- Arubahuis ta perde tres studiementor pero ta haya 2 acerca
- Arends: Sector Maritimo na Aruba ta crucial pa siguridad nacional y bienestar general
- Tiroteo na Erasmus MC no a afecta pashentnan di Aruba bou tratamento di e centro
- Homber a tira tres hende mata den centro di Rotterdam
- E di 17 tormenta di e temporada a nace y a haya e nomber Rina
Polis a multa 21 habitante mas debi na problema cu nan cacho
MACUARIMA - Accion contra cacho los of diferente infraccion tocante ley di cacho ta sigui. Cuerpo Policial Aruba tin un team special cu ta haciendo diferente control den bario y a multa diferente persona cu ta iresponsabel cu nan cacho.Recientemente polis a multa mas di 20 persona caba. E biaha aki a sigui cu e controlnan y a haci diferente control den bario nan di San Nicolas manera: First Stick Hillweg, Saint Peter Hillweg, Diamantbergweg, Red Rock Hillweg, Rooiweg, Weg Fontein, Great Hillweg, Bottom Hillweg, Weg Sero Blanco, Kiviti, Brasil, Caya Bernadina Grovell, Rooi Kochi, Savaneta, Pos Chiquito, Spaans Lagoenweg, Betonicastraat y Sabana Basora.
Binti shete (27) habitante di diferente bario a wordo atendi riba nan cachonan cu ta riba caminda publico di cual bintiun(21) a haña multa y seis (6) diferente habitante a haña un aviso.
A constata cu mayoria hende a haña multa pa no pone suficiente precaucion pa nan cacho sali riba caminda publico of riba tereno di otro persona. Tambe a constata cu dos cacho pitbull a ser laga atras na un cas na Sabana Basora di cual e doñonan a bandona Aruba y a laga e cachonan pa nan cuenta. A logra hiba e cachonan na Centro Control di Cacho caminda lo busca un doño of persona responsabel pa nan of nan lo por ser adopta.
E controlnan aki lo continua den otro barionan. Nos ta haci un suplica pa cuida bo cacho, mantene bo mes na e ley y reglanan y preveni di haya un multa indesea. E multa ta halto y lo por tin consecuencia pa bo cartera.
Arnhem riba caso di polis Vos: E ta algo teribel! Hende mester por conta riba polis!
ORANJESTAD – Algo comisario di polis Ramon Arnhem ta considera e caso di agente policial Vos cu ta deteni pa 6 luna caba sospecha di malversacion, algo teribel. “Esaki ta teribel. Hende mester por conta riba polis. Net nos mester duna e ehempel di ta esun mas integro di tur. Esey bo por spera di polis” Arnhem a bisa den e programa Noticiacla LIVE cu ta pasa diahuebs mainta 11’or. “Ora cu resulta cu no ta asina, esey ta un sla formal den nos imagen” e hefe maximo di polis a sigui bisa. E periodista Tito Laclé a puntra e hefe maximo di polis con e caso aki a afecta e cuerpo. “Mi ta hopi tristo di loke a sosode” e hefe a sigui bisa.
Wardacosta y Cuerpo Policial Aruba a logra detene 28 indocumentado riba boto
ORANJESTAD - Ayera nochi Wardacosta y Cuerpo Policial di Aruba a intercepta un boto sospechoso dencercania di costanan di Aruba. E autoridadnan a dirigi nan unidadnan na e area di e boto sospechoso pa para esaki. Durante di e accion a logra conhuntamente pa detene e boto ku 28 indocumentado na bordo, di cual nan tur ta hende homber Venesolano. E personanan a ser entrega na Guarda nos Costa y e investigacion den e caso aki lo sigui.
Defensa den region Caribe ta reforsa lasonan cu Colombia
CARTAGENA - E barku patruyero den Region Karibe Hulandes, Zr.Ms. Groningen, siman pasá a hasi un bishita na Cartagena, Colombia. E bishita aki den haf tabata den e lus di preparashonnan di ehersisionan marítimo konhunto, ademas asina fortalesé e koperashon den e ambito di siguridat den Region Karibe.
KPA y Reclassering a firma convenio pa tin intercambio di informacion
MACUARIMA - Diamars mainta den un encuentro ameno a tuma lugar e firmamento historico entre Cuerpo Policial Aruba y Stichting Reclassering Aruba den presencia di altocomisario di polis drs. Ramon Arnhem y Directora di Stichting Reclassering en Jeugdbescherming Aruba Sra. Zeraida Pemberton y miembronan di KMT ( Korps Management Team) .
Polis a certifica Road Service pa documenta accidente
MACUARIMA - Den cuadro pa desaroyo, conocimento y mehoracion di servicio na comunidad a tuma lugar un curso pa dos compania di roadservice. For di 14 augustus 2023 te cu 18 september 2023, a presenta e curso di “Afhandeling Verkeersongevallen”, destina pa road service na Scol di Polis E.J. Watty Vos.
E biaha aki polis a multa hopi doño di cacho den districto di Noord
Follow NoticiaCla
