley Jansen apart di ta pelotero profeshonal tin un pashon pa músika. Ya tin diferente produkshon musikal kaminda el a duna su aporte komo músiko i komo empresario e ta doño di entre otro e agrupashon musikal ICONS i ta tambe un dje lidernan di grupo di Karnaval Alegria.
Gobierno di Corsou mes a cumpra Campo Alegre durante subasta
WILLEMSTAD - Gobierno di Corsou mes a cumpra e establecimento conoci como Campo Alegre awe mainta durante e subasta. E suma cu ta wordo menciona, ta 8 miyon florin. No ta conoci ainda kico e motibo y intencion ta pa cu e compra aki. Noticiacla siman pasa a raporta cu awe tabatin e subasta menciona. Campo Alegre ta e lugar cu pa añanan largo ta popular unda cu muhernan ta ofrece e servicio di duna placer na primordialmente e ser masculino. Hopi ta yame e trabou dj mas bieu di mundo, esta prostitucion. E noticia aki ta den proceso. Keda pendiente pa mas actualisacion.
Tweede Kamer di acuerdo pa trata fiansa ENNIA pa Corsou y St Maarten prome cu eleccion
WILLEMSTAD - Tweede Kamer a disidí siman pasá djaweps durante un asina yamá “regeling van werkzaamheden”, un seshon plenario pa plania trabounan di e parlamento den periodo benidero, ku ta trata e presupuesto supletorio insidental di Ministerio di Asuntunan Interno i Relashonnan den Reino promé ku elekshon dia 22 novèmber awor. E presupuesto supletorio aki ta relashoná ku e fiansa di 600 mion euro ku Hulanda ta ofresé Kòrsou i St. Maarten komo solushon duradero pa kompania di seguro ENNIA i tambe algun aspekto di maneho sosial pa islanan BES.
Corsou ta registra caso di asesinato riba homber di 26 aña
WILLEMSTAD – Wikènt tras di lomba polisnan tabatin man yen ku trabou. For di djabièrnè anochi, kaya tabata basta drùk. Djasabra den kareda di algu pa 8 or di anochi, Sentral di Polis a risibí informashon ku den outo di famia lo a trese un hòmber na sala di emergensia di C.M.C. ku herida di bala na altura di su pechu i su kondishon tabata krítiko.
Na Corsou diamars próksimo Campo Alegre ta na findishi
WILLEMSTAD - Tur kos ta kla pa findishi di Campo Alegre tuma lugá djamars awor dia 26 di sèptèmber. Esaki despues ku e findishi di aña pasá pa benta dje sentro di dibertishon, no a sigui.
Follow NoticiaCla
