Van Huffelen: Reconoce matrimonio mesun sexo ta asunto di cada pais di Reino

Den Haag  – Na ocacion di e recepcion di despedida di tres studiementor cu a stop cu nan trabao, director a.i. di Arubahuis drs. Glenda Hernandez a hiba palabra unda e la cuminsa na gradici e tres studiementor pa nan dedicacion na e guia di nos studiantenan. Alabes sra. Hernadez a haci uso di e oportunidad aki pa introduci e dos studiementornan nobo pa reemplasa esnan cu ta bai. Nathaly Deville-Russell lo tuma e region di Amsterdam y vecindario, mientras cu Rasnaly Cart tin e region di Brabant y Limburg bou dje.

ORANJESTAD/ ROTTERDAM – E 13 personanan di Aruba actualmente na Hulanda bou tratamento di Erasmus MC, no a keda afecta. Asina vocero di AZV na Aruba Solange Tchong a sigura noticiacla diahuebs. Asina cu e noticia di e tiroteo na e centro a bira conoci, a bin resulta cu ta e mesun centro aki cu ta tratanto un cantidad di Arubiano pa nan salud, manda pa AZV. Tchjong a confirma cu enberdad tin 13 asegurado bou tratamento di Erasmus MC. “Pero no tur 13 necesariamente ta interna” Tchjong a bisa. Mes momento Tchjong a sigura cu e caso di tiroteo na e centro no a afecta unda cu e aseguradonan di AZV ta. 

ROTTERDAM –  E caso di tiramento diahuebs merdia na Rotterdam a laga un saldo di 3 morto. Inicialmente a raporta dos morto (un dama di 39 aña y un homber di 46 aña), pero despues e mucha muher di 14 aña cu inicialmente a keda herida so, tambe a fayece a consecuencia di e heridanan ricibi. E supuesto tirado a keda deteni na e centro medico Erasmus na Rotterdam, unda cu e la tira su ultimo victima. Polis a confirma despues cu e tirado ta un conoci di polis cu na 2021 a keda deteni caba pa maltrato di bestia. Ademas e ta un alumno di e Universidad medico. JKico a conduci na e tiramento, no ta conoci, pero si a confirma cu ta trata di un caso individual dirigi, pues no tin mas persona sospechoso. E caso ta uno hopi teribel na Hulanda, cu no ta conoci pa casonan asina segun e alcalde di e ciudad portuario a bisa durante un conferencia di prensa. E homber cu a tira, prome a tira su dos prome victimanan den un apartamento cerca di e centro medico, y despues cende e lugar na candela. Despues e la sigui pa e centro medico unda cu den un lokaal e la tira e docente homber mata tambe. Na su salida di e centro, polis a pone man riba dje y detene mesora. 

DEN HAAG – Faltanto 8 siman pa e eleccionan Parlamentario na Hulanda, tin tres partido segun un encuesta cu ta den e top di partidonan politico. Ta trata di e partido VVD (na mando) e combinacion Groenlinks-PvdA y e partido nobo NSC di Pieter Omtzigt. E ta un encuesta di  Ipsos/EenVandaag y I&O Research. NSC net despues cu e la lanta, tabata e partido di mas grandi cu entre 26 pa 32 asiento, mientras cu awor e la cay un poco pa entre 23 y 27 asiento. Ta sigui VVD cu enter 25 y 29 asiento sigui pa Groenlinks/PvdA cu entre 22 y 26 asiento. Segun esnan cu a crea e encuesta, ta mustra cu e ta bisa poco ainda riba cua partido ta bira esun di mas grandi. “E ta claramente un moment opname. E parti mas grandi di e votadornan no sa ainda pa ken nan vota”, Tom Louwerse di Peilingwijzer a bisa. Eleccion ta na November proximo. 

AMSTERDAM – E ekipo di futbol professional Hulandes Feyenoord a haci e crisis den Ajax mas grandi ainda diaranson. E ekipo di Rotterdam a cuminsa e wega suspendi diaranson merdia (ora di Hulanda) cu e delantera di 3-0 y den apenas un par di minuut, a aumenta e score na 4-0 den un stadion sin publico. E partido tabata un continuacion di esun di diadomingo cu a keda suspendi ora cu fanaticonan a tira vuurwerk riba tereno. A suspende e wega e ora faltando 35 minuut di wega. Awe e wega a sigui y a hunga e restante di tempo, pero esaki no tabata beneficioso pa Ajax cu a sufri un derota historico contra su rival di tur tempo.  Te cu awor, nunca Feyenoord a gana di Ajax cu mas di 2 gol di diferencia. Tabata na 1987 cu e club a gana dos biaha tras di otro di Ajax, na Amsterdam. Cu e derota aki, despues di 5 partido Ajax ta na di 14 lugar y ta su temporada di mas malo den 60 aña cu solamente 1 victoria te awor.

AMSTERDAM – E artista Hulandes Marco Borsato ta wordo persigui pa abuso di un mucha muher menor di edad. E cantante di 56 aña ta wordo sospecha di a mishi cu e persona segun Ministerio Publico. Na December 2021 e muher cu awor tin 22 aña di edad, a entrega keho contra e artista. Ora cu e incidente a tuma lugar, e victima tabatin 15 aña. Ta trata di yiu muher di un ex trahado di Borsato. E abuso lo a dura añanan largo y a cuminsa ora cu e persona tabatin 15 aña. A bisa cu e caso ta haya preferencia riba otro casonan di abuso di menor. E abogado di e artista ta lamenta e situacion y ta sigura cu su cliente ta inocente y cu esaki ta un intento mas pa difama su cliente.