ORANJESTAD - Awe nochi, e autoridad riba e tema di Covid19 na Corsou durante e ultimo dos añanan, drs Izzy Gerstenbluth ta invitado den e programa NoticiaCla LIVE. E moderador Tito Laclé ta confronta drs Gerstenbluth cu ponencianan critico, y observacionan specifico riba e tematica interesante aki. Y siendo como e ta, drs Gerstenbluth no ta sconde su pensamento riba esaki y ta haci algun declaracion hopi interesante. Con e la experencia Covid19, su observacion, su critica y su conseho pa tur hende relaciona cu e malesa aki. Ademas, e ta splica tambe loke e ta trahando ariba y pa cual e tabata di bishita na Aruba pa un duracion hopi corto. No perde e punto di bista di e experto aki riba e tereno fascinante y alavez teribel di Covid19 cu a tene nos islanan den tension pa 2 aña largo. E programa ta cuminsa pa 9'or riba e plataformanan di Noticiacla LIVE manera e Facebook page, e app (busca e boton LIVE) y e website (busca e boton LIVE)..
ORANJESTAD – E situacion di Dengue na Aruba ta birando mas alarmante. Diahuebs Departamento di Salud Publico a informa cu a cuminsa hospitalisa hende cu ta infecta cu Dengue. Ta trata di 2 persona. Un di e personanan aki ta bek na cas, y e otro ta sigui interna cu complicacionnan serio debi na Dengue. Por a verifica cu ningun di e personanan aki a biaha recientemente, indicando cu ta trata aki di dos caso di Dengue di transmision local. DVG ta informa tambe cu ta observando mas caso cu ta di spera – of cu ta normal – pa e temporada aki.
ORANJESTAD - Entrante augustus 2024 e alumno di klas 1 lo siña lesa y skirbi na Papiamento. A organisa un trayecto di preparacion pa asina ekipa e cabesante y e maestro di klas 1 di scolnan basico (basisschool) cu e hermentnan necesario pa por implementa e parti aki di e maneho nobo di idioma den scol.
ORANJESTAD - Entrante 18 di april 2024, pa 9or di anochi via TeleAruba, Aruba completo lo por cuminsa presencia e serie documental ‘Blue Lizard Effect’. Un serie documental revolucionario cu ta profundisa su mes den e mundo fascinante di Aruba, pero di un angulo diferente. E serie ta explora e concepto energetico di felicidad y e conexion profundo cu e cultura, e hende, y naturalesa di e isla.