Aruba Tourism Authority a conmemora 40 aña di presencia na Colombia

Aruba Tourism Authority a conmemora 40 aña di presencia na Colombia

Posted on 05/25/2023 2:34 pm AST | Updated on 05/25/2023 2:37 pm AST

ORANJESTAD - Aruba Tourism Authority a conmemora e 40 aña di existencia di su oficina na Colombia e siman aki. Na e ocasion special aki a reflexiona riba tur e exito alcansa durante e ultimo decadanan y alabes a reconoce y gradici tur partner y colaborador cu a haci e logro aki posibel. 

E oficina di turismo di Aruba na Colombia a habri su portanan na aña 1983 cu e meta pa promove Aruba como un paraiso turistico y posiciona nos isla como un destinacion preferi cerca bishitantenan Colombiano. 

Ronella Croes, CEO di A.T.A ta mira bek riba e ultimo 40 añanan cu un sentimento di orguyo y satisfaccion. E retonan cu A.T.A. a enfrenta durante e trayectoria aki a pusha A.T.A. pa bira mas creativo den desaroyo y implementacion di strategianan di mercadeo na Colombia - un pais cu ta habri portanan y conecta Aruba cu e resto di Sur America. Danki na esfuersonan continuo y dedicacion di tur envolvi, awe Aruba por conta cu un fluho constante di bishitante for di Colombia. 

For di 1980 te cu december 2022, un poco mas cu 700,000 turista Colombiano a bishita Aruba, cu ta representa 3% di e 27,000,000 di bishitante cu nos isla a ricibi for di Latino America. Na aña 2022, Aruba a yama bonbini na 1,170,000 turista y di esakinan 370,000 tawata procedente di Colombia, representando 3% di e mercado global. Pa aña 2023, A.T.A. ta proyecta un recuperacion di 105% compara cu aña 2019, cual tawata e miho aña prome cu pandemia. 

E recepcion a conta cu presencia di varios invitado special, entre otro e Embahador di Reino Hulandes, Ernst Noorman, presidente di Anato, Paula Cortés Calle, Minister di Asuntonan Economico, Comunicacion y Desaroyo Duradero di Aruba, Geoffrey Wever, Director di Holland House Colombia, Jan Willem van Bokhoven, director actual di A.T.A. Latino America Jordan Schlipken, ex-directora di A.T.A. Colombia, María Victoria Galán.

Ronella Croes a extende palabranan di gratitud y aprecio na tur cu di un manera of otro a colabora cu oficina di turismo di Aruba durante tur e añanan pa por logra e cifranan aki. “Mi kier gradici tur nos partnernan strategico, tanto aerolinea como tour operators y agencianan di biahe cu a apoya y promove Aruba durante e ultimo 40 añanan”, tawata palabranan di e CEO. “Danki pa e confiansa, pa permiti nos habri rutanan nobo y pa boso entusiasmo y compromiso pa bende e producto Aruba. Ronella a gradici medionan di comunicacion y creadornan di contenido tambe, cu ta sigui inspira e mercado Colombiano pa bin disfruta di nos isla feliz.

Durante e recepcion a entrega un reconocimento tambe na Embahador di Reino Hulandes na Colombia, pa gradicie pa su esfuersonan y colaboracion na Aruba y Ofician di Turismo di Aruba.  

  • Presidente di Colombia kier acuerdo pa transito di turista entre La Guajira, Aruba y otro islanan

    Presidente di Colombia kier acuerdo pa transito di turista entre La Guajira, Aruba y otro islanan

    BOGOTA – Presidente di Colombia Gustavo Petro ta buscando un acuerdo pa e transito di turista entre La Guajira, Aruba y otro islanan. Asina e la declara diamars na occasion di e reunion cu Reina Maxima di Hulanda na e Cas di Nariño. Maxima ta eynan den su calidad di asesora special di Secretario General di Nacionan Uni paInclusion Financiero.

  • Cft: For di 2010, Sint Maarten no a logra stipula su presupuesto na tempo

    Cft: For di 2010, Sint Maarten no a logra stipula su presupuesto na tempo

    PHILIPSBURG – For di 2010, Sint Maarten no a logra ningun aña stipula su presupuesto na tempo. E aña aki, e situacion ta mescos. Debi na esey, ta falta un marco pa por gasta fondonan y haci inversionnan nobo. P'esey, Cft ta urgi gobierno pa yega mas pronto posibel na un presupuesto stipula pa 2024.

  • Mayoria candidato pa minister na St. Maarten ta conoci

    Mayoria candidato pa minister na St. Maarten ta conoci

    WILLEMSTAD - Poko poko pero sigur e kandidatonan pa puestonan di minister na St. Maarten ta birando konosí. Gobernadó Ajamu Baly a nombra lider polítiko di partido URSM,e yu di Kòrsou dr. Luc Mercelina e formadó di e próksimo gabinete di St. Maarten despues ku partidonan URSM, DP, PFP i NOW a firma un akuerdo di intenshon pa traha huntu.

  • Marlin: Autonomia ta status temporal na caminda pa independencia di St. Maarten

    Marlin: Autonomia ta status temporal na caminda pa independencia di St. Maarten

    WILLEMSTAD - E status outónomo den Reino ku St. Maarten a optené na 10 òktober 2010 ta un kambio temporal den e status konstitushonal di e isla na kaminda pa independensia. Asina èks lider polítiko, promé minister i parlamentario pa partido  National Alliance (NA), William Marlin a bisa djabièrnè último den parlamento.

  • Parlamento nobo di St. Maarten ta tuma asiento awe

    Parlamento nobo di St. Maarten ta tuma asiento awe

    PHILIPSBURG - E parlamento nobo di St. Maarten ta tuma asiento awe, 7 febrüari. Parlamento ta bini huntu den un reunion públiko awe mainta 10’or pa asina kontrolá kredensial di e miembronan ku ta bai drenta. Tambe lo sera e periodo parlamentario 2020-2024.

  • Dos Mericano riba crucero na caminda pa Aruba, evacua na Colombia

    Dos Mericano riba crucero na caminda pa Aruba, evacua na Colombia

    CARTAGENA – Armada di Colombia a evacua dos ciudadano Mericano cu complicacion di salud, abordo di e barco crucero Celebrity Beyond cu tabata riba ruta Panama -Aruba. E capitan a bati alarma ora cu nan tabata den cercania di Cartagena y cu e dos personanan a bira malo. Ta trata di pasaheronan adulto mayor femenino. Unabez na tera, a transporta nan pa hospital pa tratamento medico. E barco crucero en cuestion mes a yega Aruba diadomingo 4 di februari 2024, esta ayera mainta, y a bandona nos isla 11or di anochi. 

  • Powered by SETAR