- Joran vd Sloot na Merca a declara su mes no culpabel di extorsion
- Conocido personahe den farandula y Catochi na Corsou, 'Joe Black' a fayece
- Ex-trahador di DIMP a keda deteni pa a tuma placa bou mesa
- Banco Central di Aruba ta mantene e reserva obligatorio na 25,5 porciento
- Gobierno ta trahando riba plannan pa conmemora 150 aña cu a aboli sclavitud na Aruba
Schlipken (ATA): Aruba y Colombia ta comparti lasonan di e.o. turismo, economico y comercial
BOGOTA - Na ocasion di 40 aniversario di A.T.A. na Colombia, director di A.T.A. Latino America, Jordan Schlipken a elabora riba e posicion importante cu Colombia tin pa Aruba y e conexion entre e dos paisnan. No tin ningun duda cu Aruba y Colombia ta comparti lasonan economico y comercial, cultural, di salud y mas cu claro - di turismo.
Den transcurso di e ultimo decadanan, e ekipo di A.T.A. a traha duro pa crea un legado exitoso di promove nos isla na e mercado Colombiano, hunto cu socionan den e mercado. A.T.A. ta premira cu e cantidad di bishitante cu Aruba lo ricibi for di Colombia y Latino America lo sigui crece den e aña nos dilanti, mirando e aumento den cantidad di vuelo y asiento cu ta conecta Aruba cu Bogota y Medellin y tambe e introduccion di un ruta nobo entre Aruba y Cali.
E exito aki ta resultado di trabao incansabel durante e ultimo 40 añanan y e confiansa den e producto Aruba. Sigur no por keda sin reconoce e rol importante di e ekipo y ex-directornan di A.T.A. Colombia y Latino America.
Jordan Schlipken ta mira dilanti cu e mesun determinacion pa sigui cosecha e bon relacion entre Aruba y Colombia, particularmente den e sector di turismo y negoshi. Recientemente Schlipken a keda apunta como miembro di hunta di directiva di Holland House pa aña 2023 - 2024. E meta principal di Holland House ta pa promove colaboracion y cooperacion entre empresarionan Hulandes y Colombiano, stimulando asina e oportunidadnan di negoshi entre Colombia, Aruba, Curaçao, St. Maarten y Reino Hulandes.
Esaki ta un paso importante pa sigui fortalece e conexion entre Aruba y Colombia, y ta seya e compromiso di parti di A.T.A. pa sigui inverti den e mercado Colombiano y asina logra e obhetivo di aumenta e cantidad di bishitante for di Colombia y Latino America mas ainda den futuro, creando mas diversificacion.
Joran vd Sloot na Merca a declara su mes no culpabel di extorsion
BIRMINGHAM – E sospechoso principal den caso di desaparicion di Natalee Holloway na 2005 na Aruba a declara su mes no culpabel di extorcion y estafa den un corte federal na Merca diabierna mainta. Asina e portal di noticia Mericano Fox News a raporta. Van der Sloot a yega Merca diahuebs riba un avion di FBI for di Lima, Peru, pa confronta cargonan contra dje di extorcion y estafa/fraude. Manera programa, e mester a presenta dilanti un huez federal awe diabierna. Despues e caso mes lo tuma lugar y e ora ta haya sa si van der Sloot ta keda sentencia of absolvi di e cargonan. Kico cu pasa, ora cu e caso termina, e lo mester bolbe Peru pa caba sinta su castigo di prizon di 28 aña pa asesinato di e Peruana Stephany Flores na 2010 na Peru.
AP: Joran vd Sloot ta riba avion rumbo pa Merca pa cargo di extorcion y estafa
LIMA — Joran van der Sloot, e sospechoso principal di e desaparicion di e Mericano Natalee Holloway na Aruba na 2005, ta riba avion rumbo pa Merca pa cargo di extorcion y estafa, segun Interpol Peruano. Van der Sloot a keda entrega awe mainta na FBI, cu a pone mesora riba avion rumbo pa Merca. Esaki a sosode den careda di 8:15am ora local for di un base militar na Lima, Peru. Mas prome awe mainta, noticiacla a raporta caba cu e avion di FBI cu tin cu transporta Joran van der Sloot, acusa di extorsion y estafa contra famia di e Mericano desapareci na Aruba na 2005 Natalee Holloway, a yega Peru diaranson. E intencion ta pa awe diahuebs vd Sloot wordo transporta bek pa Merca. EE la bandona prizon Piedras Gordas prison y a yega aeropuerto internacional Jorge Chavez International Airport na Callao, Peru diahuebs mainta. Vd Sloot lo wordo transporta pa Birmingham, Alabama pa confronta e cargonan menciona contra dje.
Joran vd Sloot a yega aeropuerto di Peru pa wordo transporta pa Merca
LIMA – E avion di FBI cu tin cu transporta Joran van der Sloot, acusa di extorsion y estafa contra famia di e Mericano desapareci na Aruba na 2005 Natalee Holloway, a yega Peru diaranson. E intencion ta pa awe diahuebs vd Sloot wordo transporta bek pa Merca. EE la bandona prizon Piedras Gordas prison y a yega aeropuerto internacional Jorge Chavez International Airport na Callao, Peru diahuebs mainta. Vd Sloot lo wordo transporta pa Birmingham, Alabama pa confronta e cargonan menciona contra dje.
Lider evangelista influencia Christian Mericano Pat Robertson a fayece
MIAMI – E evangelista conservativo Mericano Pat Robertson a fayece nae dad di 93 aña diahuebs. E la moderniza e derecho christiano na Merca y a cultiva un seguimento masivo nacional, y hopi biaha mester a soporta critica pa su declaracionan politico. E ta fundador di su propio canal religioso Christian Broadcasting Network y tabata un di e comunicadornan mas influencial y prominente Christian na Merca.
Papa Francisco hospitalisa pa operacion di tripa na Roma
VATICANO – Papa Francisco a keda interna den hospital pa un operacion di tripa, segun Vaticano. E operacion lo tuma lugar completamente bou di narcotica y e papa lo mester keda algun dia den e hospital Gemelli na Roma. E operacion mester cura un dolor den e tripanan di e sumo pontifice. Parce cu e papa ta sufri di hernia tambe. Den 2021 caba e papa a opera na tripa unda cu un parti di su tripa diki a word saca.
Ex vice Presidente Mericano Pence a lansa su candidatura presidencial Mericano pa 2024
DES MOINES — Ex vice presidente Merican Mike Pence a anuncia su candidatura pa eleccionan presidencial Mericano di 2024. Riba su di 64 cumpleaños diaranson, e ex gobernadora di Indiana y ex congresista pa 6 termino, a anuncia cu e ta bay pa e funcion maximo, den un video di 2 minuut y mei, criticando actual presidente Mericano Joe Biden, cu tambe ta bay pa re-eleccion otro aña.
Follow NoticiaCla
