RST a detene Parlamentario Rolando Bryson na St Maarten pa soborno

DEN HAAG - Sekretario di Estado Van Huffelen di Asuntu Interno i Relashon den Reino a nombra sr.  E.E. (Edison) Rijna komo representante spesial na Hulanda Karibense pa fondonan di Union Europeo, Fondonan di  Nashonnan Uni i asuntunan ekonómiko pa loke ta trata Latino Amérika. Sr. Rijna ta kuminsá dia 18 aprel 2023 den su funshon nobo i na mes momentu lo baha komo gezaghèber di Entidat Públiko Boneiru. 

AMUAY – Dos tankero a dal contra otro cerca di Amuay den fin di siman, pero por a sigui navega despues. Danki Dios e no tabata algo serio cu por a causa un derame petrolero. Ta trata di e tankeronan Kerala y Bueno. E daño ta minimal. E choke a tuma lugar durante un situacion di transferencia den e area panort di Amuay, basta cerca di Aruba. Despues di un inspeccion, e tankero Kerala por a sigui nabega Noord oost di Aruba, pa un destinacion desconoci. Bueno ta un tankero sanciona pues e ta prohibi pa sigui nabega y por keda solamente den awa territorial Venezolano. 

KRALENDIJK  - Partidonan politico M21 i Demokrat na Boneiro a kaba di firma un akuerdo di kooperashon di frakshon. E dos partidonan ta topa otro riba diferente punto pa gobernashon i ta dispuesto pa kolaborá ku otro pa fiha un fundeshi sólido. E kambio ku Boneiru a indiká durante elekshon di 15 di mart último ta opvio, i huntu M21 i Demokrat por medio di e akuerdo ta dispuesto pa traha pa Boneiru. 

SABA—The Windward Islands People’s Movement (WIPM) di Bruce Zagers a gana e eleccion di conseho insular na e isla di Saba diaranson cu 3 asiento. E partido nobo Party for Progress, Equality and Prosperity (PEP) di Saskia Matthew a sigura 2 asiento. Na tur 1040 voto tabata valido di cual 617 a bay pa   WIPM y 324 pa PEP. Pa haya un asiento, partidonan mester a haya por lo menos 208 asiento. E lista blanco di Dave Levenstone, a ricibi 95 voto y e partido nobo Saba Caring People Party di Enrico “Cuchie” Klaber a ricibi apenas 4 voto. Algo despues di 11’or di anochi, gobernador Jonathan Johnson a anuncia e resultado preliminar. Ademas a anuncia e lista di e 5 miembronan provisional di e conseho insular cu ta  Hemmie van Xanten (PEP) cu 26 voto, Saskia Matthew (PEP) cu 137 voto, Eviton Heyliger (WIPM) cu 122 voto, Rolando Wilson (WIPM) cu 84 voto y Bruce Zagers (WIPM) cu 191 voto.

KRALENDIJK – E partido cora Democraat (Partido Demokratico Boneriano) a gana e eleccion na Bonaire diaranson. Despues di tur e votonan conta, e partido a logra haya 4002 voto cu ta bon pa 3 asiento limpi. E partidonan actualmente formando un coalicion, esta UPB y MPB a logra 2902 y 2038 voto respectivamente, cu ta bon pa 3 (2 +1)  y 2 (1+1) asiento respectivamente. E partido nobo M21 a logra 979 voto den su prome salida, cu ta bon pa 1 asiento danki na e sistema di restzetel. E resultado ta preliminar ya cu e resultado oficial tin cu keda estableci ainda. E otro partidonan UPP y URP cu 267 y 63 voto respectivamente no a logra haya asiento.

KRALENDIJK – Dia 15 di mart pa 10 ‘or di mainta gezaghebber Edison Rijna a depositasu voto pa eleccion di CKonseho Insular na e sitio nobo pa vota pega cu aeropuerto. Den curso di dia gezaghebber lo vota tambe pa Colegio Electoral Tia Sani na Rincon. Door di duna e bon ehempel gezaghebber ta spera cu tur hende cu tin mag di vota, ta haci uso di nan derecho di vota mas tempran posible.