- Arubahuis ta perde tres studiementor pero ta haya 2 acerca
- Arends: Sector Maritimo na Aruba ta crucial pa siguridad nacional y bienestar general
- Tiroteo na Erasmus MC no a afecta pashentnan di Aruba bou tratamento di e centro
- Homber a tira tres hende mata den centro di Rotterdam
- E di 17 tormenta di e temporada a nace y a haya e nomber Rina
Parlamento Venezolano lo a forma grupo di amistad legislativa cu Hulanda pa cu reapertura di frontera
CARACAS – Asamblea Nacional di Venezuela a forma un grupo di amistad cu Hulanda, como un relevancia strategico den haci trabou pa e reapertura di e frontera cu islanan ABC. Asina e diputado Fernando Bastidas a informa e siman aki. Segun Bastidas, e relacion di hermandad cu tabata existi entre Venezuela y e islanan ABC, a wordo ‘kibra como consecuencia di e aggression cu a tuma lugar contra Venezuela’. Segun e politico, ‘afortunadamente durante e ultimo lunanan nos a mira portanan habri, y nos a cuminsa mira cambio’. Mientras cu tabatin presencia di funcionario di e canciyeria venezolano, e no a informa si tabatin personanan di autoridad hulandes presente. Manera ta conoci, luna pasa gobierno di Venezuela y Hulanda a revisa e cooperacion di frontera entre Venezuela y islanan ABC.
Militarnan Venezolano a tuma mando bek di prizon den man di banda criminal
CARACAS – Na Venezuela, 11 mil militar Venezolano a tuma control bek di un prizon cu tabata completamente den man di un banda criminal poderoso di e pais. Ta trata di e prizon Tocoron den e parti Noord di e pais. Durante e toma, e prizon a fungi como e cuartel di e banda Tren de Aragua, cu tin miles di miembro y cu ta activo internacionalmente tambe.
Guardacosta Venezolano a recupera e jet ski nan horta na Aruba
LA MACOLLA – E dos jetski nan cu dos Venezolano a horta diahuebs y huy bay cune, a keda recupera na e peninsula di Paraguana, Venezuela den e sector La Macolla pa Guarda Costa Venezolano. Asina e reporte di e Zona Operativa de Defensa Integral Marítima e Insular Occidental 72 (Zodimainoc) a cargo diVicealmirante Andrés Arbeláez Duarte a informa diabierna mainta. E noticia a plama diahuebs atardi ora cu dos Venezolano a logra horta e dos jetski nan aki y move y yega te Venezuela sin cu autoridad local por a haci algo.
Embahada Hulandes ta desmenti cu Conviasa lo cuminsa bula pa Aruba
CARACAS – Embahada di Reino Hulandes diahuebs a aclarea cu e noticia di e aeroliña Conviasa cu ta habri ruta entre Aruba y Venezuela, no ta berdad. Tabata algun dia prome cu e aeroliña riba su portada a menciona cu a anuncia rutanan habri pa cuminsa bula pa Aruba. Esaki a crea basta reaccion tanto local como na Venezuela. Esaki a pone pues cu embahada di Reino Hulandes mester a desmenti e noticia mesora. Nan ta bisa cu mientras cu e frontera maritime a habri 4 luna pasa, esaki no a sosode ainda pa e ruta aereo. Nan a recuri na nan cuenta di Twitter, pa desmenti e noticia. Ta conoci tambe cu entre April y juli ultimo, e demanda pa visa Caribeño pa venezolanonan a triplifica. Desde 2021 Hulanda a cuminsa exigi visa pa Venezolano. Na April mientrastanto e frontera aereo a habri entre Corsou y Venezuela. Ora cu e frontera maritimo a habri, e embahada a recorda cu Aruba e tempo ey a anuncia cu e frontera aereo lo habri den fase. Mientras ta contemplando esaki, aun no tin fecha definitivo.
Jacobs: St Maarten tin eleccion Parlamentario 11 di januari 2024
PHILIPSBURG – Prome minister di St Maarten Silveria Jacobs diaranson a anuncia cu e eleccion Parlamentario lo ta dia 11 di januari 2024. E anuncio a bin durante e conferencia di prensa di conseho di minister diaranson mainta. E deadline pa registracion di partido ta dia 11 di October 2023 y e listanan lo mester keda presenta pa dia 22 di November 2023.
Venezuela ta pinta Aruba y Corsou malo, cu raport Mericano riba exploitacion di migrantenan Venezolano
WASHINGTON – Prensa Venezuela e siman aki a duna atencion na e reportahe cu Departamento di Estado Mericano a emiti algun tempo pasa riba exploitacion laboral y sexual di migrante Venezolano na Aruba y Corsou, pintando Aruba y Corsou como paisnan cu ta trata Venezolanonan malo riba e tema menciona. E portal Venezolano LA PATILLA ta raporta e siman aki riba e tema. E portal ta referi na e informacion anual riba traficacion di persona cu a sali algun tempo atras caba y cu Aruba a relata ariba tambe, cual rapport a keda entrega pa e secretario di estado Mericano Anthony Blinken. Segun e rapport cu e medio Venezolano awor ta raporta ariba, Venezolanonan ta esnan mas afecta pa e operacion aki loke ta sosode den un contexto di emergencia humantaria compleho den su pais di origen. Aruba recientemente pa medio di e departamento cu ta atende cu traficacion di hende a menciona cu Aruba a haya un rapport basta bon, cu ta TIER 2, y ta bisa mes momento cu nan a haci algun esfuerso pa mehora e problema, pero cu nan ta insuficiente ya cu nan no a condena ningun di e personanan aki pa e delitonan. Ademas, segun e raportahe, e autoridad Arubano lo no a identifica niungun victima Venezolano den 2022, cu ta genera preocupacion relaciona e identificacion di e victimanan potencial. Corsou tambe a haya un mencion unda cu e raport ta menciona cu e pais aki no a reuni e standard minimo pa atende cu e asunto aki di traficacion di hende, ya cu e corte no a condena ningun traficante y e gobiernbo a condiciona e existencia di e victimanan stranhero na e cooperacion cu e cuerponan di aplicacion di e ley.
Sistema tropical ta moviendo direccion laman Caribe pa otro siman
MIAMI – Un sistema tropical chikito anota como sistema AL95 cu potencial pa bira algo mas grandi, diabierna atardi a haya mas organisacion segun National Hurricane Center cu 60% chens pa desaroya den un tormenta dentro di e proximo 7 dia. Loke ta haci esaki interesante pa nos, ta e direccion cu e ta tumando, esta moviendo west cu intencion pa cruza e laman Caribe den curso di otro siman si nada no cambia y si e sigui desaroya manera cu cos ta mustra.
Follow NoticiaCla
