Gobierno a crea departamento nobo: Departamento di Mucha y Hoben

Posted on 01/24/2023 2:50 pm AST | Updated on 01/24/2023 2:52 pm AST

ORANJESTAD - Gobierno di Aruba a crea un departamento nobo:  Departamento di Mucha y Hoben tambe e concepto di ley corespondiente. Segun e argumento pa esaki, crecemento den servicio di Centro di Cuido di Mucha a conduci cu for di 1998 Parlamento di Aruba a aproba un iniciativa di ley pa regula y salvaguardia e cuido y calidad pa muchanan dentro di un centro di cuido di mucha. Gabinete Wever Croes I a pone e implementacion di e ley aki como un prioridad halto riba nan agenda y semper tawata interesa y involucra den e proceso di e trabounan. Gabinete Wever-Croes II a continua cu e trabounan necesario cual a conduci cu awe, Minister di   Asuntonan Social Sr. Rocco Tjon, a anuncia e ehecucion di e ley di centro di cuido di mucha como tambe a oficialisa e Departamento di Mucha y Hoben, exitosamente.

TAREA

Departamento di Mucha y Hoben tin como un di su tarea- y metanan principal pa duna un caracter sostenibel y duradero na tur e derechonan internacional di mucha y hoben, manera ta ancra den e Decretonan di Derechonan Internacional di Mucha, cu Aruba ta forma parti di dje tambe for di 2001. Banda di esaki, Departamento di Mucha y Hoben (DMH) ta traha tambe riba e parti di administracion y registracion nacional y ta otorga permisonan na e centronan di cuido, ta ehecuta e supervision y control riba cumplimento di e condicionnan y e servicionan, manera ta stipula den e ley. E proceso digital di aplica pa un permiso temporario a inicia, a base di e manual di regulacion, cu ya caba a keda presenta na henter e veld aña pasa. 

Asina ta cuminsa traha riba un base mucho mas solido y duradero, unda hunto nos ta percura pa nos muchanan por ta den un ambiente mas sigur y cu ta brinda nan e espacio y guia necesario pa nan por desaroya optimalmente. Esaki ta un sistema digital, pa di un forma mas eficiente y eficaz, yega na e datonan y registracion nacional di e centronan di cuido. No tin duda cu un centro di cuido di mucha ta sumamente importante den desaroyo di un pais, ya cu nan ta aporta na un bon comienso pa e muchanan, tanto den nan carera escolar como ciudadano di e sociedad aki, di cual nan tambe ta forma parti di dje. 

Importante pa menciona si ta cu, na ningun momento e ta e intencion pa sera un centro di cuido di mucha, pero mas bien, brinda e sosten y guia necesario pa cumpli cu e exigencianan minimo pa asina garantisa y salvaguardia e bienestar general, salud, proteccion y desaroyo optimal di nos muchanan. 

 

 

 

  • Gobierno a extende moratorium pa permiso nobo di transporte publico

    Gobierno a extende moratorium pa permiso nobo di transporte publico

    ORANJESTAD - Gobierno di Aruba diamars a anuncia cu a extende moratorium pa permiso nobo di transporte publico cu 6 luna mas. Segun e mesun informacion,Universidad di Aruba recientemente a conduci un estudio riba e capacidad di carga di permiso di transporte publico. E estudio a enfoca riba determina e cantidad actual di permiso di transporte publico disponible den e mercado y a ser conduci door di entrevista diferente stakeholder den e industria, manera chauffeur y usuario local y turista. E resultado di e estudio lo ser usa pa Ministerio di Transporte pa desaroya un maneho nacional integral di transporte publico.

  • Fin di maart 2023 ta traspasa RWZI pa Utilities Aruba NV

    Fin di maart 2023 ta traspasa RWZI pa Utilities Aruba NV

    ORANJESTAD – Pa fin di maart 2023, lo traspasa e Riool Water Zuivering Instalatie (RWZI) na Bubali pa Utilities NV cu na su turno lo traspasa esaki pa un identidad nobo cu lo resorta bou di Utilities NV.  Asina lo privatisa esaki manera cu gobierno a dicidi aña pasa. Asina minister di infrastructura Evelyn Wever Croes a informa durante un conferencia di prensa. Tur cos ta kedando cla pa e traspaso aki, y a pidi poco mas tempo pa esaki tuma lugar. Ademas a sigura cu e situacion na e planta no ta di e mal estado cu e lo por rementa cualkier ora pa otro. E mandatario a sigura cu a haci e inversionan necesario y tambe pa kita e mal holor cu e awa ta produci pa cu e hotelnan. 

  • Prome minister Wever: Lo purba cumpli cu deseo di Prins y Pancho di Carnaval 69

    Prome minister Wever: Lo purba cumpli cu deseo di Prins y Pancho di Carnaval 69

    ORANJESTAD - Diadomingo mainta a tuma luga na Bestuurskantoor e traspaso di mando simbolico pa Prins y Pancho 2023 pa Aruba su Carnaval 69. Prome Minister Evelyn Wever-Croes, den su discurso dirigi na e royalnan di Carnaval y na e publico presente, a expresa cu pa Gobierno di Aruba, e ta un placer y honor pa habri porta di e oficina di gobernacion pa ricibi nos celebridadnan di Carnaval 69. E prome mandatario a sigura cu e la scucha e decreto di e prins y pancho y e deseo cu nan tambe tin. Tur deseo tin su reto, ohala nos por haci tur e cambionan den un cera y habri di wowo, pero nos lo tene cada un di e puntonan ricibi den consideracion, e mandatario a sigui bisa.  Y e prins y pancho grandi tradicionalmente a ricibi e yabi cu ta simbolisa cu nan tin tur e sosten y confianza pa habri y guia nos carnaval 69na nombr di Aruba. Na prins y pancho clásico, Prome Minister a entrega un yabi di ‘spare’ pa por si acaso e prins y pancho grandi jump dimas y perde nan yabi. Tambe, cada monarca a ricibi un pin for di Prome Minister.

  • Wever: UN lo asisti Aruba y region Caribense den avansa desaroyo sostenibel

    Wever: UN lo asisti Aruba y region Caribense den avansa desaroyo sostenibel

    ORANJESTAD – Nacionan Uni (UN) lo asisti Aruba y region Caribense den avansa desaroyo sostenibel. Manera ta conoci, Aruba a ricibi un delegacion di diferente organisacionnan di United Nations cu ta acompañando e Resident Coordinator a.i. di United Nations pa Aruba, Corsou, St. Maarten, Trinidad & Tobago y Suriname, sr. Dennis Zulu den su bishita na Aruba.

  • Agencianan di Nacionnan Uni a reuni cu GO'S y NGO'S na Aruba pa contribui na nos progreso

    Agencianan di Nacionnan Uni a reuni cu GO'S y NGO'S na Aruba pa contribui na nos progreso

    ORANJESTAD - Agencianan di Nacionnan Uni a reuni cu GO'S y NGO'S na Aruba pa contribui na nos progreso. Ta trata di representanten di por lo menos 9 agencia cu ta na Aruba pa reuni cu Gobierno, departamentonan publico y semi-publico y NGO's nan. E meta di nan bishita ta pa scucha kico ta e necesidadnan di pais Aruba y unda nan lo por asisti den implementacion di diferente proyecto. 

  • Minister Wever: Pabien Setar NV cu 20 aña di innovacion, progreso y exito!

    Minister Wever: Pabien Setar NV cu 20 aña di innovacion, progreso y exito!

    ORANJESTAD – Minister encarga cu TElecomunicacion, Geoffrey Wever a manda felicitacionan pa empleadonan di Setar NV na occasion di e 20 anniversario. “Mi kier extende mi caluroso felicitacion na empleadonan di Setar NV, pasado y presente, cu celebracion di 20 aña di Setar NV! Como un actor clave den industria di telecomunicacion na Aruba, Setar NV semper a hunga un rol fundamental den avansa e paisahe tecnologico di e isla, y tambe semper a contribui cu comunidad” e mandatario a bisa.

  • Powered by SETAR