- Mr. Brandon Croes a huramenta awe como abogado
- Productor Arubiano di cine internacional Jo Henriquez ta den Noticiacla LIVE awe nochi
- Mike Eman riba crisis interno di AVP: ‘Tin calmo pero no tin solucion ainda’
- DVG ta en busca di encuestador y prikker pa yuda cu investigacion di salud national STEPS
- Polisnan ta bon prepara pa Semana Santa
Gobierno a extende moratorium pa permiso nobo di transporte publico
ORANJESTAD - Gobierno di Aruba diamars a anuncia cu a extende moratorium pa permiso nobo di transporte publico cu 6 luna mas. Segun e mesun informacion,Universidad di Aruba recientemente a conduci un estudio riba e capacidad di carga di permiso di transporte publico. E estudio a enfoca riba determina e cantidad actual di permiso di transporte publico disponible den e mercado y a ser conduci door di entrevista diferente stakeholder den e industria, manera chauffeur y usuario local y turista. E resultado di e estudio lo ser usa pa Ministerio di Transporte pa desaroya un maneho nacional integral di transporte publico.
Den maart 2022, Conseho di Minister a aproba un moratorium pa limita e cantidad di permiso di transporte publico nobo emiti, incluyendo esakinan pa taxi, bus, vehiculo di turismo, transporte incontrola, auto di huur y motocicleta di huur. E cantidad maximo di permiso a ser ahusta y a bira efectivo riba 1 di maart 2022 y lo a keda na vigor pa un aña. E ultimo maximo (moratorium) tabata basa riba data for di 27 di september 2017 y a termina 26 september 2019.
Recientemente, Conseho di Minister a aproba un proposicion di Minister di Transporte sr. Ursell Arends, pa extende e moratorium, cual ta aplica solamente na peticion di permiso nobo y ta exclui renovacion di permiso existente of traspaso di permiso segun reglanan y maneho vigente. E “capping” di tur licencia di transporte tambe lo wordo extendi cu 6 luna.
Segun Gobierno di Aruba, e resultado di e estudio cu data concreto lo yuda establece un miho maneho pa transporte publico. E estudio di Universidad di Aruba ta brinda un bista integral di e industria di transporte publico, permitiendo pa Ministerio di Transporte tuma decision informa y desaroya un plan sostenibel pa futuro. “Door di limita e cantidad di permiso di transporte publico nobo, gobierno ta bai maneha e crecemento di e industria y asegura su exito continuo”.
Mike Eman riba crisis interno di AVP: ‘Tin calmo pero no tin solucion ainda’
ORANJESTAD – E asina yama ‘crisis’ interno den partido politico berde AVP ainda no a resolvi. “Tin calmo pero no tin solucion ainda” e lider di partido, Mike Eman a declara dialuna anochi despues di partijraad na e medio 24ora.com. Segun Eman a declara na e medio en cuestion, tabatin un bon combersacion y reunion, pero no a resolve e asunto ainda. No a bisa exactamente cuanto lo dura mi mas detayes. Mes momento e lider a probecha pa clarifica algun asunto cu tabata circula pafo. Entre nan, cu contrario na informacion, ta mesora a cuminsa atende cu e asunto, enverz di e storia cu tur hende ‘a bay sconde’. Por lo menos, asina Eman a laga sa.
Arends: No ta duna permiso nobo ni transferi permiso existente pa UTV y ATV
ORANJESTAD – Gobierno di Aruba no ta duna permiso nobo ni transferi permiso existente pa UTV y ATV den transporte publico. Asina e mandatario a informa diamars. Segun e mandatario, durante e ultimo añanan por a nota un aumento di e uso di Utility Task Vehicles (UTV) y All-terrain vehicles (ATV) na Aruba, entre otro por medio di tour turistico. E aumento aki tin varios efecto negativo pa Aruba. E uzo di UTV’s y ATV’s a trece un aumento di accidentenan cu daño fisico y material, daño na nos naturalesa (flora, fauna y propiedadnan geo-morfologico), disturbio pa ciudadanonan (zonido y stof) y obstaculisacion di e fluho di trafico.
Gobierno, APA y Jaxport a firma un MoU pa habri ruta nobo di carga pa Aruba
JACKSONVILLE – E siman aki na Jacksonville, Florida Prome Minister Evelyn Wever-Croes y Minister Dangui Oduber, despues di a reuni cu ehecutivonan di Jaxport, a firma un MoU importante entre Aruba Ports Authority (APA), Jaxport y Gobierno di Aruba cu lo contribui grandemente na e desaroyo economico di Aruba.
Hulpbestuurkantoor San Nicolas ta cera riba awe pa mantencion
ORANJESTAD - Hulpbestuurskantoor (oficina auxiliar di gobierno) =a informa tur su clientenan cu nan oficinanan ta cera riba awe, diabierna 24 di maart 2023 en conexion cu mantencion y upgrade di nan sistema di ICT.
Maduro: Pa prome biaha gobierno lo presenta 'Voorjaarsnota' na Parlamento
ORANJETAD - Pa prome biaha gobierno lo presenta 'Voorjaarsnota' na Parlamento. E siman aki Minister Xiomara Maduro di Finansa a reuni cu Departamento di Finansa pa asina repasa e detayes di locual ta bira e prome 'Voorjaarsnota,' un 'Nota di Comienso di Aña' den cual Parlamento na comienso di aña caba ta wordo informa di e cambionan den Presupuesto.
Video: Ex minister Otmar Oduber ta lanta caso di defamacion contra politico Booshi Wever
ORANJESTAD – Ex minister y actual comerciante Otmar Oduber ta bay lanta un caso di defamacion contra politico Booshi Wever. Asina e ex politico a bisa den e programa Noticiacla LIVE dialuna atardi. Un di e temanan tabata e keho cu Wever a entrega contra dje algun aña pasa, y despues siman pasa a opta pa bay Hof pa protesta decision di Ministerio Publico pa no kier a persigui Oduber. Den e video adhunto, Oduber ta splica su motivacion.
Follow NoticiaCla
