- Joran vd Sloot na Merca a declara su mes no culpabel di extorsion
- Conocido personahe den farandula y Catochi na Corsou, 'Joe Black' a fayece
- Ex-trahador di DIMP a keda deteni pa a tuma placa bou mesa
- Banco Central di Aruba ta mantene e reserva obligatorio na 25,5 porciento
- Gobierno ta trahando riba plannan pa conmemora 150 aña cu a aboli sclavitud na Aruba
Minister Tjon: A lansa e toolkit digital nobo di Codigo di Proteccion
ORANJESTAD - Diahuebs mainta, a lansa e toolkit digital nobo di Codigo di Proteccion. Un momento sumamente importante cu lo bay garantisa conocimento continuo serca nos profesionalnan, segun minister di asuntonan social Rocco Tjon. Un trayecto cu a inicia for di juli 2021, na momento cu pa medio di e Sociaal Crisis Plan a haci e peticion hunto cu UNICEF HULANDA, pa aplica na e fondonan di Union Europeo y Nationale Post Lotterij, di cual a logra obtene ambos fondo y asina a crea material relevante, sostenibel y duradero pa e profesionalnan na Aruba.
Segun e mandatario, e toolkit digital di Codigo di Proteccion ta un muestra cla di colaboracion y cooperacion di hopi profesional den e cuater sectornan; husticia, social, salubridad y enseñansa, cu ta kere den traha preventivo riba e topico delicado di abuso di mucha. E toolkit aki ta e prome paso concreto di e centro di experticio di Departamento di Mucha y Hoben, caminda ta structura un forma di traha profesional pa keda “up to date” cu e conocemento riba e tema di abuso di mucha.
Di e forma aki ta percura pa e conocemento y e habilidad di e profesionlanan sigui expande pa traha cu e cinco pasonan di Codigo di Proteccion. Banda di esaki, e supervisornan di codigo por uza esaki durante training, curso of reunion den nan organisacion.
E topico di abuso di mucha ta uno hopi delicado, y mester haya su debido atencion. A base di esaki, tin diferente iniciativa cu a wordo tuma y a wordo implenta caba, manera e Codigo di Proteccion, pero tambe e “richtlijnen” di Ministerio Publico pa loke ta trata casonan di abuso sexual, a wordo adapta y ta mas estricto. Segun e mandatario, actualmente, ta trahando duro riba ubicacion di Family Justice Center, y pa prome bes Aruba tin un medico forensico. Tambe, a haci cierto cambionan den ley, y a percura pa diferente curso pa nos profesionalnan.
E solucionnan poco poco ta hayando forma y ta tempo pa actua debidamente, y nos tur ta hunga un rol sumamente importante den esaki y p’esey ta importante pa keda haci innovacion den loke nos ta haciendo diariamente. Pues, cu e introduccion di e toolkit, nos ta duna contenido na e palabra innovacion.
Segun e mandatario, e paso aki ta uno importante, mirando cu e trabou cu henter e cadena hudicial, social, salubridad y enseñansa ta eherce, ta “mensenwerk”. Na final di dia, por introduci cambio di maneho, cambio di ley, pero bo mester inverti den e profesionalnan cu ta haci e trabou. Pues, a traves di e toolkit aki, ta inverti na un manera duradero den nos profesionalnan cu ta haci e trabou importante pa siguridad di nos muchanan.
Gobierno ta trahando riba plannan pa conmemora 150 aña cu a aboli sclavitud na Aruba
ORANJESTAD – Diahuebs 8 di juni a tuma luga na Archivo Nacional Aruba (ANA) un encuentro cu diferente stakeholder riba e tema Historia di Sclavitud na Aruba. Na e encuentro aki, Prome Minister Evelyn Wever-Croes a representa Minister Xiomara Maduro y a informa e stakeholders di e trabounan cu ta wordo haci riba e tema aki.
Minister Wever: Tin registracion di credito a traves di un instancia manera BKR ta haci na Hulanda
ORANJESTAD - Minister di Asuntonan Economico, mr. Geoffrey Wever, a tene un reunion cu Bureau Krediet Registratie (BKR) na Hulanda. Sr. Peter van den Bosch, kende ta e CEO di Stichting BKR, a comenta riba e hecho cu na Hulanda ya caba tin registracion di credito y comparticion di informacion tumando luga boluntariamente entre mayoria instancia financiero, mientras awo numa ta formalisando legislacion. Na Aruba a logra pasa e ley cual ta e fundeshi pa por cuminsa cu e proceso di structura e registracion apropiadamente.
Wever: Carta di gremionan comercial a causa mas ‘confusion’ envez di 'claridad'
ORANJESTAD – E carta cu gobierno a ricibi diaranson di ‘aclariacion’ di e gremionan comercial riba e asunto di level playing field, a confundi mas cu aclarea. Asina e prome mandatario a cuminsa bisa den su contesta. Tabata diaranson 7 di juni, cu e prome mandatario a ricibi un carta di gremionan cu e topico ‘Aclariacion’. Prome Minister diahuebs 8 di juni a contesta e carta aki y a manda pa gremionan indicando na nan cu e carta ricibi for di gremionan a causa mas confusion cu aclariacion pa cua motibo tambe Prome Minister pa medio di e carta manda na gremionan, ta trece aclariacion riba e rapport “Level Playing Field”.
Wever: Post Aruba mester ahusta su "business model" pa e por prospera
ORANJESTAD - Post Aruba mester ahusta su "business model" pa e por prospera. Esaki ta pensamento di e minister encarga, Geoffrey Wever e siman aki. Wever a atende un reunion cu Post.nl na Hulanda recientemente pa e.o. busca manera pa transforma Post Aruba den un compania rendabel, apesar di e presion enorme cu e industria postal internacional ta enfrenta.
Minister a adapta maneho pa specialistanan cu ta scars pa traha na Aruba
ORANJESTAD - Den cuadro di e scarsedad grandi cu tin internacionalmente, minister Dangui Oduber a adapta maneho pa specialistanan cu ta scars pa traha na Aruba. Segun e mandatario, Aruba tambe ta experiencia retonan pa recruta y retene cierto specialistanan medico cu tin un diploma reconoci pa ley. Pa por garantisa e continuidad di cuido y a peticion di instancianan di cuido, Minister Oduber, a publica un maneho nobo pa por garantisa calidad den e proceso pa specialistanan cu a finalisa nan specialismo den exterior na universidadnan cu ainda no ta reconoci pa ley por wordo admiti pa traha na Aruba y registra nan mes den un registro aparte. Actualmente ya caba e specialistanan aki ta haya un excepcion temporal di un anja pa traha na Aruba na un instituto di cuido, conforme un MB. E exception por wordo renoba te cu un maximo di 4 aña, despues di esaki e specialista medico mester cumpli cu e requisitonan conforme cu e ley di AruBIG pa por mantene su registracion.
Gobierno a anuncia compensacion pa frena posibel inflacion causa pa aumento BBO
ORANJESTAD - Durante conferencia di prensa di Gobierno, Prome Minister Evelyn Wever-Croes a elabora riba e diferente compensacionnan cu gobierno lo introduci pa comunidad di Aruba, na momento cu introduci e BBO na frontera. Manera Prome Minister a menciona anteriormente, IMF a publica un rapport indicando cu inflacion na Aruba ta bahando, pero debi cu e BBO na frontera por causa un inflacion di 0.7%, a tuma e decision di bin cu cierto compensacionnan.
Follow NoticiaCla
