Na Canada, trahado di ambulance ta trata propio yiu den accidente fatal sin reconoce debi na herida

Na Canada, trahado di ambulance ta trata propio yiu den accidente fatal sin reconoce debi na herida

Posted on 11/24/2022 9:23 am AST | Updated on 11/24/2022 9:23 am AST

CANADA – Un trahado di ambulance canades a atende un caso di accidente di auto fatal, sin sa cu tabata su propio yiu, debi na e heridanan grave e no a reconoce. E trahado a acudi na e yamada di e accidente, trata su yiu, y sigui cu su trabou y bay cas. Ta despues e la compronde cu e yiu tabata envolvi den e accidente y cu despues a a fayece a consecuencia di e heridanan ricibi. E yiu tabatin 17 aña.  

  • Bolivia su representante di certamen Miss Universo demanda pa declaracionan discriminatorio contra e.o. e representante di Aruba

    Bolivia su representante di certamen Miss Universo demanda pa declaracionan discriminatorio contra e.o. e representante di Aruba

    POTOSI – E representante di certamen di Miss Universo 2023 pa Bolivia, Maria Fernanda Pavisic ta den problema pa un video cu e la lansa cu lo ta racista y discriminatorio, y dirigi na rivalnan participante di e certamen, incluyendo Aruba. E portal Daily Mall ta raporta cu e representante di 23 aña ta wordo demanda pa e comentarionan haci den e video. E oficina di alcalde di ciudad di Potosi a entrega un demand acusando e reina di rasismo y discriminacion. Si logra kita su titulo, e lo no por participa y representa Bolivia durante e certamen dia 4 di januari 2023 na Nueva Orleans, estado di Louisiana na Merca.  E representante di Aruba ta Kiara Arends, cu a keda corona durante un certamen na augustus di e aña aki. 

  • China ta defede su maneho di zero tolerancia contra Covid

    China ta defede su maneho di zero tolerancia contra Covid

    BEJING – Gobierno chines no kier papia di un inquietud creciendo entre e pueblo, pa loke ta a maneh di zero tolerancia nobo pa Covid19. Asina e vocero di gobierno Zhao Lijian a bisa dialuna riba e raportahe di protestanan masivo cen e pais ultimo dianan. Lijian ta sigura cu e strategia di China lo ta exitoso pa combati Covid un biaha mas. Causa pa e protestanan tabata un candela grandi den un edifcio den e ciudad chines Urumqi, unda varios morto a cay. Supuestamente debi na e medidanan impone contra Covid, hopi di esnan cu a muri, no tabata permiti pa bandona nan cas, causando nan morto.

  • KNVB a opta pa toch no bringa FIFA den corte Deportivo pa asunto di banchi ‘OneLove’

    KNVB a opta pa toch no bringa FIFA den corte Deportivo pa asunto di banchi ‘OneLove’

    AMSTERDAM – E directiva di futbol hulandes (KNVB) a dicidi pa toch no demanda FIFA den e tribunal internacional Deportivo CAS, riba e bistimento di banchi OneLove durante weganan di Copa Mundial 2022 na Qatar. Un total di 7 pais a dicidi inicialmente pa nan capitan bisti e banchi durante wega, como solidaridad mundial di igualdad. Pero FIFA a menasa cu tur pais cu haci esey, lo haya un carchi geel automaticamente. Inicialmente Hulanda y otro paisnan tabata dispuesto pa paga un eventual multa pa viola e regla di e banchi. Pero ora cu FIFA a bin cu e menasa di carchi geel, tur pais a dicidi di hala atras. Despues a opta pa bringa FIFA den corte. Pero esey tambe a wordo para awor. Paisnan manera Inglatera, Belgica, Alemania y Dinamarca ta algun cu tambe kier a protesta.  

  • Na Merca trahado disgusta di Wallmart a tira 6 mata y despues su mes tambe

    Na Merca trahado disgusta di Wallmart a tira 6 mata y despues su mes tambe

    CHESAPEAKE – Un trahado disgusta di un di e tiendanan di cadena Wallmart na Virginia a tira 6 hende mata y despues mata su mes diamars anochi. E tiramento a cuminsa pa algo pasa di 10’or di anochi. Despues di apenas 2 minuut despues di e tiramento, polis tabata na e sitio.  

  • Temblor riba isla indones Java a laga mas di 50 persona morto

    Temblor riba isla indones Java a laga mas di 50 persona morto

    WESTJAVA – Un temblor riba e isla indones Java a causa morto di decenas di persona. Gobernador di e provincial ta papia di por lo menos 65 morto. Mas di 700 persona a resulta herida y mas di 300 cas a keda sea destrui of daña.    

  • FIFA ta prohibi benta di cerbez den stadionan di Copa Mundial di Futbol na Qatar

    FIFA ta prohibi benta di cerbez den stadionan di Copa Mundial di Futbol  na Qatar

    DOHA – E fanaticonan di futbol na Qatar lo no por bebe cerbez den stadionan unda cu tin wega di Copa Mundial di Futbol cuminsando otro siman. E benta a keda prohibit, despues di un discusion entre FIFA cu autoridadnan di e pais anfitrion. Asina FIFA ta informa diabierna. E mundial ta cuminsa diadomingo awor. Cerbez no alcoholic si ta permisibel pa benta. Otro lugarnan cu no ta stadionan, por bende cerbez si. E ta un sla pa e compania di cerbez Budweiser cu ta patrosina e mundial aki. E compania madre AB InBev ta paga miyones di dollar pa cada mundial pa derecho exclusivo pa benta di cerbez. Ta un cooperacion cu FIFA cu a inicia for di 1986. Mientras cu e ta un sla, e compania a mustra comprension pa e noticia. 

  • Powered by SETAR