Minister di Aruba a efectua apertura di ‘Aruba Office’ na ‘Holland House’ na Colombia

CARACAS – Segun Guardia Costera di Venezuela, na 2022 un total di 48 persona a muri purbando di yega islanan ABC. Asina e portal La Patilla ta raporta. E cifra a keda suministra den e informe anual di e institucion, entrega na Parlamento di Hulanda, via minister Hulandes di defensa Kasja Ollogren. Segun e documento, un 11 persona mas ainda ta registra como ‘desapareci’. E documento no ta specifica e nacionalidad di e personanan aki.   Entre Januari y December 2022, Guardacosta a detene 170 persona cu tabata purba yega e islanan di un forma iregular, sin documentacion cu por a permiti nan keda. Tambe ta mustra cu e trafico of contrabanda di persona a aumenta na 2022 compara cu e añanan anterior, ora cu a relaha e control implanta pa asina impedi e extencion di Covid19. “E cantidad di migrante indocumenta haya pa Guarda Costa tabata mas cu na 2021. Como tal e ministerio di defensa Hulandes a recomenda un monitoreo mas preciso di hende rescata den e area di servicio aeronautica di rescate (SAR), cu ta yega e islanan den forma independiente, y ta muri of disparce’. E mesun rapport ta indica cu den henter e Cuenca di Caribe, 287 persona a disparce aña pasa so. 

ORANJESTAD - Aruba Tourism Authority a conmemora e 40 aña di existencia di su oficina na Colombia e siman aki. Na e ocasion special aki a reflexiona riba tur e exito alcansa durante e ultimo decadanan y alabes a reconoce y gradici tur partner y colaborador cu a haci e logro aki posibel. 

CARACAS - Union Panamericano y di Caribe pa Derecho Humano (Pacuhr) ta profundamente preocupa pa e impacto cu e reapertura di frontera cu Venezuela por tin pa cu e Venezolanonan den situacion migratorio ‘iregular’. Asina e instancia aki a bisa pa medio di un comunicado. “ Nos preocupacon ta centralisa den e apertura di e frontera di Aruba y Corsou cu Venezuela, y cu esaki por genera aprehencion masivo y expulsion di Venezolanonan den situacion migratorio iregular, cu ta crea un inopservancia di ordenamiento huridico internacional”. Nan ta representa como 89 organisacion di Sociedad civil na Merca, Caribe y Europa. E gobiernonan di e islanan ABC, Venezuela y Hulanda a subraya e aspectonan posi tivo di e reapertura, specialmente e parti comercial. “Sinembargo no a ofrece mucho detaye di con nan lo atende cu e crisis migratorio. 

SABA – Secretario di estado Hulandes Alexandra van Huffelen a yega e isla di Saba despues di a bishita Bonaire, como part di ssu bishita na e islanan BES pa e.o. cera conoci cu e gobiernonan local instala despues di e ultimo eleccion na maart 2023. Awe diaranson anochi nan ta biaha pa Statia riba e Makana Ferry. E mandatario ta caba su bishita di e islanan na St Maarten pa reuni cu e tres gobernadornan di Aruba, Corsou y St Maarten. 

DEN HAAG – Secretario di estado Hulandes Alexandra van Huffelen a inicia un bishita di un siman na islanan BES y St Maarten, esta Bonaire, Saba, Statia y St Maarten. Esaki ta e prome bishita desde cu e islanan BES tabatin nan eleccion insular na maart ultimo. Durante e bishita aki e mandatario lo cera conoci cu e gobiernonan insular nobo di cada isla. 

SANTO DOMINGO – E proveedor di navegacion Caribense, esta  Dutch Caribbean Air Navigation Service Provider (DC-ANS) a confirma cu e aeroliña Dominicano Arajet lo continua normalmente cu su operacion pa Aruba, Corsou y St Maarten. Informacion inicial di cancelacion di operacion tabata un bruhacion y confusion interno di comunicacion. Noticianan anterior a rapora cu e aeroliña lo a para su operacion pa e destinacionan menciona. A resulta cu tabata un asunto di pago avansa unda cu algo a bay fout, unda cu DC-ANS no a haya su pagonan. A resulta cu tabata un suma extra cu a wordo cobra separadamente y no debita di e suma prepaga. Y e notificacion di e cargo adicional nunca a wordo ricibi pa aeroliña. Consecuentemente e departamento a suspende e operacion. “E ekipo di Arajet a tuma medida corectivo dentro di su canal comunicativo mesora pa preveni situacionan similar den futuro” e compania a bisa.