- Asociacion di joyero di Aruba ta bati alarma pa BBO na frontera
- Joran vd Sloot na Merca a declara su mes no culpabel di extorsion
- Conocido personahe den farandula y Catochi na Corsou, 'Joe Black' a fayece
- Ex-trahador di DIMP a keda deteni pa a tuma placa bou mesa
- Banco Central di Aruba ta mantene e reserva obligatorio na 25,5 porciento
Adkins: Ta spera casi 8000 bishitante na Aruba pa Soul Beach Festival 2023
ORANJESTAD – Tur cos ta cla pa e di 21 edicion di Soul Beach Music Festival cuminsa diabierna. Segun e promotor ehecutivo di e evento, Mark Adkins a bisa Noticiacla e siman aki den e programa ‘Noticiacla LIVE’, nan ta spera casi 8000 bishitante cu ta bin pa Aruba pa e festival. Mas sigur ta trata di 7.800 bishitante, cu ta mas cu e 7100 bishitante cu a yega Aruba aña pasa pa mira e festival. Y esey ta cu aña pasa tabatin e cantidad record cu e festival a yega di haya durante sus 21 aña di existencia. E forma con por confirma e cifra, ta basa riba benta di ticket. Y nan por saca afor exacto cuanto hende a cumpra entrada, y di unda y for di ki area. Logico cu nan mester e ora biaha pa Aruba pa por presencia e concierto. Ta conoci cu pa tin sosten di patrocinahe di oficina di turismo di Aruba ATA, nan mester por cumpli cu un cantidad specifico di persona cu ta bin Aruba pa e festival. Y tur aña nan a sa di surpasa e cantidad rekeri. Tabata notable cu te hasta for di Panama, via Copa Airlines, tabatin bishitantenan yegando Aruba e biaha aki, djis pa e festival. Organisadornan ta kere cu esaki ta debi cu e coneccion ta mas practico pa bishitantenan di p.e. California y otro areanan mas remoto.
ARTISTANAN
E artistanan aliña pa e aña aki ta entre otro The Roots, Jill Scott, Lucky Daye, Anthony Hamilton, Deon Cole & Tiffany Haddish. Entre nan tin comediantenan cu lo presenta e diabierna 26 di mei den e anochi di comedia na Renaissance Festival Arena, mientras cu pa diasabra 27 y diadomingo 28 di mei tin tambe e aliña di artista The Roots and Anthony Hamilton Jill Scott and Lucky Daye.
Asociacion di joyero di Aruba ta bati alarma pa BBO na frontera
ORANJESTAD – E asociacion di joyeronan na Aruba a bati alarma diabierna, mandando un carta pa presidente di Parlamento, riba e ultimo informe relaciona cu e reforma fiscal. E reforma den e forma actual, por tin consecuencia cu e negoshinan en cuestion, y cu nan, 500 miembro di famia directamente, y economia di Aruba. Asina e carta dirigi na Parlamento ta cuminsa bisa.
Banco Central di Aruba ta mantene e reserva obligatorio na 25,5 porciento
ORANJESTAD - Conforme e tarea di e Comite di Maneho Monetario (CMM) pa evalua, determina y duna transparencia riba e accionnan di maneho monetario di Banco Central di Aruba (BCA), BCA ta comunica lo siguiente. Durante e reunion di 25 di april 2023, CMM a dicidi pa mantene e tasa di e reserva obligatorio na 25,5 porciento entrante 1 di mei 2023. Di e manera aki, e banconan comercial mester tene un balansa minimo na BCA cu ta igual na 25,5 porciento di e depositonan riba termino cortico di nan clientenan. E decision pa mantene e reserva obligatorio na 25,5 porciento ta basa primordialmente riba un caida den e estimacion di likides excesivo di e sector bancario comercial na fin di maart 2023 compara cu december 2022. BCA ta sigui monitorea e desaroyo den e likides excesivo y lo por dicidi di cambia e tasa di reserva obligatorio, si ta considera esaki necesario.
ATA a reuni cu VRBO y Airbnb na New York pa yuda e.o. cu coleccion di impuesto localmente
ORANJESTAD / NEW YORK - Aruba Tourism Authority (A.T.A.) a culmina un bishita na New York e siman aki, unda a pone enfoke riba e topico di ‘Vacation Rentals’ / ‘Short term rentals’. Ronella Croes, CEO di A.T.A. y Dyane Vis-Escalona, Business Manager di A.T.A. a reuni cu entre otro Tim Rosolio kende ta Vice Presidente di Vacation Rental Partner Success na Expedia Group (bou di cual e plataforma di VRBO ta resorta) y Carlos Munoz di Airbnb cu ta encarga cu ‘Public Policy’ pa e area di Centro America y Caribe. Carlos a wordo acompaña pa Liliana Herrera kende ta ‘Head of Transparency and Personal Data Proteccion’. Ambos plataforma ta masha popular y hopi prominente ora ta trata oferta di acomodacionnan alternativo -incluzo na Aruba.
Gremionan comercial a refuta declaracion di gobierno di rapport ‘level playing field’ riba BBO
ORANJESTAD – Gremionan comercial diaranson a protesta contra un declaracion cu e prome minister di Aruba Evelyn Wever a haci dialuna ultimo relaciona cu e cobransa di BBO na frontera. Segun Wever, ta propio gremionan lo a aproba e rapport di e asina yama ‘level playing field’, esta pa pone tur cos na nivel igual pa tur hende por competi igual. Segun e gremionan, cos no ta asina pa cual nan a manda un carta den nomber di varios gremio, den cual nan ta aclaria cu nan no a aproba e rapport final di “Level Playing Field” di Oktober 2022. “Loke si nos tur a aproba ta un declaracion (encl. 1) pa laga hasi un onderzoek y traha un rapport. Ora e rapport a keda cla nos como gremio no a aproba e rapport final, pasobra nos no tawata di acuerdo cu tur punto presenta den e rapport” e gremionan ta sigura. “Al final KVK a manda e rapport sin aprobacion di tur gremio y nan inclui e lista di firma di e declaracion original (encl 2). E declaracion original no ta representa aprobacion di e rapport” e gremionan ta sigui bisa, y ta bisa adema cu nan ta spera minister presidente Wever-Croes MinPres tuma consideracion di nan carta adhunto.
Opinion: Reaccion di Vacation Rental Professionals Aruba riba e informe huurmento di casnan vacacional y capacidad di carga
IMF: Economia di Aruba a bounce bek fuerte pero debe publico ta sigui halto
WASHINGTON – E actividadnan economico (di Aruba) a bounce bek fuerte mientras cu e efecto di pandemia a mengua. Tambe e balansa fiscal a mehora pero e debe publico ta sigui halto. Asina e ekipo di Fondo Monetario Internacional (IMF) a publica den nan asina yama declaracion di conclusion di e mision dialuna (awe), lidera pa miembro di e ekipo di IMF Takuji Komatsuzaki. E ekipo a bishita Aruba recientement entre 22 di mei pa 2 di juni, y awe a pubklica nan conclusion. Gobierno di Aruba dialuna mesora a opta pa desvia di nan temanan original di conferencia, pa asina por a adresa e tema di IMF a cambio. Nan a saca nan propio comntario di e relato di IMF tambe despues.
Follow NoticiaCla
